ഹൈലൈറ്റ്:
- അബദ്ധത്തിൽ കുഞ്ഞ് തോക്കെടുത്ത് വെടിവെച്ചതെന്ന് പോലീസ്
- സംഭവം യുഎസിലെ ഫ്ലോറിഡയിൽ
- തോക്ക് കുട്ടിയുടെ അച്ഛൻ്റേത്
ജോലിയുടെ ഭാഗമായി നടന്ന ഒരു വീഡിയോ കോൺഫറൻസിനിടെയായിരുന്നു സംഭവം നടന്നത്. യോഗത്തിനിടെ വലിയ സ്ഫോടനശബ്ദം കേള്‍ക്കുകയും ഈ സമയം തന്നെ ഷമായ പിന്നിലേയ്ക്ക് മറിഞ്ഞു വീഴുന്നതു സഹപ്രവര്‍ത്തകര്‍ കാണുകയുമായിരുന്നു. ഈ സമയത്ത് ഷമായയുടെ കുഞ്ഞും തൊട്ടുപിന്നിലുണ്ടായിരുന്നു. ഷമായയെ വിളിച്ചിട്ടും വിളികേള്‍ക്കാതായതോടെ സഹപ്രവര്‍ത്തകര്‍ പോലീസ് ഹെൽപ്‍‍ലൈൻ നമ്പറിൽ വിളിച്ച് അറിയിക്കുകയായിരുന്നുവെന്നാണ് അള്‍ട്ടാമോണ്ടെ സ്പ്രിങ്സ് പോലീസിനെ ഉദ്ധരിച്ചുള്ള ന്യൂയോര്‍ക്ക് പോസ്റ്റ് റിപ്പോര്‍ട്ട്.
തുടര്‍ന്ന് സ്ഥലത്തെത്തിയ പോലീസ് വീട് പരിശോധിച്ചപ്പോഴാണ് ഷമായയെ വെടിയേറ്റു മരിച്ച നിലയിൽ കണ്ടെത്തിയതെന്ന് പോലീസ് പ്രസ്താവനയിൽ വ്യക്തമാക്കി. യുവതി താമസിച്ചിരുന്ന ഫ്ലാറ്റിൽ കുട്ടിയ്ക്ക് കൈയ്യെത്തിപ്പിടിക്കാവുന്ന ഉയരത്തിൽ ലോഡ് ചെയ്ത തോക്ക് സൂക്ഷിച്ചിരുന്നെന്നും ഈ തോക്കിൽ നിന്നാണ് ഷമായയ്ക്ക് വെടിയേറ്റതെന്നുമാണ് പോലീസ് കണ്ടെത്തിയിട്ടുള്ളത്.
കുട്ടിയുടെ അച്ഛൻ ഉപയോഗിച്ചിരുന്ന തോക്കാണ് ഇതെന്നാണ് യുഎസ് മാധ്യമങ്ങളുടെ റിപ്പോര്‍ട്ട്. തോക്ക് കൈവശമുള്ളവര്‍ അത് സുരക്ഷിതമായി സൂക്ഷിക്കണമെന്നും ശ്രദ്ധിച്ചാൽ ഇത്തരം അപകടങ്ങള്‍ ഒഴിവാക്കാമെന്നും പോലീസ് ഉദ്യോഗസ്ഥനായ റോബര്‍ട്ടോ റൂയിസ് ജൂനിയര്‍ മാധ്യമങ്ങളോടു പറഞ്ഞു.
Also Read: സി. ലൂസി കളപ്പുരയ്ക്ക് മഠത്തിൽ തുടരാം; മാനന്തവാടി മുൻസിഫ് കോടതിയുടെ ഉത്തരവ്
വെടിയേറ്റ സമയത്ത് ഒപ്പമുണ്ടായിരുന്ന കുഞ്ഞിനു പുറമെ മറ്റൊരു കുട്ടി കടി ദമ്പതികള്‍ക്കുണ്ട്. ഇരുവരും നിലവിൽ ബന്ധുക്കളുടെ സംരക്ഷണയിലാണ്. അതേസമയം, തോക്ക് അലക്ഷ്യമായി സൂക്ഷിച്ച കുട്ടിയുടെ അച്ഛനെതിരെ നിയമനടപടിയുണ്ടാകുമോ എന്ന കാര്യത്തിൽ പോലീസ് തീരുമാനത്തിലെത്തിയിട്ടില്ല.
കോഴിക്കോട് ബീച്ച് അടിപൊളി; ഏറ്റവും പഴയ ഉദ്യാനം അവഗണനയിൽ!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : florida mom shamaya lynn killed by her toddler during zoom call with coworkers
Malayalam News from malayalam.samayam.com, TIL Network
