കടിച്ച പാമ്പിനെ കർഷകൻ കടിച്ചു കൊന്നു; തുടർച്ചയായി കടിച്ചതോട് പാമ്പ് ചത്തെന്ന് കിഷോര്‍ ബദ്ര

ഹൈലൈറ്റ്:

കടിച്ച വിഷപാമ്പിനെ 45കാരൻ തിരിച്ചു കടിച്ച് കൊന്നു.
സംഭവം ഒഡീഷയിലെ ജജ്പുർ ജില്ലയിൽ.
പാമ്പിനെ കടിച്ച് കൊന്ന കിഷോര്‍ ബദ്ര വൈദ്യസഹായം തേടി.

ജജ്പൂർ: തന്നെ കടിച്ച വിഷപാമ്പിനെ 45കാരൻ തിരിച്ചു കടിച്ച് കൊന്നു. ഒഡീഷയിലെ ജജ്പുർ ജില്ലയിലെ സലിജംഗ പഞ്ചായത്തിൽ കഴിഞ്ഞ ബുധനാഴ്ചയാണ് സംഭവം. പാമ്പിനെ കടിച്ച് കൊന്ന കിഷോര്‍ ബദ്ര വൈദ്യസഹായം തേടി.

മദ്യലഹരിയിൽ അണലിക്കുഞ്ഞിനെ കടിച്ചു; മുഖത്തേറ്റത് പത്ത് കൊത്ത്; വൃദ്ധൻ മരിച്ചു

സംഭവദിവസം രാത്രി വയലിലെ ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ കിഷോർ ബദ്രയെ പാമ്പ് കടിക്കുകയായിരുന്നു കൈയിൽ കരുതിയിരുന്ന ടോർച്ച് ഉപയോഗിച്ച് നടത്തിയ പരിശോധനയിൽ പാമ്പ് കടിച്ചതായി മനസിലായി. കടിച്ച പാമ്പിനെ സമീപത്ത് വെച്ച് തന്നെ കണ്ടെത്തുകയും ചെയ്തു. ഉടൻ തന്നെ പാമ്പിനെ പിടികൂടി തിരിച്ചു കടിച്ചു.

തുടർച്ചയായി കടിച്ചതോടെ പാമ്പ് അവിടെ വെച്ച് തന്നെ ചത്തെന്ന് കിഷോർ ബദ്ര പറഞ്ഞു. ചത്ത പാമ്പിനെ വീട്ടിൽ എത്തിച്ചു ഇയാൾ ഭാര്യയെ കാണിച്ചു. പാമ്പ് കടിച്ചതായും തുടർന്ന് താൻ പാമ്പിനെ പിടികൂടി കടിച്ച് കൊന്നുവെന്നും അറിയിച്ചു. ഇതോടെ പ്രദേശവാസികൾ പാമ്പിനെ കാണാൻ കിഷോർ ബദ്രയുടെ വീട്ടിലെത്തി.

വിഷപാമ്പ് കടിച്ചതിനാൽ വൈദ്യസഹായം തേടണമെന്ന് സുഹൃത്തുക്കളടക്കമുള്ളവർ അറിയിച്ചതോടെ ഇയാൾ ഗ്രാമത്തിൽ തന്നെയുള്ള പരമ്പരാഗത വൈദ്യനെ സമീപിച്ചു. കർഷകനായ കിഷോര്‍ ബദ്ര പ്രദേശത്തെ ആദിവാസി വിഭാഗത്തിൽപ്പെടുന്ന വ്യക്തിയാണ്.

കൊവിഡ് വാക്സിനെടുക്കാൻ മടി; എയർഫോഴ്സ് ജീവനക്കാരനെ പുറത്താക്കി കേന്ദ്രം

കഴിഞ്ഞ ദിവസം മദ്യലഹരിയിൽ അണലിക്കുഞ്ഞിനെ കടിച്ച വൃദ്ധൻ മരിച്ചിരുന്നു. കാലിൽ കടിച്ച അണലിക്കുഞ്ഞിനെ ഓടിച്ചിട്ടു പിടിച്ചാണ് വൃദ്ധൻ കടിച്ചത്. പട്നയിലെ മധോദേഹ് ഗ്രാമവാസിയായ രാമ മഹ്തോ (65) ആണ് മരിച്ചത്. വീടിനു മുന്നിലിരിക്കുമ്പോഴാണ് മഹ്തോയുടെ കാലിൽ അണലി കടിച്ചത്. തുടർന്ന് ഓടിച്ചിട്ടു പിടിച്ചാണ് അലിയെ തിരികെ കടിച്ചത്. ഇയാളുടെ മുഖത്ത് പത്ത് തവണയാണ് പാമ്പ് കൊത്തിയത്. ഞായറാഴ്ച ഉറങ്ങാൻ കിടന്ന മഹ്തോ പിറ്റേന്ന് ഉണർന്നില്ലെന്ന് വീട്ടുകാർ പറഞ്ഞു.