തേങ്ങാവെള്ളം ഉണ്ടെങ്കിൽ സൗന്ദര്യ കാര്യത്തിൽ ഇനി ടെൻഷൻ വേണ്ട!

​ചർമ്മസൗന്ദര്യത്തിന്

എന്നാൽ ഈയൊരു കാര്യം നിങ്ങളുടെ ചർമ്മത്തെയും മുടിയേയും ഉള്ളിൽ നിന്ന് പരിപോഷിപ്പിക്കുന്നതിന് ഗുണം ചെയ്യുമെന്ന് അറിഞ്ഞോളൂ. അതുമാത്രമല്ല നിങ്ങളുടെ പതിവ് ചർമ്മസംരക്ഷണത്തിലും കേശസംരക്ഷണ ദിനചര്യകളിലും ഒക്കെ ജലാംശം ഉയർന്ന അളവിൽ അടങ്ങിയിട്ടുള്ള ഈ പ്രകൃതിദത്ത ഘടകം ഉൾപ്പെടുത്താനും കഴിയും. കരിക്കിൻ വെള്ളം ഉപയോഗിച്ചുകൊണ്ട് നിങ്ങൾക്ക് വീട്ടിൽ തന്നെ പരീക്ഷിക്കാവുന്ന ചില സൗന്ദര്യ നുറുങ്ങുകൾ ഇതാ.

​വരണ്ട ചർമ്മത്തിന് ഫേഷ്യൽ മിസ്റ്റ്

വരണ്ടതും സെൻസിറ്റീവായതുമായ ചർമ്മസ്ഥിതി നിങ്ങൾക്ക് ഉണ്ടെങ്കിൽ ഇതിനെ നേരിടാൻ സഹായിക്കുന്ന ഒരു പ്രകൃതിദത്ത ചേരുവയാണ് തേങ്ങാ വെള്ളം എന്നറിഞ്ഞോളൂ. പലപ്പോഴും ചൂടേറിയ നിങ്ങളുടെ ദിനങ്ങളിൽ ദാഹമകറ്റാൻ ഇത് നല്ലതാണ്. എന്നാൽ ഇത് കുടിക്കുന്നതുപോലെ തന്നെ നിങ്ങളുടെ മുഖചർമ്മം കഴുകുന്നതും സൗന്ദര്യസംരക്ഷണത്തിനുള്ള ഒരു മികച്ച പോംവഴിയാണ്. എണ്ണമറ്റ പോഷകഗുണങ്ങളും നാച്ചുറൽ ഷുഗറും ആന്റിഓക്‌സിഡന്റുകളും ഒക്കെ അടങ്ങിയിരിക്കുന്നതിനാൽ തന്നെ വരണ്ട ചർമ്മസ്ഥിതി ഉള്ളവരുടെ ചർമത്തിന് കൂടുതൽ ഈർപ്പം പകരുന്നതിന് ഇത് സഹായിക്കും. കരിക്കിൻ വെള്ളം ഉപയോഗിച്ചു കൊണ്ട് നിങ്ങൾക്ക് എളുപ്പത്തിലൊരു ഫേഷ്യൽ മിസ്റ്റ് സ്പ്രേ തയ്യാറാക്കാവുന്നതേയുള്ളൂ. ഒരല്പം തേങ്ങാ വെള്ളവും കുറച്ച് റോസ് വാട്ടറും എടുത്ത് ഒരു സ്പ്രേ ബോട്ടിലിൽ കലർത്തി മിക്സ് ചെയ്യുക. നിങ്ങളുടെ ചർമ്മത്തിന് കൂടുതൽ ഗുണങ്ങൾ നൽകുന്നതിനായി വേണമെങ്കിൽ നിങ്ങളുടെ പ്രിയപ്പെട്ട അവശ്യ എണ്ണകളുടെ കുറച്ച് തുള്ളികളും ഇതിലേക്ക് ചേർക്കാൻ കഴിയും. ദിവസത്തിൽ ഉടനീളം ഇടയ്ക്കിടെ നിങ്ങളുടെ ചർമ്മം വരണ്ടു പോകാതിരിക്കാനായി ഇത് സ്പ്രേ ചെയ്യുന്നത് നല്ലതാണ്.

​മുഖക്കുരുവിനെ പ്രതിരോധിക്കാൻ

വിറ്റാമിൻ സി, അമിനോ ആസിഡുകൾ എന്നിവയുടെ സ്വാഭാവിക ഗുണങ്ങൾ തേങ്ങാ വെള്ളത്തിന് ഉണ്ട്. ചർമ്മത്തിന് വേഗത്തിൽ തിളക്കവും രോഗശാന്തി ഗുണങ്ങളും പകരാനുള്ള ശേഷി ഇത് നൽകും. പഠനങ്ങൾ സൂചിപ്പിക്കുന്നത് കരിക്കിൻ വെള്ളത്തിന് ആന്റിമൈക്രോബയൽ ഗുണങ്ങളുണ്ട് എന്നാണ്. ഇവയെല്ലാം നിങ്ങളുടെ ചർമത്തിൽ മുഖക്കുരുവിനെ ചെറുത്തു നിർത്താൻ സഹായിക്കും. മുഖക്കുരുവിൻ്റെ സാധ്യതകൾ കുറയ്ക്കാൻ സഹായിക്കുന്ന ഒരു ഫേസ് പാക്ക് തയ്യാറാക്കാനായി മഞ്ഞൾ, ചന്ദനം എന്നിവ തേങ്ങാവെള്ളത്തോടൊപ്പം കലർത്തി പേസ്റ്റ് തയ്യാറാക്കുക. മുഖക്കുരു സാധ്യതയുള്ള ചർമ്മത്തിൽ ഇത് പ്രയോഗിക്കുക. നിങ്ങളുടെ മുഖക്കുരു ലക്ഷണങ്ങളെ ശമിപ്പിക്കാനും അതിന്റെ രൂപം കുറയ്ക്കാനുമായി ഈ മാസ്ക് തൽക്ഷണം ഫലം ചെയ്യും.

