തടി കൂടാനും കുറയ്ക്കാനും സഹായിക്കുന്നതില്‍ ഭക്ഷണത്തിന് പരമ പ്രാധാന്യമുണ്ട്. തടി കുറയ്ക്കാന്‍ സഹായിക്കുന്ന ഭക്ഷണങ്ങളില്‍ കലോറി കുറഞ്ഞ ഭക്ഷണങ്ങള്‍ പെടുന്നു. ഉയർന്ന കലോറി ഉള്ള ഭക്ഷണം കഴിക്കുന്നത് ശരീരഭാരം വർദ്ധിപ്പിക്കുന്നതിനും അമിതവണ്ണവുമായി ബന്ധപ്പെട്ട പ്രശ്നങ്ങൾക്കും കാരണമാകുന്നു. നിങ്ങളുടെ ഭക്ഷണക്രമത്തിൽ കുറഞ്ഞ കലോറി ഉള്ള ഭക്ഷണങ്ങൾ ഉൾപ്പെടുത്തിയില്ലെങ്കിൽ, ശരീരഭാരം കുറയ്ക്കാനുള്ള നിങ്ങളുടെ ശ്രമങ്ങൾ ഒരിക്കലും ഫലം കാണില്ല. നിങ്ങളുടെ ഭക്ഷണക്രമവും വ്യായാമ രീതിയും ഒരുമിച്ച് സമന്വയിപ്പിക്കുമ്പോൾ മാത്രമേ നിങ്ങൾക്ക് ഉദ്ദേശിച്ച ഗുണങ്ങൾ ലഭിക്കുവാൻ സാധിക്കുകയുള്ളു.തടി കുറയ്ക്കാന്‍ സഹായിക്കുന്ന ഇത്തരം ചില കലോറി കുറഞ്ഞ ഭക്ഷണങ്ങളെക്കുറിച്ചറിയൂ.

പച്ചക്കറികള്‍

പച്ച പച്ചക്കറികള്‍ കഴിക്കാൻ പലർക്കും ഭയങ്കര മടിയാണ്. പക്ഷേ അവയാണ് യഥാർത്ഥത്തിൽ ശരീരഭാരം കുറയ്ക്കാൻ ഏറ്റവുമധികം സഹായകമായ ഭക്ഷ്യവിഭവം. ഉയർന്ന അളവിലുള്ള പച്ചക്കറി നാരുകൾ കഴിക്കുന്നത് ഹൃദയ സംബന്ധമായ രോഗങ്ങൾക്കും വൻകുടൽ കാൻസറിനുമുള്ള സാധ്യത കുറയ്ക്കുന്നു. മലബന്ധം, പ്രമേഹം, ഡൈവേർട്ടിക്യുലോസിസ്, അമിതവണ്ണം എന്നിവ പരിഹരിക്കുന്നതിനും ഇലക്കറികളിൽ അടങ്ങിയിട്ടുള്ള ഫൈബർ സഹായിക്കുന്നു.ഇതു പോലെ ഇലക്കറികള്‍ തടി കുറയ്ക്കാന്‍ ഏറെ നല്ലതാണ്. ഇവയിലെ നാരുകളാണ് ഈ പ്രത്യേക ഗുണം നല്‍കുന്നത്.

ഗ്രീൻ ടീ

ശരീരഭാരം കുറയ്ക്കാൻ ശ്രമിക്കുന്ന ആളുകളിൽ മിക്കവരും ആദ്യമേ തന്നെ തിരഞ്ഞെടുക്കുന്ന ഒരു പാനീയമാണ് ഗ്രീൻ ടീ. ആന്റിഓക്‌സിഡന്റുകൾ, പോളിഫെനോൾസ്, ഫ്ലേവനോയ്ഡുകൾ എന്നിവ അടങ്ങിയിരിക്കുന്നതിനാൽ ഗ്രീൻ ടീ ശരീരത്തിന്റെ പ്രതിരോധശേഷി വർദ്ധിപ്പിക്കുക മാത്രമല്ല അണുബാധകളിൽ നിന്ന് നമ്മളെ സംരക്ഷിക്കുകയും ചെയ്യുന്നു. ഉത്കണ്ഠ കുറയ്ക്കുന്നതിനും ഓർമ്മശക്തിയും ശ്രദ്ധയും മെച്ചപ്പെടുത്തുന്നത് ഉൾപ്പെടെയുള്ള മറ്റ് തലച്ചോറിന്റെ പ്രവർത്തനങ്ങളെ സ്വാധീനിക്കാനും ഗ്രീൻ ടീ സഹായിക്കും.

സിട്രസ് ഫലവര്‍ഗങ്ങള്‍

ഇതു പോലെ സിട്രസ് ഫലവര്‍ഗങ്ങള്‍ തടി കുറയ്ക്കാന്‍ ഏറെ നല്ലതാണ്.ഇവയില്‍ ശക്തമായ ആന്റിഓക്‌സിഡന്റായ വിറ്റാമിൻ സി അടങ്ങിയിട്ടുണ്ട്. കൂടാതെ, ഫ്ലേവനോയ്ഡുകൾ എന്നറിയപ്പെടുന്ന ആന്റി ഓക്സിഡന്റ് ഗുണങ്ങളുള്ള സസ്യ സംയുക്തങ്ങളുടെ സമ്പുഷ്ടമായ ഉറവിടം കൂടിയാണ് നാരങ്ങ. ഇത് വീക്കം കുറയ്ക്കുവാനും സഹായകരമാകുന്നു.തണ്ണിമത്തൻ 92% വെള്ളമാണെന്ന് നിങ്ങൾക്കറിയാമല്ലോ. അതിനാൽ ശരീരത്തിൽ ജലാംശം നിലനിർത്താൻ സഹായിക്കുന്നതിനുള്ള ഒരു ലളിതമായ മാർഗ്ഗമാണ് ഇവ ധാരാളം കഴിക്കുക എന്നത്.

​മസാലകള്‍

മസാലകള്‍ കഴിയ്ക്കുന്നത് തടി കുറയ്ക്കാന്‍ നല്ലതാണ്. പ്രത്യേകിച്ചും വെളുത്തുള്ളി, ഇഞ്ചി, കറുവാപ്പട്ട കുരുമുളക് എന്നിവ ഏറെ ഗുണം ചെയ്യും.വെളുത്തുള്ളി പതിവായി കഴിക്കുന്നത് പ്രമേഹം, ഹൃദ്രോഗം പോലുള്ള വിട്ടുമാറാത്ത രോഗങ്ങൾക്കുള്ള സാധ്യത കുറയ്ക്കുന്നതിന് നിങ്ങളെ സഹായിക്കും. കുറഞ്ഞ കലോറി ഉള്ള ഭക്ഷ്യവസ്തുവാണ് ഇഞ്ചി, ഇത് സാധാരണയായി വീക്കം മൂലമുള്ള പ്രശ്നങ്ങൾ ചികിത്സിക്കാൻ സഹായിക്കുകയും കൊളസ്ട്രോളിന്റെ അളവും രക്തം കട്ടപിടിക്കാനുള്ള സാധ്യതയും കുറയ്ക്കുകയും ചെയ്യുന്നു.കറുവാപ്പട്ട പഞ്ചസാര കുറയ്ക്കും, കൊഴുപ്പ് കത്തിച്ചു കളയും. കുരുമുളകിന് ഉപാപചയ പ്രക്രിയ ശക്തിപ്പെടുത്താന്‍ കഴിവുണ്ട്.