ചീഫ് സെക്രട്ടറിയെ അപമാനിച്ച സംഭവം; കെജ്രിവാളും മനീഷ് സിസോദിയയും കുറ്റവിമുക്തര്‍

ന്യൂഡൽഹി: ഡൽഹി മുൻ ചീഫ് സെക്രട്ടറി അൻഷു പ്രകാശിനെ ആക്രമിച്ച കേസിൽ മുഖ്യമന്ത്രി അരവിന്ദ് കെജ്രിവാള്‍, ഉപമുഖ്യമന്ത്രി മനീഷ് സിസോദിയ എന്നിവരുള്‍പ്പൊടെ ഒമ്പത് ആം ആദ്മി പാർട്ടി എംഎൽഎമാരെ ബുധനാഴ്ച കുറ്റവിമുക്തരാക്കി ഡൽഹി കോടതി.



Also Read : ഈ നൂറ്റാണ്ട് അവസാനത്തോടെ കൊച്ചി വെള്ളത്തിലാകും; അപായമണി മുഴക്കി ഐപിസിസി

2018ലാണ് കേസിനാസ്പദമായ സംഭവമുണ്ടായത്. ഫെബ്രുവരി 19ന് മുഖ്യമന്ത്രി അരവിന്ദ് കെജ്രിവാളിന്റെ വസതിയിൽ യോഗത്തിന് എത്തിയപ്പോള്‍ ചീഫ് സെക്രട്ടറിയായിരുന്ന അൻഷു മര്‍ദ്ദിക്കപ്പെട്ടുവെന്നായിരുന്നു കേസ്. പിന്നീട്, പ്രാഥമിക അന്വേഷണത്തിനൊടുവിൽ മുഖ്യമന്ത്രി കെജ്രിവാളിനും മനീഷ് സിസോദിയക്കും അടക്കം 11 പേര്‍ക്കെതിരെ കേസെടുക്കുകയായിരുന്നു.

നിലവിൽ അരവിന്ദ് കെജ്രിവാള്‍, ഉപമുഖ്യമന്ത്രി മനീഷ് സിസോദിയയും അടക്കം ഒൻപത് പേരെയാണ് കുറ്റവിമുക്തരാക്കി. എഎപി എംഎൽഎമാരായ അമാനത്തുള്ള ഖാൻ, പ്രകാശ് ജർവാൾ എന്നിവർക്കെതിരായ കുറ്റം ചുമത്താൻ കോടതി ഉത്തരവിട്ടിട്ടുണ്ട്.

ഇത് നീതിയുടെയും സത്യത്തിന്റെയും വിജയത്തിന്റെ ദിവസമാണ്. എല്ലാ ആരോപണങ്ങളും തെറ്റാണെന്നും അടിസ്ഥാനരഹിതമാണെന്നും കോടതി പറഞ്ഞു, ആ കള്ളക്കേസിൽ മുഖ്യമന്ത്രി ഇന്ന് കുറ്റവിമുക്തനാക്കപ്പെട്ടു. ഞങ്ങൾ അത് പറയുകയായിരുന്നു ആരോപണങ്ങൾ തെറ്റായിരുന്നു. ഇത് മുഖ്യമന്ത്രിക്കെതിരെ നടത്തിയ ഗൂഡാലോചനയാണ് ഈ കേസ് എന്നും ഉത്തരവിനോട് പ്രതികരിച്ചുകൊണ്ട് മനീഷ് സിസോദിയ പറഞ്ഞു.

Also Read : ഓഗസ്റ്റ് ഒന്ന് മുതൽ 20 വരെ നിര്‍ണായകം; കേരളത്തിൽ 4.6 ലക്ഷം രോഗികള്‍ വരെ എത്താമെന്ന് കേന്ദ്രസംഘം



കുറ്റവിമുക്തരാക്കിക്കൊണ്ടുള്ള കോടതി ഉത്തരവ് സത്യത്തിന്റേയും നീതിയുടേയും വിജയമാണെന്ന് കോടതി വിധിക്ക് പിന്നാലെ വാര്‍ത്താസമ്മേളനം നടത്തി കെജ്രിവാളും മനീഷ് സിസോദിയയും പറഞ്ഞു.