കടുത്ത വേനൽക്കാലത്തും പാര്‍ക്കിൽ പോകാനും വെയിൽ വകവെയ്ക്കാതെ കാഴ്ചകള്‍ ആസ്വദിക്കാനുമായാണ് ഖത്തറിൽ ലോകത്താദ്യമായി എയര്‍ കണ്ടീഷൻ ചെയ്ത പാര്ക്ക് തയ്യാറാക്കിയിരിക്കുന്നത്.
ആദ്യ ഘട്ടത്തില്‍ മൂന്ന് എസി പാര്‍ക്കുകള്‍
അല്‍ ഗറാഫ, ഉം അല്‍ സനീം, റൗദത്ത് അല്‍ ഖൈല്‍ എന്നിവിടങ്ങളിലെ പാര്‍ക്കുകളിലാണ് ശീതികരിച്ച നടപ്പാതകളുമായി പാര്‍ക്കുകള്‍ ഒരുക്കിയിരിക്കുന്നത്. ഇതിന്റെ പ്രവൃത്തികള്‍ അന്തിമ ഘട്ടത്തിലാണെന്നും ഉടന്‍ തന്നെ സന്ദര്‍ശകര്‍ക്കായി തുറന്നുകൊടുക്കാന്‍ കഴിയുമെന്നും അശ്ഗാല്‍ പബ്ലിക് പ്രൊജക്ട്‌സ് വകുപ്പ് തലവന്‍ അബ്ദുല്‍ ഹകീം അല്‍ ഹാഷ്മി അറിയിച്ചു. ഇവിടെ നടക്കാനും വ്യായാമം ചെയ്യാനും സൈക്കിള്‍ സവാരിക്കുമായി ശീതീകരിച്ച ഇടങ്ങള്‍ തയ്യാര്‍ ചെയ്തിട്ടുണ്ട്. ഇത്തരമൊരു സാങ്കേതികവിദ്യയില്‍ പ്രവര്‍ത്തിക്കുന്ന പാര്‍ക്കുകള്‍ ലോകത്ത് ഇതാദ്യമായാണെന്നും അദ്ദേഹം അറിയിച്ചു. ഖത്തറിലെ കൊടും ചൂട് കാലാവസ്ഥയില്‍ പാര്‍ക്കിലെ കാഴ്ചകള്‍ ആസ്വദിക്കാന്‍ ഇതിലൂടെ സാധിക്കുമെന്നും അദ്ദേഹം അറിയിച്ചു.
പ്രചോദനം ശീതീകരിച്ച ഫുട്‌ബോള്‍ സ്റ്റേഡിയങ്ങള്
2009ല്‍ വിശദമായ പഠനത്തിന്റെ അടിസ്ഥാനത്തിലാണ് ഇത്തരമൊരു സംവിധാനം നടപ്പിലാക്കാന്‍ തീരുമാനിച്ചത്. അടുത്ത വര്‍ഷം നടക്കാനിരിക്കുന്ന ഫിഫ ലോക കപ്പിനായി എയര്‍ കണ്ടീഷന്‍ ചെയ്ത സ്റ്റേഡിയങ്ങള് ഖത്തര്‍ ഒരുക്കിയിരുന്നു. ഇതില്‍ നിന്നാണ് ഇതേ സാങ്കേതിക വിദ്യ ഉപയോഗിച്ച് പാര്‍ക്കുകള്‍ ഒരുക്കുന്നതിനെ കുറിച്ചുള്ള ആശയം ഉയര്‍ന്നുവന്നത്. തുടര്‍ന്ന് ഇതിന്റെ സാധ്യതയെ കുറിച്ച് പഠനങ്ങള്‍ നടത്തുകയും അവസാനം പദ്ധതി യാഥാര്‍ഥ്യമാക്കാന്‍ തീരുമാനിക്കുകയുമായിരുന്നുവെന്ന് അല്‍ റയ്യാന്‍ ടെലിവിഷന്‍ ചാനലിന് അനുവദിച്ച അഭിമുഖത്തില്‍ അബ്ദുല്‍ ഹകീം അല്‍ ഹാഷ്മി പറഞ്ഞു.
നടക്കാം, കളിക്കാം, സൈക്കിളോടിക്കാം
ഉം അല്‍ സനീം പാര്‍ക്കാണ് സന്ദര്‍ശകര്‍ക്കായി ആദ്യം തുറന്നുകൊടുക്കുക. 1.3 ലക്ഷം ചതുരശ്ര മീറ്റര്‍ വിസ്തീര്‍ണമുള്ള പാര്‍ക്കിന്റെ 70 ശതമാനം പ്രദേശങ്ങളും പച്ചപ്പ് നിറഞ്ഞതാണ്. ഇതില്‍ 1150 മീറ്റര്‍ പാത്ത് വേ ആണ് സന്ദര്‍ശകര്‍ക്ക് ചൂടില്‍ നിന്ന് ആശ്വാസമേകാന്‍ ശീതീകരിച്ചിരിക്കുന്നത്. 51,000 ചതുരശ്ര മീറ്റര്‍ വിസ്തീര്‍ണമുള്ള അല്‍ ഗറാഫ പാര്‍ക്കിലും 70 ശതമാനം സ്ഥലത്തും ചെടികളും മരങ്ങളുമാണ്. മൂന്നാമത്തെ പാര്‍ക്കിന്റെ വിസ്തീര്‍ണം 1.4 ലക്ഷം ചതുരശ്ര മീറ്ററിലാണ് ഒരുക്കിയിരിക്കുന്നത്. കുട്ടികള്‍ക്കുള്ള കളിസ്ഥലങ്ങള്‍, വിനോദ കേന്ദ്രങ്ങള്‍, വ്യായാമം ചെയ്യുന്നതിനുള്ള സൗകര്യങ്ങള്‍, നടപ്പാതകള്‍, സൈക്ലിംഗ് ട്രാക്കുകള്‍ തുടങ്ങിയ സൗകര്യങ്ങള്‍ ഇവിടങ്ങളില്‍ ഒരുക്കിയിട്ടുണ്ട്. ചൂട് കാലത്തുള്‍പ്പെടെ വര്‍ഷം മുഴുവന്‍ ആളുകള്‍ക്ക് ആസ്വദിക്കാനും ആരോഗ്യം മെച്ചപ്പെടുത്താനും സൗകര്യമൊരുക്കുകയെന്ന ലക്ഷ്യത്തോടെയാണ് എസി പാര്‍ക്കുകള്‍ ഒരുക്കിയിരിക്കുന്നതെന്നും അദ്ദേഹം അറിയിച്ചു.
ദേശീയപാതയിൽ പതിയിരുന്ന അപകടം; ഗോവിന്ദും ചൈതന്യയും ഇനിയില്ല
ദേശീയപാതയിൽ പതിയിരുന്ന അപകടം; ഗോവിന്ദും ചൈതന്യയും ഇനിയില്ല
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : ashghal announces to open worlds first park with air conditioned paths in qatar
Malayalam News from malayalam.samayam.com, TIL Network
