വനിതാ ലീഗിൽ ഇതുവരേയും പരാതി ലഭിച്ചിട്ടില്ലെന്നും അവർ മാധ്യമത്തോട് പറഞ്ഞു. എവിടെയാണ് നീതി എവിടെയാണ് ന്യായമെന്ന് കൃത്യമായും സത്യമായും അന്വേഷിക്കേണ്ടതുണ്ടെന്നും നൂർബിന റഷീദ് പറഞ്ഞു.
‘നേതാക്കള്‍ ലൈംഗിക ചുവയോടെ സംസാരിക്കുന്നു’; വനിതാ കമ്മീഷന് പരാതിയുമായി എംഎസ്എഫ് വനിതാ വിഭാഗം
വിവാദ പരാമര്‍ശങ്ങളുടെ പേരില്‍ എംഎസ്എഫ് നേതൃത്വത്തിനെതിരെ വനിതാ കമ്മീഷന് പരാതിയുമായി വനിതാ വിഭാഗം തിരിഞ്ഞിരുന്നു. ഹരിത നേതാക്കളുടെ പരാതി വിശദമായ പരിശോധിക്കുമെന്ന് വനിതാ കമ്മീഷനംഗം ഷാഹിദ കമാൽ വ്യക്തമാക്കി.
മുസ്ലീം ലീഗിന് പരാതി നൽകിയിട്ടും പരിഹാരമുണ്ടാകാത്ത സാഹചര്യത്തിലാണ് എംഎസ്എഫിന്റെ വനിത സംഘടന ഹരിതയുടെ പുതിയ നീക്കം.
ഹരിതയിടെ പത്തോളം സംസ്ഥാന ഭാരവാഹികളാണ് പരാതിയുമായി രംഗത്തുവന്നിരിക്കുന്നത്. സ്ത്രീവിരുദ്ധ പരാമര്‍ശം നടത്തുകയും അപമാനിക്കുകയും ചെയ്തവര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ടുള്ളതാണ് എന്നാണ് പരാതി. സംസ്ഥാന പ്രസിഡന്റ് പികെ നവാസ്, മലപ്പുറം ജില്ലാ ജനറൽ സെക്രട്ടറി പി അബ്ദുൾ വഹാബ് എന്നിവര്‍ക്കെതിരെയാണ് പരാതി.
കോഴിക്കോട് വച്ച് ജൂണ്‍ 22 ന് നടന്ന സംസ്ഥാന കമ്മിറ്റി യോഗത്തിലെ ചില പരാമര്‍ശങ്ങളാണ് പരാതിയുടെ അടിസ്ഥാനം. സംസ്ഥാന പ്രസിഡന്റ് പി കെ നവാസ് സംഘടനകാര്യങ്ങളില്‍ വനിത നേതാക്കളോട് അഭിപ്രായം ചോദിച്ച് സംസാരിക്കവെ വേശ്യയ്ക്കും വേശ്യയുടേതായ ന്യായീകരണം ഉണ്ടാകുമല്ലോ അത് പറയൂ എന്നാണ് പരാമര്‍ശിച്ചത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : women league on msf haritha allegations on complaint
Malayalam News from malayalam.samayam.com, TIL Network
