ആര്‍ത്തവകാല ക്രമക്കേടുകള്‍ പലരേയും അലട്ടുന്ന ഒന്നാണ്. ഇതിന് പരിഹാരമായി പല കാര്യങ്ങളും ചെയ്യാന്‍ സാധിയ്ക്കും. ആര്‍ത്തവം 10-11 വയസില്‍ തുടങ്ങി 50 വയസു വരെ എന്നാണ് കണക്ക്. എന്നാല്‍ ചിലപ്പോഴെങ്കിലും ഇത്തരം ആര്‍ത്തവത്തില്‍ ക്രമക്കേടുകള്‍ വരാറുണ്ട്. ആര്‍ത്തവത്തുടക്കത്തിലും ആര്‍ത്തവത്തിന് ഒടുക്കം, അതായത് മെനോപോസ് അടുക്കുമ്പോഴും ഇത്തരം ക്രമക്കേടുകള്‍ സാധാരണയെങ്കിലും ഇതിനിടയിലുള്ള ആര്‍ത്തവ ക്രമക്കേടുകള്‍ ശ്രദ്ധിയ്ക്കണം. പ്രത്യേകിച്ചും കൃത്യമായി ആര്‍ത്തവം വരുന്ന സ്ത്രീയ്ക്ക് പെട്ടെന്ന് ആര്‍ത്തവ ക്രമക്കേടുകള്‍ വരികയാണെങ്കില്‍. ആര്‍ത്തവക്രമക്കേടുകള്‍ക്ക് കാരണങ്ങള്‍ പലതാണ്. അടിസ്ഥാനപരമായി ഇത് ഹോര്‍മോണ്‍ പ്രശ്‌നങ്ങള്‍ കൊണ്ടു വരുന്നതാണ് ഇത്തരം പ്രശ്‌നങ്ങള്‍ക്ക് പരിഹാരമായി ചെയ്യാവുന്ന കാര്യങ്ങള്‍ പലതാണ്.

ഹിപ് ബാത്ത്

ഇതില്‍ ഒന്നാണ് ഹിപ് ബാത്ത്. സിറ്റ്‌സ് ബാത്ത് എന്നും ഇതറിയപ്പെടുന്നു. ഇത് മഞ്ഞള്‍ വെള്ളത്തില്‍ ചെയ്യുന്നത് ആര്‍ത്തവ ക്രമക്കേടുകള്‍ക്കുള്ള നല്ല പരിഹാരമാണ്. ഇതിനായി ടബ്ബില്‍ വെള്ളം എടുത്ത് ഇതില്‍ മഞ്ഞള്‍ കലക്കി ഇതില്‍ ഇരിക്കുക. അരക്കെട്ട് ഭാഗം ടബില്‍ വരും. കാലുകള്‍ പുറത്തു വയ്ക്കുക. രണ്ട് കൈകളും കൂട്ടിപ്പിണച്ച് മുട്ടില്‍ വയ്ക്കണം. ഇത് എന്‍സൈം പ്രവര്‍ത്തനങ്ങള്‍ ശരിയായ തോതില്‍ നടക്കാന്‍ സഹായിക്കും.10 മിനിറ്റു നേരം ഇങ്ങനെ ഇരിയ്ക്കാം.

