ഹൈലൈറ്റ്:
- മൂന്നു ദിവസത്തെ ദൗത്യവുമായി സംസ്ഥാന സര്‍ക്കാര്‍
- പദ്ധതി മൂന്നാം തരംഗ മുന്നറിയിപ്പിൻ്റെ സാഹചര്യത്തിൽ
- കണ്ടെയ്ൻമെൻ്റ് സോണുകളിൽ പരമാവധി പരിശോധന
എല്ലാ ജില്ലകളിലും 60 വയസിനു മുകളിൽ പ്രായമുള്ള ചുരുക്കം ചിലര്‍ക്ക് മാത്രമാണ് വാക്ലിൻ ലഭിക്കാനുള്ളത്. കൊവിഡ് 19 മൂന്നാം തരംഗമുണ്ടായേക്കുമെന്ന മുന്നറിയിപ്പിൻ്റെ സാഹചര്യത്തിലാണ് വാക്സിനേഷൻ്റെ വേഗം വര്‍ധിപ്പിക്കുന്നത്. ഓഗസ്റ്റ് 16 വരെയാണ് വാക്സിനേഷൻ ദൗത്യം. രണ്ട് ദിവസത്തിനുള്ളിൽ തന്നെ ഈ ലക്ഷ്യം കൈവരിക്കാനാണ് നീക്കം.
Also Read: പ്ലസ് വൺ പ്രവേശനം; കൊവിഡ് ഡ്യൂട്ടിയിൽ നിന്നും സ്കൂള്‍ അധ്യാപകരെ ഒഴിവാക്കും
ഇതോടൊപ്പം കണ്ടെയ്ൻമെൻ്റ് സോണുകളിൽ കൂടുതൽ പരിശോധനകള്‍ നടത്തി പരമാവധി രോഗികളെ കണ്ടെത്തുന്നതിനോടൊപ്പം രോഗമില്ലാത്ത മുഴുവൻ പേര്‍ക്കും ഒരു ഡോസെങ്കിലും വാക്സിൻ ഉറപ്പാക്കുക എന്നതും സര്‍ക്കാര്‍ ലക്ഷ്യമിടുന്നുണ്ട്. ഓഗസ്റ്റ് 31നു മുൻപ് ഈ ലക്ഷ്യം പൂര്‍ത്തിയാക്കും. നാലു ലക്ഷത്തിലധികം ഡോസ് വാക്സിൻ പുതുതായി എത്തിയ സാഹചര്യത്തിലാണ് നീക്കം. പിന്നോക്ക മേഖലകളിലും ഗ്രാമപ്രദേശങ്ങളിലും വാക്സിൻ എത്തിക്കണമെന്നാണ് ഉദ്യോഗസ്ഥര്‍ക്ക് നല്‍കിയിരിക്കുന്ന നിര്‍ദേശം.
Also Read: കൊവിഡ്: കേന്ദ്ര ആരോഗ്യമന്ത്രിയും സംഘവും കേരളത്തിലേക്ക്, സാഹചര്യങ്ങൾ വിലയിരുത്തും
അതേസമയം, കേരളത്തിലെ ഉയര്‍ന്ന കൊവിഡ് ബാധയെ കേന്ദ്രസര്‍ക്കാര്‍ ആശങ്കയോടെയാണ് കാണുന്നത്. രോഗവ്യാപനം ഉയര്‍ന്ന സംസ്ഥാനങ്ങളിൽ സന്ദര്‍ശനം നടത്തുന്ന കേന്ദ്ര ആരോഗ്യമന്ത്രി മൻസുഖ് മണ്ഡവ്യ കേരളത്തിലുമെത്തും. കേന്ദ്രസംഘം എത്തുന്ന ആദ്യ സംസ്ഥാനവും കേരളമാണ്. മുഖ്യമന്ത്രി പിണറായി വിജയനുമായി അദ്ദേഹം കൂടിക്കാഴ്ച നടത്തുമെന്നാണ് വിവരം.
ദേശീയപാതയിൽ പതിയിരുന്ന അപകടം; ഗോവിന്ദും ചൈതന്യയും ഇനിയില്ല
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : state government starts three day covid 19 vaccination drive in kerala to cover all above 60 with first dose
Malayalam News from malayalam.samayam.com, TIL Network