Also read: മുടിയഴകിന് ചെമ്പരത്തിയോടൊപ്പം ഇവ ചേർത്ത് അരച്ചിട്ടാൽ ഫലം ഇരട്ടി!

​തേങ്ങാവെള്ളം കൊണ്ട് ഹെയർ മസാജ്

തലയോട്ടിയിലെ രക്തചംക്രമണം മെച്ചപ്പെടുത്താനും തലയോട്ടിക്ക് ശരിയായ പോഷണ ഗുണങ്ങൾ നൽകാനും നല്ലൊരു ഹെയർ മസാജിങ് സഹായിക്കും. ഇതിനായി നിങ്ങൾക്ക് ഉപയോഗിക്കാൻ കഴിയുന്ന ഏറ്റവും മികച്ച ഒരു പ്രകൃതിദത്ത ചേരുവയാണ് ഈ വെള്ളം. മുടിവേരുകൾക്ക് കരുത്ത് പകർന്നു കൊണ്ട് മുടി കൊഴിച്ചിലിൽ ലക്ഷണങ്ങൾ കുറയ്ക്കാനുള്ള കഴിവ് കരിക്കിൻ വെള്ളത്തിനുണ്ട്. മുടിയിൽ തേങ്ങാ വെള്ളം ഉപയോഗിച്ച് മസാജ് ചെയ്യുന്നത് ഈ ഭാഗത്തേക്കുള്ള രക്തചംക്രമണം മെച്ചപ്പെടുത്തികൊണ്ട് തലയോട്ടിയിലെ വരൾച്ചയെ തടയുകയും മുടിക്ക് ഈർപ്പം പകരുകയും ചെയ്യും. ഇതിന്റെ ഹൈഡ്രേറ്റിംഗ് ഗുണങ്ങൾ നിങ്ങളുടെ മുടി മിനുസമാർന്നതും കൂടുതൽ തിളക്കവുമുള്ളതാക്കി മാറ്റും. മുടിയുടെ വേര് മുതൽ അറ്റം വരെ സ്വാഭാവിക കണ്ടീഷനിംഗ് ഗുണങ്ങൾ നൽകാനും ഇത് സഹായിക്കും. അതുകൊണ്ടുതന്നെ ഇനിമുതൽ മുടിയിൽ വെളിച്ചെണ്ണ പുരട്ടി മസാജ് ചെയ്യുന്നത് പോലെ തന്നെ കരിക്കിൻ വെള്ളം ഉപയോഗിച്ചും മസാജ് ചെയ്യുന്നത് പരിഗണിക്കാം.

Also read: ചുരുണ്ട മുടി പരിപാലിക്കാൻ ഇവ മൂന്നും ഏറെ ഉപയോഗപ്രദം

​താരനും മുടികൊഴിച്ചിലിനും പരിഹാരം

തലയോട്ടിയിലെ ചൊറിച്ചിൽ, താരൻ, മുടി കൊഴിച്ചിലിന് കാരണമാകുന്ന അല്ലെങ്കിൽ മുടിയുടെ വളർച്ചയെ തടസ്സപ്പെടുത്തുന്ന മറ്റ് അണുബാധകൾ എന്നിവ ചികിത്സിക്കുന്നതിനും തടയുന്നതിനും ഉള്ള പ്രത്യേക ആൻറി-ഫംഗസ്, ആൻറി ബാക്ടീരിയൽ ഗുണങ്ങൾ തേങ്ങാ വെള്ളത്തിൽ ഉണ്ട്. മുടി ജട പിടിക്കുന്നതും ചുരുണ്ടു പോകുന്നതും ഒക്കെ ഒഴിവാക്കാനായി ഇത് ഉപയോഗിച്ച് നിരവധി ഹെയർ പാക്കുകൾ പരീക്ഷിക്കുകയും ചെയ്യാം. മറ്റൊന്നും കൂട്ടി ചേർക്കാതെ വളരെ എളുപ്പത്തിൽ നിങ്ങൾക്ക് തേങ്ങാവെള്ളം ഉപയോഗിച്ച് മുടി കഴുകാം. അതല്ലെങ്കിൽ ഒരു പാത്രത്തിൽ കരിക്കിൻ വെള്ളവും ഒന്നോ രണ്ടോ ടീസ്പൂൺ ആപ്പിൾ സിഡെർ വിനെഗറും ചേർത്ത് മിക്സ് ചെയ്യുക. ഒരു ഷാംപൂവും കണ്ടീഷണറും ഉപയോഗിച്ച് മുടി കഴുകിയ ശേഷം, ഈ മിശ്രിതം നിങ്ങളുടെ തലയോട്ടിയിലും മുടിയിലും ഒഴിക്കുക. കുറച്ച് മിനിറ്റുകൾ ഇത് തലയിൽ സൂക്ഷിച്ച ശേഷം തണുത്ത വെള്ളത്തിൽ കഴുകുക. ഇത് ചെയ്തു കഴിയുമ്പോൾ പുതുമയുള്ളതും തിളങ്ങുന്നതും കെട്ടു പിണയാതെ നീണ്ടു കിടക്കുന്നതുമായ തലമുടി നിങ്ങൾക്ക് ലഭിക്കും.