ആദിവാസി മേഖലകളിലുള്ളവര്‍ക്ക് ഓണക്കിറ്റുകള്‍ നേരിട്ട് എത്തിക്കും. ഈ മാസത്തെ അരി വാങ്ങാത്ത ആദിവാസി വിഭാഗത്തിലുള്ളവര്‍ക്ക് അതും എത്തിച്ചുകൊടുക്കുമെന്നും മന്ത്രി.
മന്ത്രി അനിൽ. PHOTO: Facebook
ഹൈലൈറ്റ്:
- ആദിവാസി മേഖലകളിലുള്ളവര്‍ക്ക് ഓണക്കിറ്റുകള്‍ നേരിട്ട് എത്തിക്കും
- വിതരണം ചെയ്തത് 19,49,640 ഓണക്കിറ്റുകകള്‍
- കൂടുതല്‍ കിറ്റുകള്‍ വിതരണം ചെയ്തത് മലപ്പുറത്ത്
മലപ്പുറം ജില്ലയിലാൽ 239812 കിറ്റുകളാണ് വ്യാഴാഴ്ച വരെ വിതരണം ചെയ്തത്. തിരുവനന്തപുരം- 220991, തൃശൂർ- 194291, ആലപ്പുഴ- 137662, എറണാകുളം- 159631, ഇടുക്കി- 93931, കണ്ണൂർ- 98986, കാസര്‍കോട്- 76501, കൊല്ലം- 130092, കോട്ടയം- 97460, കോഴിക്കോട്- 176308, പാലക്കാട്- 165358, പത്തനംതിട്ട- 81692, വയനാട്- 76925 എന്നിങ്ങനെയാണ് വിതരണം ചെയ്ത കിറ്റുകളുടെ കണക്ക്. ഓണത്തിന് മുമ്പ് തന്നെ കിറ്റ് വിതരണം പൂര്‍ത്തിയാക്കാനുള്ള ശ്രമമാണ് നടത്തുന്നതെന്നും മന്ത്രി പറഞ്ഞു.
ഒഴിവിന് ആനുപാതികമായി ലിസ്റ്റ്; പിഎസ്‍സി റാങ്ക് പട്ടിക ചുരുക്കുന്ന കാര്യം ആലോചിക്കുന്നതായി മുഖ്യമന്ത്രിആദിവാസി മേഖലകളിലുള്ളവര്‍ക്ക് ഓണക്കിറ്റുകള്‍ നേരിട്ട് എത്തിക്കുമെന്നും മന്ത്രി അനിൽ വ്യക്തമാക്കി. ആഗസ്റ്റ് 15ന് രാവിലെ 11 മണിക്ക് തിരുവനന്തപുരം വിതുര പഞ്ചായത്തിലെ പുളിയക്കാല ആദിവാസി കോളനിയില്‍ കിറ്റ് വിതരണം ചെയ്ത് ഇതിന് തുടക്കം കുറിയ്ക്കും. പട്ടികജാതി, പട്ടികവര്‍ഗ, പിന്നാക്കക്ഷേമ മന്ത്രി കെ. രാധാകൃഷ്ണനും കിറ്റ് വിതരണത്തില്‍ പങ്കെടുക്കും. ഈ മാസത്തെ അരി വാങ്ങാത്ത ആദിവാസി വിഭാഗത്തിലുള്ളവര്‍ക്ക് അതും എത്തിച്ചുകൊടുക്കുമെന്നും മന്ത്രി പറഞ്ഞു.
കന്യാസ്ത്രീ മഠങ്ങള്‍, അഗതി മന്ദിരങ്ങള്‍ എന്നിവിടങ്ങളിലെ താമസക്കാര്‍ക്കും ഓണക്കിറ്റുകള്‍ നേരിട്ട് എത്തിക്കും.അനര്‍ഹര്‍ കൈവശം വച്ചിരുന്ന 1,34,170 മുന്‍ഗണനാ റേഷന്‍ കാര്‍ഡുകളാണ് തിരിച്ചേല്‍പ്പിച്ചിരിക്കുന്നതെന്നും മന്ത്രി വ്യക്തമാക്കി. അര്‍ഹതയുള്ള 12,000 പേര്‍ക്ക് കാര്‍ഡ് നല്‍കുന്നതിനുള്ള നടപടി ആരംഭിച്ചു. എ.എ.വൈ വിഭാഗത്തിലെ കാര്‍ഡുകളുടെ വിതരണം ആഗസ്റ്റ് 20 ന് പൂര്‍ത്തിയാകും. ഈ വിഭാഗത്തില്‍ പെട്ടവര്‍ക്ക് സെപ്റ്റംബര്‍ ഒന്നു മുതല്‍ അര്‍ഹതപ്പെട്ട റേഷന്‍ വിഹിതം ലഭിക്കും.
മര്യാദകെട്ട നടപടിയാണ് അവർ കാണിച്ചത്; ഈ ബുൾ ജെറ്റ് വ്ളോഗർമാരെ അറസ്റ്റ് ചെയ്തത് വളരെ ഇഷ്ടപ്പെട്ടു: പിസി ജോർജ്സപ്ലൈകോ ജീവനക്കാരുടെ ബോണസ്, ഉത്സവബത്ത, ഫെസ്റ്റിവല്‍ അഡ്വാന്‍സ് എന്നിവ സംബന്ധിച്ച് വിവിധ യൂണിയനുകളുമായി ചര്‍ച്ച ചെയ്ത് ധാരണയിലെത്തിയിട്ടുണ്ട്. ഇതിനു പുറമെ 750 രൂപയുടെ സൗജന്യ വൗച്ചറും ജീവനക്കാര്‍ക്ക് നല്‍കുമെന്നും മന്ത്രി വ്യക്തമാക്കി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kerala food and civil supplies minister g r anil on onam kit 2021
Malayalam News from malayalam.samayam.com, TIL Network
