ശരീരത്തിലുണ്ടാകുന്ന സ്‌ട്രെച്ച്മാര്‍ക്‌സ് പലരേയും അലട്ടുന്ന ഒന്നാണ്. സ്ത്രീകളിലാണ് പുരുഷന്മാരേക്കാള്‍ ഇതുണ്ടാകുന്നത്. പ്രത്യേകിച്ചും ഗര്‍ഭധാരണം കാരണം വയര്‍ വലുതാകുമ്പോള്‍ ചര്‍മം വലിയുന്നു. ഇതാണ് മാര്‍ക്കുകള്‍ വരാന്‍ കാരണം. പിന്നീട് ഇത് ചുരുങ്ങുമ്പോള്‍ പഴയ പടിയുമാകും. ഇതു പോലെ പെട്ടെന്ന് വണ്ണം കൂടുന്നതും കുറയുന്നതുമെല്ലാം ഈ അവസ്ഥ വരുത്തി വയ്ക്കാറുണ്ട്. സ്‌ട്രെച്ച് മാര്‍ക്‌സിന് പരിഹാരമായി ചെയ്യാവുന്ന ചിലതിനെ കുറിച്ചറിയൂ.

കറ്റാര്‍ വാഴ

വീട്ടില്‍ തയ്യാറാക്കാവുന്ന ഒരു പായ്ക്കും സ്‌ക്രബും ഗുണം നല്‍കും. കറ്റാര്‍ വാഴ, അരിപ്പൊടി ,തേന്‍ എന്നിവയാണ് പായ്ക്കിനായിവേണ്ടത്. കറ്റാര്‍ വാഴ. കറ്റാർ വാഴ .ആരോഗ്യത്തിനും ഭംഗിയ്ക്കും മുടി സംരക്ഷണത്തിനുമെല്ലാം തന്നെ ഒരുപോലെ ഉപകാരപ്രദമായ ഒന്നാണിത്. പല തരത്തിലെ സൗന്ദര്യ ഗുണങ്ങളും കറ്റാര്‍ വാഴ ചര്‍മത്തിനു നല്‍കുന്നു. നിറം മുതല്‍ നല്ല ചര്‍മം വരെ ഇതില്‍ പെടുന്ന പ്രത്യേക കാര്യങ്ങളാണ്. ഇതിലെ വൈറ്റമിന്‍ ഇ ചര്‍മത്തിന് ഏറെ സഹായകമാണ്. തിളക്കമുള്ള ചര്‍മവും മാര്‍ദവമുള്ള ചര്‍മവുമെല്ലാം മറ്റു ഗുണങ്ങളാണ്.

​അരിപ്പൊടിയും തേനും

അരിപ്പൊടിയും തേനും സൗന്ദര്യ സംരക്ഷണ ഗുണങ്ങള്‍ അടങ്ങിയതാണ്. അരിപ്പൊടി നല്ല സ്‌ക്രബര്‍ ഗുണം നല്‍കും. ഇതിലെ വൈറ്റമിനുകള്‍ ചര്‍മത്തിന് ഗുണകരമാണ്. തേന്‍ ആരോഗ്യത്തിനും സൗന്ദര്യത്തിനുമെല്ലാം ഏറെ നല്ലതാണ്. ഇതിലെ ആന്റിഓക്‌സിഡന്റുകള്‍ ചര്‍മത്തിന് ഏറെ ഗുണകരമാണ്. ചര്‍മത്തിന് ചെറുപ്പവും തിളക്കവും മൃദുത്വവുമെല്ലാം പ്രദാനം ചെയ്യാന്‍ ഇത് ഏറെ നല്ലതുമാണ്. തേൻ ഒരു സ്വാഭാവിക മോയിസ്ചറൈസറാണ്. അതായത്, ഇത് ചർമ്മത്തിൽ ആഴത്തിൽ ഈർപ്പം പകരുന്നു. ഇത് ചുളിവുകളുടെ രൂപവത്കരണത്തെ തടയുകയും പിഎച്ച് സന്തുലിതാവസ്ഥ നിയന്ത്രിക്കുകയും ചെയ്യുന്നു.തേനും കറ്റാര്‍ വാഴ ജെല്ലും അരിപ്പൊടിയും ചേര്‍ത്തിളക്കി പേസ്റ്റാക്കാം. ഇത് സ്‌ട്രെച്ച് മാര്‍ക്‌സ് ഉള്ളിടത്ത് പുരട്ടി ഉണങ്ങുമ്പോള്‍ കഴുകാം.

പഞ്ചസാര

മറ്റൊരു സ്‌ക്രബ് ഇതിനായി തയ്യാറാക്കാം. ഇതിനായി പഞ്ചസാര, ഒലീവ് ഓയില്‍, നാരങ്ങാനീര് എന്നിവ വേണം. പഞ്ചസാര നല്ല സ്‌ക്രബറാണ്. ചര്‍മ കോശങ്ങള്‍ വൃത്തിയാക്കാന്‍ ഗുണകരം. ഒലീവ് ഓയില്‍ ആരോഗ്യകരമായ കൊഴുപ്പിനാല്‍ സമ്പുഷ്ടമാണ്. ഇതിലെ വൈറ്റമിനുകള്‍ ചര്‍മത്തിന് ദൃഢത നല്‍കുന്ന ഒന്നാണ്. ഇതുപോലെ തന്നെ നാരങ്ങാനീരും പല സൗന്ദര്യ ഗുണങ്ങളും ചേര്‍ന്ന ഒന്നാണ്. ഇതിലെ വൈറ്റമിനുകളും ആന്റി ഓക്‌സിഡന്റ് ഗുണങ്ങളും ചര്‍മത്തിന് ഉറപ്പു നല്‍കുന്നു. ഇവ മൂന്നും കലര്‍ത്തി പുരട്ടാം. ഗുണമുണ്ടാകും.

​ബദാം ഓയില്‍, ഒലീവ് ഓയില്‍

ബദാം ഓയില്‍, ഒലീവ് ഓയില്‍ എന്നിവ തുല്യ അളവില്‍ ചേര്‍ത്ത് സ്‌ട്രെച്ച് മാര്‍ക്‌സ് ഉള്ളിടത്ത് പുരട്ടുന്നത് ഏറെ നല്ലതാണ്. ഇതിലെ ആരോഗ്യകരമായ കൊഴുപ്പുകള്‍ ഗുണം നല്‍കും. ഇതു പോലെ നല്ലതു പോലെ വെള്ളം കുടിയ്ക്കുക. ചര്‍മത്തിലെ ഈര്‍പ്പം ഗുണം നല്‍കും. ചര്‍മം വരളുന്നതാണ് ഇത്തരം സ്‌ട്രെച്ച്മാര്‍ക്‌സിനുള്ള പ്രധാന കാരണങ്ങളില്‍ ഒന്ന്. ഇതു പോലെ ഇത്തരം മാര്‍ക്‌സില്‍ മോയിസ്ചറൈസര്‍ പുരട്ടണം. ഗുണമുണ്ടാകും. Also read: ദിവസവും പൊറോട്ട കഴിക്കുന്നവർ അറിയണം