ബെംഗളൂരുവിൽ അഞ്ച് ദിവസത്തിനിടെ 242 കുട്ടികൾക്ക് കൊവിഡ്: മൂന്നിരട്ടി വരെ കൂടുമെന്ന് മുന്നറിയിപ്പ്

ബെംഗളൂരു: ബെംഗളൂരുവിൽ അഞ്ച് ദിവസത്തിനിടെ 242 കുട്ടികൾക്ക് കൊവിഡ്-19 സ്ഥിരീകരിച്ചു. വരും ദിവസങ്ങളിൽ രോഗികളുടെ എണ്ണം കൂടാൻ സാധ്യതയുണ്ടെന്ന് സംസ്ഥാന ആരോഗ്യവകുപ്പ് മുന്നറിയിപ്പ് നൽകി. കൊവിഡ് മൂന്നാം തരംഗം കുട്ടികളെയാണ് ബാധിക്കുക എന്ന തരത്തിൽ നേരത്തെ പുറത്തുവന്ന പ്രവചനങ്ങളെ ശരിവെക്കുന്നതാണ് കണക്കുകളെന്നാണ് ഇംഗ്ലീഷ് വാർത്താ മാധ്യമമായ ഡിഎൻഎയുടെ റിപ്പോർട്ട് പറയുന്നത്.



അധികൃതർ പുറത്തുവിട്ട കണക്കുകൾ പ്രകാരം 19 വയസിൽ താഴെയുള്ള 242 പേർക്കാണ് അഞ്ച് ദിവസത്തിനിടെ കൊവിഡ് സ്ഥിരീകരിച്ചത്. ഇതിൽ 136 കുട്ടികൾ 9നും 19നും ഇടയിൽ പ്രായമുള്ളവരാണ്. 106 കുട്ടികൾ 9 വയസിന് താഴെ പ്രായമുള്ളവരും.

ചീഫ് സെക്രട്ടറിയെ അപമാനിച്ച സംഭവം; കെജ്രിവാളും മനീഷ് സിസോദിയയും കുറ്റവിമുക്തര്‍

രക്ഷിതാക്കൾ കുട്ടികളെ വീടിനുള്ളിൽ തന്നെ നിർത്തണമെന്ന് ആരോഗ്യവകുപ്പ് ഉദ്യോഗസ്ഥർ പറഞ്ഞു. മുതിര്‍ന്നവരുമായി താരതമ്യം ചെയ്യുമ്പോള്‍ കുട്ടികൾക്ക് രോഗപ്രതിരോധശേഷി കുറവായതിനാൽ കൊവിഡ് പ്രതിരോധ പ്രവർത്തനങ്ങൾ തുടരുകയും വേണം. വരും ദിവസങ്ങളില്‍ കൊവിഡ് ബാധിരാകുന്ന കുട്ടികളുടെ എണ്ണം മൂന്നിരിട്ടിയായേക്കുമെന്ന മുന്നറിയിപ്പും ഉദ്യോഗസ്ഥർ നൽകി.

സംസ്ഥാനത്ത് കൊവിഡ് വ്യാപനം തടയാൻ കർശന നിയന്ത്രണങ്ങളാണ് കർണാടക സർക്കാർ ഏർപ്പെടുത്തിയിരിക്കുന്നത്. മഹാരാഷ്ട്രയില്‍ നിന്നും കേരളത്തില്‍ നിന്നുമുള്ള യാത്രക്കാർ കൊവിഡ് പരിശോധന പൂർത്തിയാക്കണമെന്ന് സംസ്ഥാനം ഇന്ത്യൻ റെയിൽവേയോട് അഭ്യർഥിച്ചിരുന്നു. പലയിടത്തും നൈറ്റ് കർഫ്യൂവും വാരാന്ത്യ കർഫ്യൂവും നിലനിൽക്കുന്നുണ്ട്.

ഹിമാചൽ പ്രദേശിൽ മണ്ണിടിച്ചിൽ; യാത്രക്കാരുമായി പോയ ബസ് അപകടത്തിൽപെട്ടു

മഹാരാഷ്ട്രയില്‍ നിന്നും കേരളത്തില്‍ നിന്നുമുള്ളവര്‍ക്ക് നിയന്ത്രണങ്ങള്‍ ഏര്‍പ്പെടുത്തിയതിന് പുറമേ 72 മണിക്കൂറിനുള്ളില്‍ എടുത്ത ആര്‍ടിപിസിആര്‍ ഫലവും സംസ്ഥാനത്ത് പ്രവേശിക്കാന്‍ നിര്‍ബന്ധമാക്കിയിട്ടുമുണ്ട്.