സൗന്ദര്യത്തിന് സഹായിക്കുന്ന വീട്ടുപായങ്ങള്‍ ധാരാളമുണ്ട്. പല സൗന്ദര്യ പ്രശ്‌നങ്ങള്‍ക്കും പരിഹാരവും ഇത്തരം വീട്ടുവൈദ്യങ്ങള്‍ തന്നെയാണ്. നമ്മുടെ വീട്ടുമുറ്റത്തുണ്ട്, പലതിനും പരിഹാരം. പല സൗന്ദര്യ പ്രശ്‌നങ്ങള്‍ക്കും പരിഹാരമായി ചെയ്യാവുന്ന ഒന്നുണ്ട്. ഇതാണ് തുളസി. നാം പലപ്പോഴും മരുന്നായും ആചാരപരമായ കാര്യങ്ങള്‍ക്കുമെല്ലാം ഉപയോഗിയ്ക്കുന്ന തുളസി പല തരത്തിലെ ആരോഗ്യ പ്രശ്‌നങ്ങള്‍ക്കും സൗന്ദര്യ പ്രശ്‌നങ്ങള്‍ക്കും മരുന്നു കൂടിയാണ്. തുളസി നീരും അല്‍പം തേനും ചേര്‍ത്ത് മുഖത്തു പുരട്ടുന്നത് നല്‍കുന്ന ഗുണങ്ങള്‍ പലതാണ്. ഇത് നിത്യവും ചെയ്താല്‍ ഉണ്ടാകുന്ന ഗുണങ്ങളെക്കുറിച്ചറിയൂ.
തുളസി
തുളസി സൗന്ദര്യ, ആരോഗ്യ ഗുണങ്ങള്‍ ഏറെയുള്ള ഒന്നാണ്. ഇതിന് അണുക്കളെ പ്രതിരോധിയ്ക്കാനുള്ള കഴിവുണ്ട്. ഇതിനാല്‍ തന്നെ ഇത് ഗുണകരമാണ്. മുഖക്കുരു, മുഖത്തുണ്ടാകുന്ന അലര്‍ജി പ്രശ്‌നങ്ങള്‍ക്ക് ഇതേറെ നല്ല ഒരു മരുന്നാണ്. ചര്‍മത്തിന് ചെറുപ്പം നല്‍കാന്‍ സഹായിക്കുന്ന, ചര്‍മത്തിന് ഇറുക്കം നല്‍കുന്ന ഒന്നാണിത്. പല ചര്‍മ പ്രശ്‌നങ്ങള്‍ക്കും പരിഹാരമാകാവുന്ന ഒന്ന്.
തേൻ
തേൻ ഒരു സ്വാഭാവിക മോയിസ്ചറൈസറാണ്. അതായത്, ഇത് ചർമ്മത്തിൽ ആഴത്തിൽ ഈർപ്പം പകരുന്നു. തേനിലെ എൻസൈമുകൾ ചർമ്മത്തിൽ മണിക്കൂറുകളോളം ജലാംശം നിലനിർത്തുന്നു, ഇത് ചർമ്മത്തെ മൃദുവാക്കാനും പോഷിപ്പിക്കുവാനും സഹായിക്കുന്നു.തേനിന്റെ ആന്റിഫംഗൽ, ആൻറി ബാക്ടീരിയൽ ഗുണങ്ങൾ ചർമ്മത്തിലെ ബാക്ടീരിയകളുടെ വളർച്ചയെ തടസ്സപ്പെടുത്തുകയും ചുവന്ന മുഖക്കുരുവിനെ പോലും കുറയ്ക്കാൻ സഹായിക്കുകയും ചെയ്യുന്നു. ചുളിവില്ലാത്ത ചർമ്മത്തിന് പ്രകൃതിയുടെ ഏറ്റവും മികച്ച ചികിത്സയാണിത്. തേൻ ഒരു എമോലിയന്റ് ആണെന്ന് പഠനങ്ങൾ തെളിയിച്ചിട്ടുണ്ട്, ഇത് ചുളിവുകളുടെ രൂപവത്കരണത്തെ തടയുകയും പിഎച്ച് സന്തുലിതാവസ്ഥ നിയന്ത്രിക്കുകയും ചെയ്യുന്നു.
മൃദുവായ കവിളുകള്‍
ചുവന്ന തുടുത്ത, നല്ല മൃദുവായ കവിളുകള്‍ ആഗ്രഹിയ്ക്കാത്തവരില്ല. ഇവര്‍ക്ക് പരീക്ഷിയ്ക്കാവുന്ന ഒന്നാണ് തേനും തുളസി നീരും. ഇവ രണ്ടും കലര്‍ത്തി മുഖത്തു പുരട്ടുന്നത് നല്ല തുടുത്ത കവിളുകള്‍ക്കു സഹായിക്കും. തുളസിയില്‍ അയേണ്‍ ധാരാളമുണ്ട്. തേന്‍ നല്ലൊന്നാന്തരം ആന്റി ഓക്‌സിഡന്റുമാണ്. ഇവ അടുപ്പിച്ചു ചെയ്യുന്നത് ഈ ഗുണം നല്‍കും. ഇതു മാത്രമല്ല, ഈ മിശ്രിതം, അതായത് തേനും തുളസിനീരും ചേര്‍ത്തു കഴിയ്ക്കുന്നതും കവിള്‍ തുടക്കാനും നിറത്തിനും നല്ലതാണ്.
അകാല വാര്‍ദ്ധക്യത്തിനുള്ള
അകാല വാര്‍ദ്ധക്യത്തിനുള്ള നല്ലൊരു പായ്ക്കാണിത്. തേനിന് ആന്റി ഓക്‌സിഡന്റ് ഗുണങ്ങള്‍ ധാരാളമുണ്ട്. ഇത് ചര്‍മത്തില്‍ ഈര്‍പ്പം നില നിര്‍ത്തുന്നു. തുളസിയ്ക്കും ആന്റ് ഓക്‌സിഡന്റ് ഗുണങ്ങളുണ്ട്. ഇതും സഹായിക്കുന്നു. ചര്‍മത്തിലെ വരകളും ചുളിവുകളും അകറ്റാന്‍ സാധിയ്ക്കും. ചര്‍മത്തിന് തിളക്കവും മിനുസവും നല്‍കുന്നു. ഇത് ദിവസവും മുഖത്തു പുരട്ടാന്‍ സാധിയ്ക്കും.
വരണ്ടതോ, എണ്ണമയമുള്ളതോ, ഇവ രണ്ടും ചേർന്നതോ പോലുള്ള വ്യത്യസ്ത ചർമ്മ തരങ്ങൾക്കായി തുളസി മാസ്ക് ഫലപ്രദമായി പ്രവർത്തിക്കുന്നു. കൂടാതെ, ഈ മാസ്ക് ഒരു അത്ഭുതകരമായ പ്രകൃതിദത്ത ചർമ്മ സംരക്ഷണ ഉൽപ്പന്നമാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : apply basil and honey mixture for these beauty benefits
Malayalam News from malayalam.samayam.com, TIL Network
