Sumayya P | Lipi | Updated: 12 Aug 2021, 10:01:00 AM
വാക്‌സിനെടുക്കാന്‍ അര്‍ഹതയുള്ള ജനസംഖ്യയുടെ 74.9 ശതമാനം പേരും രണ്ട് ഡോസ് വാക്സിന് സ്വീകരിച്ചുകഴിഞ്ഞു
ഹൈലൈറ്റ്:
- മൊത്തം ജനസംഖ്യയുടെ 65 ശതമാനത്തിനാണ് രണ്ട് ഡോസ് വാക്‌സിനും ലഭിച്ചത്.
- വാക്സിന് എടുത്ത എല്ലാവര്‍ക്കും നന്ദി അറിയിച്ച ഖത്തര്‍ ആരോഗ്യ മന്ത്രാലയം
ദോഹ: ഖത്തര്‍ കൊവിഡ് വാക്സിനേഷന്‍ ക്യാംപയിന്‍ സുപ്രധാനമായ ഒരു നാഴികക്കല്ല് കൂടി പിന്നിട്ടതായി ആരോഗ്യ മന്ത്രാലയം അറിയിച്ചു. 40 ലക്ഷം വാക്സിന് ഡോസുകള്‍ എന്ന ലക്ഷ്യം ഇതിനകം പൂര്‍ത്തിയാക്കിയതായി അധികൃതര്‍ വ്യക്തമാക്കി.
രാജ്യത്ത് വാക്സിനേഷന്‍ ആരംഭിച്ചതു മുതല്‍ 40,12,536 ഡോസുകളാണ് സ്വദേശികളും വിദേശികളുമായ താമസക്കാര്‍ക്കിടയില്‍ വിതരണം ചെയ്തത്. 12 വയസ്സിനും അതിന് മുകളിലും പ്രായമുള്ള 88.8 ശതമാനം പേര്‍ക്ക് ഇതിനകം ഒരു ഡോസ് വാക്സിന് ലഭിച്ചതായും ആരോഗ്യ മന്ത്രാലയം അറിയിച്ചു. വാക്‌സിനെടുക്കാന്‍ അര്‍ഹതയുള്ള ജനസംഖ്യയുടെ 74.9 ശതമാനം പേരും രണ്ട് ഡോസ് വാക്സിന് സ്വീകരിച്ചുകഴിഞ്ഞു. ഓരോ ദിവസവും ശരാശരി 20,000ത്തിനു മുകളില്‍ ഡോസുകളാണ് രാജ്യത്ത് വിതരണം ചെയ്യുന്നത്.
Also Read: അബുദാബി: പൊതു ഇടങ്ങളില്‍ ആഗസ്ത് 20 മുതല്‍ വാക്‌സിനെടുക്കാത്തവര്‍ക്ക് പ്രവേശനമില്ല
അതേസമയം രാജ്യത്തെ വാക്സിന് എടുക്കാന്‍ അര്‍ഹതയുള്ളവരും അല്ലാത്തവരുമായ മൊത്തം ജനസംഖ്യയുടെ 77 ശതമാനം പേര്‍ക്കും ഇതിനകം ഒരു ഡോസ് വാക്സിന് ലഭിച്ചു കഴിഞ്ഞു. മൊത്തം ജനസംഖ്യയുടെ 65 ശതമാനത്തിനാണ് രണ്ട് ഡോസ് വാക്‌സിനും ലഭിച്ചത്.
ഇതിനകം വാക്സിന് എടുത്ത എല്ലാവര്‍ക്കും നന്ദി അറിയിച്ച ഖത്തര്‍ ആരോഗ്യ മന്ത്രാലയം, ഇനിയും വാക്സിന് എടുക്കാത്തവര്‍ എത്രയും വേഗം അതിനായി മുന്നോട്ടുവരണമെന്ന് ആഹ്വാനം ചെയ്തു. സ്വന്തത്തിന്റെയും കുടുംബത്തിന്റെയും സംരക്ഷണത്തിനും രാജ്യത്ത് ജനജീവിതം സാധാരണ നിലയിലെത്തിക്കുന്നതിനും ഇത് അനിവാര്യമാണെന്നും മന്ത്രാലയം ഉണര്‍ത്തി.
അടിയന്തര യോഗം വിളിച്ച് തിയറ്റർ ഉടമകളുടെ സംഘടനയായ ഫിയോക്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar administers over four million covid19 vaccine doses
Malayalam News from malayalam.samayam.com, TIL Network
