നിയമ ലംഘനത്തിന് പിഴയൊടുക്കാം; ജാമ്യം അനുവദിക്കണമെന്ന് ഇ ബുള്‍ ജെറ്റ് വ്ളോഗര്‍മാര്‍

കണ്ണൂർ: വാഹനത്തിൽ വരുത്തിയ രൂപമാറ്റത്തിനും നിയമലംഘനങ്ങൾക്കും പിഴയൊടുക്കാമെന്ന് ഇ ബുൾ ജെറ്റ് സഹോദരന്മാർ. കോടതിയിൽ നൽകിയ ജാമ്യാപേക്ഷയിലാണ് ഇവർ ഇക്കാര്യം അറിയിച്ചത്. ഇതേത്തുടർന്ന് വ്ളോഗർമാരായ എബിന്‍റെയും ലിബിന്‍റെയും ജാമ്യാപേക്ഷ കോടതി വിധിപറയാൻ മാറ്റിയതായി ഏഷ്യാനെറ്റ് ന്യസ് റിപ്പോർട്ട് ചെയ്തു,



ആര്‍ടി ഓഫീസില്‍ ഉണ്ടായ നാശനഷ്ടങ്ങളുടെ പിഴ എത്രയായാലും അത് ഒടുക്കാമെന്ന് ഇ ബുൾ ജെറ്റ് സഹോദരങ്ങളുടെ അഭിഭാഷകൻ കണ്ണൂര്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതിയെയാണ് അറിയിച്ചത്. കേസില്‍ വാദം കേള്‍ക്കവെയാണ് അഭിഭാഷകന്‍ ഇക്കാര്യം അറിയിച്ചത്. ആര്‍ടി ഓഫീസില്‍ ഉണ്ടാക്കിയ നാശനഷ്ടങ്ങളുടെ കണക്ക് ബോധ്യപ്പെടുത്താൻ കോടതി നിര്‍ദേശം നല്‍കിയതായും റിപ്പോർട്ട് പറയുന്നു.

‘മഹാ അപരാധം എന്ന മട്ടിൽ കാണരുത്’; പോലീസ് പിഴ ചുമത്തുന്നതിനെ ന്യായീകരിച്ച് മുഖ്യമന്ത്രി

പൊതുമുതൽ നശിപ്പിച്ചതുൾപ്പെടെ നിരവധി വകുപ്പുകളാണ് ഇരുവർക്കുമെതിരെ ചുമത്തിയിരിക്കുന്നത്. പൊതുമുതൽ നശീകരണം തടയൽ നിയമത്തിലെ 3(1) വകുപ്പ് പ്രകാരമാണ് കേസ്. കൃത്യം നിർവഹണം തടസപ്പെടുത്തി, മോട്ടോർവാനവകുപ്പ് ഉദ്യോഗസ്ഥർക്കെതിരെ ഭീഷണി മുഴക്കി തുടങ്ങി വിവിധ വകുപ്പുകളാണ് ഇവർക്കെതിരെ ചുമത്തിയിരിക്കുന്നത്.

അതേസമയം കള്ളക്കേസിൽ കുടുക്കി ജയിലടക്കാനാണ് പോലീസിന്‍റെ ശ്രമമെന്നാണ് ഇ ബുൾ ജെറ്റ് സഹോദരങ്ങളുടെ അഭിഭാഷകൻ മുഹമ്മദ് ഫൗസ് ആരോപിക്കുന്നത്. ഇന്നലെയായിരുന്നു വ്ളോഗർമാരായ ലിബിനും എബിനും അറസ്റ്റിലാകുന്നത്. വാഹനത്തിൽ വരുത്തിയ രൂപമാറ്റത്തിന് പിഴയൊടുക്കാൻ ആവശ്യപ്പെട്ടതിന് പിന്നാലെ കണ്ണൂർ ആർടിഒ ഓഫീസിൽ ബഹളം വെച്ചതിനായിരുന്നു പോലീസ് ഇരുവരെയും അറസ്റ്റ് ചെയ്തത്.

മൂന്ന് ലക്ഷം ഡോസ് വാക്സിൻ കേരളത്തിലേക്ക്; ഇന്ന് അഞ്ച് ജില്ലകളിൽ വാക്സിനേഷനില്ല

അറസ്റ്റ് സമയത്ത് പോലീസ് തങ്ങളെ മർദ്ദിക്കുന്നെന്ന് പറഞ്ഞ് ഇവർ സമൂഹമാധ്യമങ്ങളിൽ വീഡിയോ പോസ്റ്റ് ചെയ്തിരുന്നു. ഇതിന് പിന്നാലെ യൂട്യൂബർമാരും ആരാധകരും ഓഫീസ് പരിസരത്ത് തടിച്ച് കൂടിയിരുന്നു.