ഫോൺ ലോക്ക് മാറ്റിയതിന് ഉറങ്ങി കിടന്ന ചേട്ടനെ വെട്ടി കഷ്ണങ്ങളാക്കി കുഴിച്ചിട്ട് അനിയൻ

ലഖ്നൗ: മൊബൈൽ ഫോണിന്റെ ലോക്ക് മാറ്റിയതിനെ തുടർന്ന് ചേട്ടനെ കൊലപ്പെടുത്തി അനിയൻ. പതിനാറുകാരനാണ് 20 കാരനായ ചേട്ടനെ വെട്ടി കൊന്ന് കഷ്ണങ്ങളാക്കി കുഴിച്ചുമൂടിയത്. ഉത്തർപ്രദേശിലെ ഫത്തേപൂരിലാണ് സംഭവം. സംഭവത്തിൽ അനിയനെ അറസ്റ്റ് ചെയ്തു.



കൂടുതൽ നേരം ഉറങ്ങി; മുത്തശ്ശി വഴക്ക് പറഞ്ഞതിൽ മനംനൊന്ത് യുവതി ജീവനൊടുക്കി

സഹോദരന്മാർ മാത്രമാണ് വീട്ടിൽ താമസിച്ചിരുന്നത്. ഇവരുടെ മാതാപിതാക്കൾ നേരത്തെ മരിച്ചിരുന്നു. സഹോദരിമാർ വിവാഹം കഴിച്ച് ഭർത്താക്കന്മാർക്കൊപ്പമാണ്. കഴിഞ്ഞ ദിവസം പതിനാറുകാരന്റെ മൊബൈൽ ഫോൺ പാറ്റേൺ സഹോദരൻ മാറ്റി. പിന്നീട് മറന്നുപോകുകയും ചെയ്തു. ഇതേച്ചൊല്ലി ഇരുവരും വഴക്കിട്ടിരുന്നു. തർക്കത്തിനിടെ മൂത്തയാൾ അനിയനെ അടിക്കുകയും ചെയ്തിരുന്നു. ഇതാണ് കൊലപാതകത്തിലേക്ക് നയിച്ചത്.

രാത്രി ഉറങ്ങിക്കിടന്ന സഹോദരനെ മൺവെട്ടി ഉപയോഗിച്ച് അനിയൻ വെട്ടി കൊല്ലുകയായിരുന്നു. പിന്നാലെ മൃതദേഹം പല കഷ്ണങ്ങളാക്കി വീടിനുള്ളിൽ കുഴിച്ചിട്ടു. വീട്ടിൽ നിന്നും ദുർഗന്ധം ഉയർന്നതിനു പിന്നാലെ നാട്ടുകാരാണ് പോലീസിൽ വിവരം അറിയിച്ചത്. തുടർന്നു നടത്തിയ അന്വേഷണത്തിലാണ് ക്രൂരമായ കൊലപാതകത്തിന്റെ ചുരുൾ നിവർന്നത്.

അനധികൃതമായി മദ്യം കടത്തിയതിന് ഒരു ലക്ഷം കൈക്കൂലി ആവശ്യപ്പെട്ടു; ജീവിതം അവസാനിപ്പിച്ച് യുവാവ്

മൂത്തയാളെവിടെയെന്നുള്ള ചോദ്യത്തിന് അനിയൻ കൃത്യമായ ഉത്തരം നൽകിയിരുന്നില്ല. ഇതും സംശയത്തിന് ഇടയാക്കി. വീടിന്റെ പലഭാഗത്തു നിന്നും കണ്ടെത്തിയ മൃതദേഹ ഭാഗങ്ങൾ പോസ്റ്റ്മോർട്ടത്തിനയച്ചു.