അശ്വിനി മുദ്ര

ഈ പൊസിഷനില്‍ ഇരിയ്ക്കുമ്പോള്‍ അശ്വിനി മുദ്ര എന്ന വ്യായാമം ചെയ്യാം. ഇത് വജൈനല്‍,ഏനല്‍ മസിലുകള്‍ ചുരുക്കുന്നതും വികസിയ്പ്പിക്കുന്നതുമാണ്. വജൈനല്‍ ഭാഗത്തേയും നിതംബ ഭാഗത്തേയും മസിലുകള്‍ ടൈറ്റ് ചെയ്യുക,ടൈറ്റ് ചെയ്ത് മുകളിലേയ്ക്കു താഴേയ്ക്കും ഉയര്‍ത്തുക. ഇത് ഫെല്ലോപിയന്‍ ട്യൂബുകള്‍ക്കും ഇതു സംബന്ധിയായ അവയവങ്ങള്‍ക്കും നല്ലതാണ്. ഇതിലൂടെ ആര്‍ത്തവ പ്രശ്‌നങ്ങള്‍ക്ക് പരിഹാരമാകുകയും ചെയ്യും. ഇതിന് ശേഷം റിലാക്‌സ് ചെയ്ത് പുറത്തു വന്ന് കുളിച്ചു കയറാം. ഇത് ദിവസവും ചെയ്യാം. ഇത് ദിവസവും ചെയ്യുന്നത് ന്ല്ലതാണ്. ഇതില്‍ ഉപയോഗിയ്ക്കുന്ന മഞ്ഞളും ഏറെ ഗുണങ്ങള്‍ അടങ്ങിയ ഒന്നാണ്.

ഇഞ്ചി വെള്ളം

പച്ചപ്പപ്പായ കഴിയ്ക്കുന്നത് ആര്‍ത്തവ ക്രമ്ക്കേടുകള്‍ക്കുള്ള പരിഹാരമാണ്. ഇത് ഹോര്‍മോണ്‍ പ്രക്രിയകള്‍ ക്രമപ്പെടുത്തി ആര്‍ത്തവ ക്രമക്കേടുകള്‍ പരിഹരിയ്ക്കാന്‍ സഹായിക്കുന്നു. ഇത് യൂട്രസ് മസിലുകളെ ചുരുങ്ങാനും വികസിയ്ക്കാനും സഹായിക്കുന്നതിലൂടെയാണ് ഇതു സാധ്യമാകുന്നത്. ഇതു പോലെ ഇഞ്ചി വെള്ളം കുടിയ്ക്കാം. ഇതില്‍ ലേശം ശര്‍ക്കര കൂടി ചേര്‍ക്കാം. ഇത് പ്രാതല്‍, ഉച്ചഭക്ഷണം, രാത്രി ഭക്ഷണം എന്നിവയ്ക്ക് ശേഷം അരക്കപ്പു വീതം കുടിയ്ക്കാം. ഇത് തടി കുറയ്ക്കാന്‍ നല്ലതാണ്. തടി കൂടുന്നത് ആര്‍ത്തവ ക്രമക്കേടുകള്‍ക്ക് കാരണമാണ്.

​യോഗ

യോഗ ചെയ്യുന്നത് ആര്‍ത്തവ ക്രമക്കേടുകള്‍ത്ത് നല്ലതാണ്. ഹസ്തപാദാസനം, ഭദ്രാസനം, വജ്രാസനം, ധനുരാസന്‍, സര്‍വാംഗാസന്‍ എന്നിവ ഇതില്‍ പെടുന്നു. ഇത് പെല്‍വിക് ഏരിയായിലെ ആരോഗ്യത്തിന് നല്ലതാണ്. ഇത് ദിവസവും ചെയ്യാം. ആര്‍ത്തവ ക്രമക്കേടുകള്‍ ചെയ്യാം. ഇതു പോലെ ധ്യാനം ചെയ്യാം. ഇത് സ്‌ട്രെസ് പോലുള്ള അവസ്ഥകള്‍ മറി കടക്കാന്‍ നല്ലതാണ്. സ്‌ട്രെസ്, ടെന്‍ഷന്‍ എന്നിവ ഹോര്‍മോണ്‍ പ്രക്രിയകളുണ്ടാക്കും. യോഗ ഇതിനുളള നല്ലൊരു പരിഹാരമാണ്. ഇതില്‍ തന്നെ സുഖാസന, നിഷ്പന്ദഭാവ എന്നിവ ഏറെ നല്ലതാണ്. മനസിനെ ശാന്തമാക്കാനുളള ഒന്നാണിത്. Also read: കാഴ്ചശക്തി മെച്ചപ്പെടുത്താൻ കാരറ്റ് ഇങ്ങനെ കഴിക്കാം