കേരളത്തിൽ സ്കൂൾ ഉടൻ തുറക്കുമോ? സംസ്ഥാനങ്ങൾക്ക് തീരുമാനിക്കാമെന്ന് കേന്ദ്രം

ന്യൂഡൽഹി: പ്രാദേശിക നിയന്ത്രണങ്ങൾ പരിഗണിച്ച് സ്കൂളുകളും കോച്ചിംഗ് സെൻ്ററുകൾക്കും തുറന്ന് പ്രവർത്തിക്കാമെന്ന് കേന്ദ്ര സർക്കാർ. ഇക്കാര്യത്തിൽ സംസ്ഥാന സർക്കാരുകൾ തീരുമാനമെടുക്കാമെന്ന് കേന്ദ്ര മന്ത്രി ധർമ്മേന്ദ്ര പ്രധാൻ ലോക്സഭയിൽ പറഞ്ഞു.



ഇന്ത്യയ്‍ക്ക് അഭിമാനം: ഐ.എൻ.എസ് വിക്രാന്ത് കൊച്ചിയിലേക്ക് മടങ്ങി

പ്രദേശിക നിയന്ത്രണങ്ങൾ പരിഗണിച്ച് സ്കൂളുകൾ തുറന്ന് പ്രവർത്തിക്കുന്നതിൽ സംസ്ഥാന സർക്കാരുകൾക്ക് ആവശ്യമായ തീരുമാനം കൈക്കൊള്ളാമെന്ന് മുൻപ് പറഞ്ഞിട്ടുണ്ടെന്നും അദ്ദേഹം വ്യക്തമാക്കി. കേരളമടക്കമുള്ള സംസ്ഥാനങ്ങൾ സ്കൂളുകൾ തുറന്ന് പ്രവർത്തിക്കുന്നതിൽ ആലോചന ആരംഭിച്ച സാഹര്യത്തിൽ കൂടിയാണ് കേന്ദ്രം നിലപാട് അറിയിച്ചത്.

കൊവിഡ്-19 നിയന്ത്രണങ്ങളുടെ ഭാഗമായി സംസ്ഥാനത്ത് അടച്ചിട്ടിരിക്കുന്ന സ്കൂളുകൾ തുറക്കുന്നതിൽ വിദ്യാഭ്യാസമന്ത്രി വി ശിവൻകുട്ടി നിയമസഭയിൽ നിലപാടറിയിച്ചിരുന്നു. “സ്കൂളുകൾ ഘട്ടം ഘട്ടമായി തുറക്കുന്ന കാര്യം സർക്കാരിൻ്റെ പരിഗണനയിലുണ്ട്. സ്കൂളുകൾ തുറക്കുന്നതിൽ കേന്ദ്ര സർക്കാരിൻ്റെയും കൊവിഡ് നിയന്ത്രണ അതോറിറ്റിയുടെയും അനുമതി ആവശ്യമാണ്. ഇവരുടെ ഭാഗത്ത് നിന്നും അനുമതി ലഭിച്ചാലുടൻ കുട്ടികളിലെ വാക്സിനേഷൻ ഉൾപ്പെടെയുള്ള നടപടികളിലേക്ക് കടക്കും. അടുത്ത മാസത്തോടെ സ്കൂളുകളിൽ എല്ലാവിധ സൗകര്യങ്ങളും ഒരുക്കും” – എന്നും മന്ത്രി നിയമസഭയിൽ വ്യക്തമാക്കി.

മക്കളുടെ ഉടമയല്ല പിതാവ്; അമ്മയുടെ പേരും ചേര്‍ക്കാം: കോടതി

ഓൺലൈൻ വിദ്യാഭ്യാസരീതി ശാശ്വതമല്ലെന്ന് മന്ത്രി നിയമസഭയിൽ പറഞ്ഞു. ഓൺലൈൻ വിദ്യാഭ്യാസരീതി രീതി തുടരുന്നത് മൂലം കുട്ടികളിൽ പലവിധ ആരോഗ്യ പ്രശ്നങ്ങൾ ഉണ്ടാകുന്നുണ്ട്. ഓൺലൈൻ ക്ലാസുകളുടെ കാലത്ത് 36 ശതമാനം വിദ്യാർഥികളിൽ തലവേദന അനുഭവപ്പെടുന്നതായി എസ്‌സിആര്‍ടി പഠനത്തെ ഉദ്ദരിച്ച് മന്ത്രി സഭയില്‍ പറഞ്ഞു. 28 ശതമാനം കുട്ടികള്‍ക്ക് കണ്ണ് വേദനയും 28 ശതമാനം കുട്ടികള്‍ക്ക് കഴുത്തുവേദനയും റിപ്പോർട്ട് ചെയ്തു. ഇത്തരം സാഹചര്യങ്ങൾ നിലനിൽക്കെ ആശങ്കകൾ പരിഹരിക്കാൻ കുട്ടികളും മാതാപിതാക്കളും തമ്മിൽ കൂടുതൽ സംവദിക്കണം. കുട്ടികൾക്ക് ആവശ്യമായ വ്യായാമം, പരിചരണം എന്നിവ രക്ഷിതാക്കൾ ഉറപ്പാക്കണമെന്നും വിദ്യാഭ്യാസമന്ത്രി വി ശിവൻകുട്ടി നിയമസഭയിൽ പറഞ്ഞു.