കൊവിഡ് വന്നു പോയാല്‍ മുടി കൊഴിച്ചില്‍ വരുന്നത് സാധാരണയാണ്. ഇതിന് പരിഹാരമായി ചില വഴികളുമുണ്ട്.
കൊവിഡ് വന്നാല്‍
കൊവിഡ് വന്നാല്‍ ചിലരെ ഇത് ദോഷകരമായി ബാധിയ്ക്കും. ചിലര്‍ക്ക് കാര്യമായ ശാരീരിക പ്രശ്‌നങ്ങള്‍ വന്നില്ലെങ്കിലും മാനസിക പ്രശ്‌നങ്ങളുണ്ടാകും. ഇത് മുടി കൊഴിച്ചിലിലേക്കു നയിക്കുകയും ചെയ്യുന്നു. മാത്രമല്ല, കൊവിഡ് ക്ഷീണം ബാധിച്ചവര്‍ക്ക് പഴയ അവസ്ഥയിലേയ്ക്കും ആരോഗ്യത്തിലേയ്ക്കും തിരികെയത്താന്‍ മാസങ്ങള്‍ തന്നെ വേണ്ടി വരുന്നതായും കണ്ടിട്ടുണ്ട്. ശരീരത്തിന്റെ പൊതുവേയുള്ള ആരോഗ്യം ക്ഷയിക്കുന്നത് മുടി കൊഴിച്ചിലിന് ഇടയാക്കുന്നു. ഈ രോഗം വന്നാല്‍ വിശപ്പുകുറയും രുചിക്കുറവുമെല്ലാം സാധാരണയാണ്. ഇത് നല്ല ഭക്ഷണങ്ങള്‍ കഴിയ്ക്കുന്നതില്‍ നിന്നും പലരേയും പിന്‍തിരിപ്പിക്കുകയും ചെയ്യുന്നു. ഇതെല്ലാം മുടി കൊഴിച്ചിലിന് ആക്കം കൂട്ടുന്നു. കൊവിഡാന്തര മുടി കൊഴിച്ചിലിന് പരിഹാരം എന്തെന്നറിയൂ.
മുടി കൊഴിച്ചില്‍ മാറാനുള്ള എളുപ്പമാര്‍ഗം
മുടി കൊഴിച്ചില്‍ മാറാനുള്ള എളുപ്പമാര്‍ഗം ശരീരത്തിന്റെ ആരോഗ്യവും ഇതു വഴി പ്രതിരോധ സംവിധാനവും തിരിച്ചു പിടിയ്ക്കുന്നത് തന്നെയാണ്. പോഷകാഹാരം കഴിയ്ക്കുക, ശരീരത്തിന് ആവശ്യമായ വൈറ്റമിനുകള്‍ കഴിയ്ക്കുക. വൈറ്റമിന്‍ ഡി, വൈറ്റമിന്‍ സി, അയേണ്‍ എന്നിവയടങ്ങിയ ഭക്ഷണങ്ങള്‍ കഴിയ്ക്കാം. ഇവയെല്ലാം ശരീരത്തിന്റെ പൊതുവേയുളള ആരോഗ്യം സംരക്ഷിയ്ക്കാന്‍ സഹായിക്കുന്നു.ഇവയെല്ലാം കഴിവതും ഭക്ഷണത്തിലൂടെ തന്നെ ശരീരത്തിന് ലഭ്യാമാക്കാന്‍ ശ്രമിയ്ക്കുക. ധാരാളം വെളളം കുടിയ്ക്കുക.
