ഹൈലൈറ്റ്:
- ഫേസ്ബുക്ക് പോസ്റ്റുമായി മുഈൻ അലി
- പാർട്ടിയ്ക്കാണ് പ്രാധാന്യമെന്ന് യൂത്ത് ലീഗ് നേതാവ്
- പ്രഥമ പരിഗണന പിതാവിന്‍റെ ആരോഗ്യ പരിപാലനത്തിന്
മലപ്പുറം: പാർട്ടിയ്ക്കാണ് പ്രാധാന്യമെന്ന് വ്യക്തമാക്കി യൂത്ത് ലീഗ് ദേശീയ വൈസ് പ്രസിഡന്‍റ് മുഈൻ അലി തങ്ങള്‍. വാർത്താ സമ്മേളനത്തിന് പിന്നാലെ ഉയർന്ന വിവാദങ്ങൾ മുസ്ലിം ലീഗിനെ പ്രതിരോധത്തിലാക്കിയെന്ന വാദങ്ങൾക്കിടെയാണ് മുഈൻ അലിയുടെ പ്രതികരണം. ആരോടും വ്യക്തി വിരോധമില്ലെന്ന് ഫേസ്ബുക്ക് പോസ്റ്റിലൂടെയാണ് അദ്ദേഹം പ്രതികരിച്ചത്.
പാർട്ടിയാണ് മുഖ്യം. പാർട്ടിയെ ശക്തിപ്പെടുത്താൻ ഒരുമയോടെ പ്രവർത്തിക്കും. എല്ലാം കലങ്ങി തെളിയും. കലക്കു വെള്ളത്തിൽ മീൻ പിടിക്കുന്നവരെ പ്രോത്സാഹിപ്പിക്കാനില്ല. പ്രഥമ പരിഗണന പിതാവിന്‍റെ ആരോഗ്യ പരിപാലനത്തിനാണെന്നും മുഈൻ അലി പ്രതികരിച്ചു.
കഴിഞ്ഞദിവസം വാർത്താ സമ്മേളനം നടത്തി മുഈൻ അലി തങ്ങൾ നടത്തിയ പരമാർശം വലിയ രാഷ്ട്രീയ ചർച്ചകൾക്ക് ഇടയാക്കിയിരുന്നു. പികെ കുഞ്ഞാലിക്കുട്ടിക്കെതിരായ പരാമർശത്തിന് പിന്നാലെ ഇടതുനേതാവ് കെടി ജലീൽ നടത്തിയ പ്രതികരണവും ശ്രദ്ധ നേടി. ഈ സാഹചര്യത്തിലാണ് കലക്കു വെള്ളത്തിൽ മീൻ പിടിക്കുന്നവരെ പ്രോത്സാഹിപ്പിക്കാനില്ലെന്ന പ്രതികരണവും മുഈൻ അലി തങ്ങൾ നടത്തിയിരിക്കുന്നത്.
മുഈൻ അലി തങ്ങളുടെ ഫേസ്ബുക്ക് പോസ്റ്റ്
ഫേസ്ബുക്ക് പോസ്റ്റ് ദുർവ്യാഖ്യാനം ചെയ്തു; വിശദീകരണവുമായി കെഎം ഷാജി
പാർട്ടിയുടെ അനുമതി ഇല്ലാതെ വാർത്താ സമ്മേളനം നടത്തി നേതൃത്വത്തിനെതിരെ വിമർശനം ഉന്നയിച്ചെന്ന ആരോപണത്തിൽ മുഈൻ അലി ശിഹാബ് തങ്ങൾക്കെതിരെ പാർട്ടി നടപടിയെടുക്കുമെന്ന് റിപ്പോർട്ടുകളുണ്ടായിരുന്നെങ്കിലും ലീഗ് ഉന്നതാധികാര സമിതി അദ്ദേഹത്തിനെതിരെ നടപടിയൊന്നും സ്വീകരിച്ചിരുന്നില്ല. മുഈൻ അലി തങ്ങളെ പിന്തുണച്ച് പാണക്കാട് കുടുംബവും വിവിധ നേതാക്കളും രംഗത്തെത്തിയതോടെയായിരുന്നു ഇത്. ഇതിന് പിന്നാലെ മുഈൻ അലിക്ക് പരോക്ഷ പിന്തുണയുമായി വിവിധ നേതാക്കളും രംഗത്തെത്തിയിരുന്നു.
ബലിയിടാൻ പോയ വിദ്യാർഥിയെക്കൊണ്ട് പിഴയടപ്പിച്ചു ; പോലീസുകാരന് സസ്പെൻഷൻ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : muslim youth league leader sayyid moyeen ali shihab thangal facebook post on controversy
Malayalam News from malayalam.samayam.com, TIL Network
