ഹൈലൈറ്റ്:
- സഹോദരിമാരെ കൂട്ടാബലാത്സംഗം ചെയ്തു
- കീടനാശിനി നൽകി കൊലപ്പെടുത്തി
- നാല് കുടിയേറ്റ തൊഴിലാളികൾ അറസ്റ്റിൽ
പെൺകുട്ടികളും അമ്മയും മാത്രമുള്ള വീട്ടിൽവെച്ചാണ് ഇവർ പീഡനത്തിനിരയായത്. കുടുംബം വാടകയ്ക്ക് താമസിക്കുന്ന വീടിനോട് ചേർന്നുള്ള മുറിയിൽ കഴിഞ്ഞിരുന്ന കുടിയേറ്റ തൊഴിലാളികളായ നാല് പേരാണ് പ്രതികൾ. 22നും 25നും ഇടയിൽ പ്രായമുള്ളവരാണ് ഇവരെല്ലാവരും.
രണ്ട് തവണ കൊവിഡ് സ്ഥിരീകരിച്ച 92 കാരൻ ആത്മഹത്യ ചെയ്തു
ഓഗസ്റ്റ് അഞ്ചാം തീയതി അർധ രാത്രിയിലാണ് ക്രൂരകൃത്യം നടന്നത്. വീട്ടിലേക്ക് അതിക്രമിച്ച് കയറിയ നാലംഗസംഘം അമ്മയെ ഭീഷണിപ്പെടുത്തിയ ശേഷം സഹോദരിമാരെ കൂട്ടബലാത്സംഗം ചെയ്യുകയായിരുന്നു. ഇതിനുശേഷം നിര്‍ബന്ധിച്ച് കീടനാശിനി കുടിപ്പിക്കുകയും ചെയ്തെന്ന് പോലീസ് പറഞ്ഞു.
പെൺകുട്ടികളെ അവസ്ഥ മോശമായതോടെ പോലീസ് ചോദിച്ചാല്‍ മക്കളെ പാമ്പ് കടിച്ചതാണെന്ന് പറയണമെന്നും ഭീഷണിപ്പെടുത്തി. ഇരുവരെയും ഉടൻ ആശുപത്രിയിലേക്ക് കൊണ്ടുപോയെങ്കിലും ഒരാൾ മരിച്ചതായി ഡോക്ടർമാർ സ്ഥിരീകരിക്കുകയായിരുന്നു. മറ്റേയാൾ ചികിത്സയിലിരിക്കെയാണ് മരിച്ചത്. പ്രതികളുടെ ഭീഷണിയെത്തുടർന്ന് ആശുപത്രിയിലെത്തിയപ്പോൾ മക്കളെ പാമ്പ് കടിച്ചെന്ന് തന്നെയായിരുന്നു അമ്മ പറഞ്ഞിരുന്നത്.
വിവാഹം കഴിഞ്ഞ് രണ്ടാം ദിനം ഭാര്യയെ കൊലപ്പെടുത്തി; 22കാരൻ അറസ്റ്റിൽ
എന്നാല്‍ മരണത്തില്‍ സംശയം ഉയർന്നതോടെ ഇവരെ വിശദമായി ചോദ്യം ചെയ്യുകയായിരുന്നു. ഇതോടെ പൊട്ടിക്കരഞ്ഞുകൊണ്ട് അമ്മ കാര്യമെല്ലാം തുറന്ന് പറഞ്ഞു. പോസ്റ്റ്മോർട്ടം റിപ്പോർട്ടിൽ കുട്ടികൾ ലൈംഗികമായി പീഡിപ്പിക്കപ്പെട്ടുവെന്ന് സ്ഥിരീകരിച്ചിട്ടുണ്ട്. കേസില്‍ പ്രതികളായ നാലുപേരെയും അറസ്റ്റ് ചെയ്തിട്ടുണ്ടെന്നും പോലീസ് പറഞ്ഞു.
പി ആര്‍ ശ്രീജേഷ് ജന്മനാട്ടിൽ; ഉജ്ജ്വല വരവേല്‍പ്പ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : two minor girls assaults by 4 men who forced them to consume insecticide in haryana
Malayalam News from malayalam.samayam.com, TIL Network