നെല്ലിക്ക
ചില പ്രത്യേക ഭക്ഷണങ്ങള്‍ കഴിയ്ക്കുന്നത് മുടിയുടെ ആരോഗ്യത്തിന് ഉത്തമമാണ്. ചില ഭക്ഷണങ്ങള്‍ കഴിയ്ക്കുന്നതും ഒപ്പം ഹെയര്‍ പായ്്ക്കായി ഉപയോഗിയ്ക്കുന്നതും ഗുണം നല്‍കും. ഇത്തരത്തില്‍ ഒന്നാണ് നെല്ലിക്ക. ഇത് കഴിയ്ക്കുന്നത് മുടിയ്ക്ക് നല്ലതാണ്. ഇത് അരച്ച് മുടിയില്‍ ഇടുന്നതും നല്ലതാണ്. ഇതിന് ആന്റിഫംഗൽ, ആന്റി വൈറൽ ഗുണങ്ങളുണ്ട്. മാത്രമല്ല നെല്ലിക്ക താരനും മറ്റ് ഫംഗസ് അണുബാധകളും തടയുകയും തലയോട്ടിയിലെ ആരോഗ്യം മെച്ചപ്പെടുത്തുകയും ചെയ്യുന്നു. നെല്ലിക്കയിലെ വിറ്റാമിൻ സി ശരീരത്തിലെ ആന്റിഓക്‌സിഡന്റുകൾ വർദ്ധിപ്പിക്കുന്നു. ഇത് അകാല നര തടയുകയും രക്തം ശുദ്ധീകരിക്കുകയും മുടിയുടെ സ്വാഭാവിക നിറം വർദ്ധിപ്പിക്കുകയും ചെയ്യുന്നു.
മുട്ട
മുട്ടയും ഇതു പോലെ കഴിയ്ക്കാവുന്നതും ഹെയര്‍ പായ്ക്കായി ഉപയോഗിയ്ക്കാവന്നതുമായി ഒന്നാണ്. ഇതില്‍ വൈറ്റമിന്‍ ഇ, എ, ഫോളേറ്റ്, ബയോട്ടിന്‍ എന്നിവയെല്ലാം തന്നെ അടങ്ങിയിരിക്കുന്നു. ഇത് കഴിയ്ക്കുന്നത് ഏറെ നല്ലതാണ്. ഇതിലെ പ്രോട്ടീനുകളും മുടിയ്ക്ക് ഗുണകരമാണ്. ഇത് മുടിയില്‍ പുരട്ടുന്നതും നല്ലതാണ്. മുടിയുടെ വളര്‍ച്ചയ്ക്ക് ഇതേറെ നല്ലതാണ്. മുട്ട വെള്ളയും മഞ്ഞയും തേയ്ക്കാം. എന്നാല്‍ മുട്ട വെള്ളയാണ് കൂടുതലാകും മുടിയില്‍ പുരട്ടാറ്. ഇത് മറ്റ് ഹെയര്‍ പായ്ക്കുകളില്‍ ചേര്‍ത്തിളക്കി മുടിയില്‍ പുരട്ടാം. ഇതു പോലെ ഒമേഗ 3 ഫാറ്റി ആസിഡുകള്‍ അടങ്ങിയ ഭക്ഷണം കഴിയ്ക്കാം. മീനുകളും മീനെണ്ണ ഗുളികയും ഫ്‌ളാക്‌സ് സീഡുകളും നട്‌സുമെല്ലാം നല്ലതാണ്.
വെളിച്ചെണ്ണ
മുടിയുടെ ആരോഗ്യത്തിന് വെളിച്ചെണ്ണ ഏറെ നല്ലതാണ്. ഹോട്ട് ഓയില്‍ മസാജ് മുടിയ്ക്ക് ഗുണം നല്‍കുന്ന ഒന്നുമാണ്. വെളിച്ചെണ്ണയിലെ വിറ്റാമിനുകളും ഫാറ്റി ആസിഡുകളും മുടി തഴച്ച് വളരാൻ സഹായിക്കുന്നു. ആഴ്ച്ചയില്‍ രണ്ടോ മൂന്നോ ദിവസം ചെറു ചൂടുള്ള വെളിച്ചെണ്ണ തലയിൽ തേച്ച് പിടിപ്പിക്കുകയും പത്ത് മിനുട്ട് മസാജ് ചെയ്യുകയും വേണം.വെളിച്ചെണ്ണ നിങ്ങളുടെ മുടി ആരോഗ്യമുള്ളതും കട്ടിയുള്ളതും നീളമുള്ളതുമായി വളരാൻ സഹായിക്കും. ഇത് മുടി ആരോഗ്യത്തോടെ വളരാൻ സഹായിക്കും. കുറേ നേരം മുട്ട വേവിക്കാറുണ്ടോ, എങ്കില്‍…..
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : how to avoid post covid hair loss
Malayalam News from malayalam.samayam.com, TIL Network
