ഒഴിവിന് ആനുപാതികമായി ലിസ്റ്റ്; പിഎസ്‍സി റാങ്ക് പട്ടിക ചുരുക്കുന്ന കാര്യം ആലോചിക്കുന്നതായി മുഖ്യമന്ത്രി

തിരുവനന്തപുരം: പിഎസ്‍സി റാങ്ക് പട്ടിക ചുരുക്കുന്ന കാര്യം ആലോചിക്കുന്നതായി മുഖ്യമന്ത്രി പിണറായി വിജയൻ. നിലവിലെ വ്യവസ്ഥകൾ പ്രകാരം പ്രതീക്ഷിത ഒഴിവുകളേക്കാൾ മൂന്ന് മുതൽ അഞ്ചിരട്ടിവരെ ഉദ്യോഗാർഥികളെ ഉൾപ്പെടുത്തിയാണ് ലിസ്റ്റ് തയ്യാറാക്കുന്നത്. ഇതിനാൽ റാങ്ക് ലിസ്റ്റിൽ ഉൾപ്പെട്ടവർക്കെല്ലാം ജോലി ലഭ്യമാകില്ലെന്നും മുഖ്യമന്ത്രി നിയമസഭയിൽ പറഞ്ഞു.



മര്യാദകെട്ട നടപടിയാണ് അവർ കാണിച്ചത്; ഈ ബുൾ ജെറ്റ് വ്ളോഗർമാരെ അറസ്റ്റ് ചെയ്തത് വളരെ ഇഷ്ടപ്പെട്ടു: പിസി ജോർജ്

ഉദ്യോഗാർഥികളിൽ പലരും ചൂഷണങ്ങൾക്കും അനഭിലഷണീയമായ പ്രവണതകൾക്കും വിധേയരാകുന്നുണ്ട്. ഇതോടെയാണ് റാങ്ക് പട്ടിക പ്രസിദ്ധീകരിക്കുന്ന രീതി പുനഃപരിശോധിക്കുന്ന കാര്യം ആലോചിക്കുന്നതെന്നും എച്ച് സലാമിന്‍റെ സബ്മിഷന് മറുപടിയായി മുഖ്യമന്ത്രി നിയമസഭയിൽ വ്യക്തമാക്കി.

ഒഴിവ് വരുന്നതിന് സമാനമായി റാങ്ക് പട്ടിക ചുരുക്കുന്നതോടെ ഉദ്യോഗാർഥികൾക്ക് അനാവശ്യ പ്രതീക്ഷ നൽകുന്ന സാഹചര്യം ഉണ്ടാകില്ല. ഒഴിവുകളേക്കാൾ കൂടുതൽ പേരെ പട്ടികയിൽ ഉൾപ്പെടുത്തുന്ന രീതി അനഭലഷണീയമാണ്. ഇക്കാര്യത്തിൽ വ്യക്തമായ ശുപാർശ സമർപ്പിക്കാൻ ജസ്റ്റിസ് ദിനേശൻ കമ്മിഷനെ നിയോഗിച്ചിട്ടുണ്ട്. കമ്മീഷൻ്റെ ശുപാർശ അനുസരിച്ചാകും ഇക്കാര്യത്തിൽ തുടർ നടപടികൾ സ്വീകരിക്കുകയെന്നും മുഖ്യമന്ത്രി പറഞ്ഞു.

പരാതി ലഭിച്ചിട്ടില്ല, പാര്‍ട്ടിയിൽ പ്രശ്നം ചർച്ച ചെയ്യും; വനിതാ ലീഗ് ജനറൽ സെക്രട്ടറി

റാങ്ക് ലിസ്റ്റുകളുടെ കാലാവധിക്കുള്ളിൽ ലഭ്യമാകുന്ന മുഴുവൻ ഒഴിവുകളും പിഎസ്‍സിക്ക് റിപ്പോർട്ട് ചെയ്ത് നിയമനം നടത്തുമെന്നതാണ് സർക്കാരിൻ്റെ പ്രഖ്യാപിത നയം. ഇതിനായി ഒഴിവുകൾ കൃതൃതയോടെ ഓൺലൈൻ മുഖേനെ റിപ്പോർട്ട് ചെയ്യാൻ എല്ലാ നിയമനാധികാരികൾക്കും സർക്കാർ കർശന നിർദേശം നൽകും. പിഎസ്‍സി നിയമനം സംബന്ധിച്ച് വിവരങ്ങളുടെ ലഭ്യത ഉറപ്പുവരുത്തുന്നതിനായി ബന്ധപ്പെട്ട സ്ഥാപനങ്ങളുടെ വെബ്‌സൈറ്റില്‍ പ്രസിദ്ധീകരിക്കുന്ന വിഷയം പരിശോധിക്കാവുന്നതാണെന്നും മുഖ്യമന്ത്രി പറഞ്ഞു.