Sumayya P | Lipi | Updated: 11 Aug 2021, 05:35:00 PM
ആരോഗ്യപരമായ കാരണങ്ങളാല്‍ വാക്‌സിന്‍ എടുക്കുന്നതില്‍ നിന്ന് ഇളവ് നല്‍കപ്പെട്ടിട്ടുള്ളവര്‍ക്കും 16 വയസ്സിന് താഴെ പ്രായമുള്ള കുട്ടികള്‍ക്കും ഈ നിബന്ധന ബധകമല്ലെന്നും കമ്മിറ്റി അറിയിച്ചു
വാക്‌സിന്‍ എടുത്തവര്‍ മാത്രം പൊതു ഇടങ്ങളില്‍ പ്രവേശിക്കുന്നതോടെ രോഗവ്യാപന സാധ്യത വലിയ തോതില്‍ കുറയ്ക്കാനാവുമെന്നാണ് ഭരണകൂടം പ്രതീക്ഷിക്കുന്നത്. ആദ്യ ഘട്ടത്തില്‍ ഷോപ്പിംഗ് സെന്ററുകള്‍, റെസ്റ്റൊറന്റുകള്‍, കഫേകള്‍, സ്പാകള്‍ തുടങ്ങിയ വ്യാപാര കേന്ദ്രങ്ങളിലാണ് നിയമം നടപ്പില്‍ വരുത്തുക. ജിമ്മുകള്‍, വിനോദ കേന്ദ്രങ്ങള്‍, കായിക കേന്ദ്രങ്ങള്‍, ആരോഗ്യ ക്ലബ്ബുകള്‍, റിസോര്‍ട്ടുകള്‍, മ്യൂസിയങ്ങള്‍, സാംസ്‌കാരിക കേന്ദ്രങ്ങള്‍, തീം പാര്‍ക്കുകള്‍, സര്‍വകലാശാലകള്‍, സര്‍ക്കാര്‍- സ്വകാര്യ സ്‌കൂളുകള്‍, നഴ്‌സറികള്‍ തുടങ്ങിയ ഇടങ്ങളിലും പ്രവേശനം വാക്‌സിന്‍ എടുത്തവര്‍ക്ക് മാത്രമാക്കും. അതേസമയം അവശ്യ സാധനങ്ങളുടെ ലഭ്യത ഉറപ്പുവരുത്തുന്നതിനായി സൂപ്പര്‍മാര്‍ക്കറ്റുകള്‍, ഫാര്‍മസികള്‍ എന്നിവിടങ്ങളില്‍ നിയമം ബാധകമാക്കില്ല.
അതേസമയം, ആരോഗ്യപരമായ കാരണങ്ങളാല്‍ വാക്‌സിന്‍ എടുക്കുന്നതില്‍ നിന്ന് ഇളവ് നല്‍കപ്പെട്ടിട്ടുള്ളവര്‍ക്കും 16 വയസ്സിന് താഴെ പ്രായമുള്ള കുട്ടികള്‍ക്കും ഈ നിബന്ധന ബധകമല്ലെന്നും കമ്മിറ്റി അറിയിച്ചു. രാജ്യത്ത് കൊവിഡ് പ്രതിരോധത്തിന്റെ ഭാഗമായി വ്യാവസായിക മേഖലകളില്‍ കൊവിഡ് പരിശോധനകള്‍ വ്യാപകമാക്കാനും കമ്മിറ്റി തീരുമാനിച്ചു. സിനോഫാം വാക്‌സിന്‍ എടുത്തവര്‍ക്ക് ബൂസ്റ്റര്‍ ഡോസ് നല്‍കുന്നത് ഉള്‍പ്പെടെയുള്ള നടപടികള്‍ വേഗത്തിലാക്കുമെന്നും അധികൃതര്‍ അറിയിച്ചു.
അടിയന്തര യോഗം വിളിച്ച് തിയറ്റർ ഉടമകളുടെ സംഘടനയായ ഫിയോക്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : entry for only vaccinated people at public places from august 20 in abu dhabi
Malayalam News from malayalam.samayam.com, TIL Network
