മര്യാദകെട്ട നടപടിയാണ് അവർ കാണിച്ചത്; ഈ ബുൾ ജെറ്റ് വ്ളോഗർമാരെ അറസ്റ്റ് ചെയ്തത് വളരെ ഇഷ്ടപ്പെട്ടു: പിസി ജോർജ്

കോട്ടയം: വ്ളോഗർമാരായ ഇ ബുൾ ജെറ്റ് സഹോദരന്മാരെ പോലീസ് അറസ്റ്റ് ചെയ്തത് വളരെ ഇഷ്ടപ്പെട്ടുവെന്ന് മുൻ എംഎൽഎ പിസി ജോർജ്. അവരെ രക്ഷിക്കണമെന്നാവശ്യപ്പെട്ട് നിരവധിപ്പേർ തന്നെ ഫോണിൽ വിളിച്ചിരുന്നെന്നും ആ സാഹചര്യത്തിലാണ് വിഷയത്തിൽ വിശദമായ അന്വേഷണം നടത്തിയതെന്നും അദ്ദേഹം കോട്ടയം പ്രസ് ക്ലബ്ബിൽ നടന്ന വാർത്താ സമ്മേളനത്തിൽ പറഞ്ഞു.



ഈ ബുൾജെറ്റ് സഹോദരന്മാർ പല നല്ല കാര്യങ്ങളും ചെയ്തു എന്നത് സമ്മതിക്കുന്നു, എന്നാൽ ആർടി ഓഫീസിൽ നടന്ന സംഭവങ്ങളെ തള്ളിപ്പറയുകയാണെന്നും പിസി ജോർജ് പറഞ്ഞതായി ന്യൂസ്18 മലയാളം റിപ്പോർട്ട് ചെയ്തു. മോട്ടോർ വാഹന വകുപ്പ് ഓഫീസിൽനിന്ന് കിടന്ന് ബഹളം വെക്കുന്ന നടപടിയാണ് അവർ കാണിച്ചത്. വഴക്കുണ്ടാക്കുകയും ചെയ്തു. അത് അംഗീകരിക്കാനാവില്ലെന്നും പിസി ജോർജ് പറഞ്ഞു.

ഇ ബുൾജെറ്റ് സഹോദരന്മാരുടെ ജാമ്യം റദ്ദാക്കണം; വെള്ളിയാഴ്ച ഹര്‍ജി സമര്‍പ്പിക്കും

വ്ളോഗർമാരുടെ അറസ്റ്റ് വാർത്തയെക്കുറിച്ച് പ്രതികരിച്ച പിസി ജോർജ് എന്ത് വൃത്തിക്കേടും കാണിക്കാമോയെന്നും ചോദിച്ചു. വിഷയത്തെക്കുറിച്ച് വ്യക്തമായി മനസിലാക്കിയ ശേഷമാണ് വിഷയത്തിൽ കൃത്യമായ നിലപാട് സ്വീകരിച്ചത്. യുവാക്കളെ തെറ്റായ മാർഗത്തിലേക്ക് നയിക്കുകയാണ് ഈ ബുൾ ജെറ്റ് സഹോദരന്മാർ ചെയ്തതെന്നും അദ്ദേഹം ആരോപിച്ചു. അതിനെ എങ്ങനെ പ്രോത്സാഹിപ്പിക്കാൻ ആകുമെന്നും പ്രോത്സാഹിപ്പിച്ചാൽ അത് കൂടുതൽ കുഴപ്പങ്ങൾ ഉണ്ടാക്കുമെന്നും പൂഞ്ഞാർ മുൻ എംഎൽഎ പറഞ്ഞു.

സി. ലൂസി കളപ്പുരയ്ക്ക് മഠത്തിൽ തുടരാം; മാനന്തവാടി മുൻസിഫ് കോടതിയുടെ ഉത്തരവ്

കുറച്ച് ആളുകൾ സ്നേഹിച്ചു എന്ന് കരുതി എന്തും ചെയ്യാം എന്ന് കരുതരുത്. ഇനിയെങ്കിലും ഇത്തരം പണികൾ നിർത്താൻ ഈ ബുൾ ജെറ്റ് സഹോദരന്മാർ തയ്യാറാകണമെന്നും പിസി ജോർജ് ആവശ്യപ്പെട്ടു. അതേസമയം വ്ളോഗര്‍മാരായ ഇ ബുള്‍ജെറ്റ് സഹോദരന്മാരുടെ ജാമ്യം റദ്ദാക്കണമെന്ന് ആവശ്യപ്പെട്ട് ജില്ലാ സെഷൻസ് കോടതിയിൽ ഹര്‍ജി നൽകാൻ ഒരുങ്ങുകയാണ് പോലീസ്.