Sumayya P | Samayam Malayalam | Updated: Aug 14, 2021, 9:57 AM
കുങ്കുമം ത്യാഗത്തെയും നിഷ്പക്ഷതയേയും സൂചിപ്പിക്കുന്നു. നടുക്കുള്ള വെള്ള നിറം നമ്മുടെ പ്രവൃത്തിയെ സത്യത്തിന്റെ പാതയിലൂടെ നയിക്കുന്ന വെളിച്ചത്തെ സൂചിപ്പിക്കുന്നു. പച്ച നിറം നമ്മുടെ ജീവിതം നിലനിര്‍ത്തുന്ന പ്രകൃതിയുമായും ഭൂമിയിലെ സസ്യലതാദികളുമായുള്ള ബന്ധത്തേയും സൂചിപ്പിക്കുന്നു.
രൂപത്തില്‍ അംഗീകരിച്ചത്. രാജ്യത്തിന്‍റെ പരമാധികാരത്തിന്റെയും ചരിത്രത്തിന്റെയും സംസ്കാരത്തിന്റെയും പ്രതീകമാണ് നമ്മുടെ ദേശീയ പതാക. ഒന്നാം സ്വാതന്ത്ര്യസമരം പൊട്ടിപ്പുറപ്പെട്ട 1857ലാണ് ചെങ്കോട്ടയില്‍ ആദ്യമായി പതാക ഉയരുന്നത്. ആന്ധ്രാ സ്വദേശിയായ പിംഗലി വെങ്കയ്യയാണ് ദേശീയപതാകയുടെ ശില്‍പി. ഇന്ത്യന്‍ സ്വാതന്ത്രസമര ചരിത്രത്തേക്കാള്‍ പഴക്കമുണ്ട് ദേശീയ പതാകയുടെ കഥയ്ക്ക്.
1947 ആഗസ്ത് 15മുതല്‍ 1950 ജനുവരി 26 വരെയും അതിന് ശേഷം സ്വതന്ത്ര ഇന്ത്യയുടെ ദേശീയ പതാകയായും പിന്നീട് ത്രിവര്‍ണ്ണ പതാകയായും മാറി. ഇന്ത്യന്‍ നാഷണല്‍ കോണ്ഗ്രസിന്‍റെ പതാകയില്‍ ചില മാറ്റങ്ങള്‍ വരുത്തിയതാണ് ദേശീയ പതാക തയ്യാറാക്കുന്നത്. കോണ്‍ഗ്രസിലെ പതാകയിലെ നിറങ്ങള്‍ മത വിഭാഗങ്ങളെയായിരുന്നു പ്രതിനിധീകരിച്ചിരുന്നത്. എന്നാല്‍ ദേശീയ പതാകയില്‍ അങ്ങനെ അല്ല. തുടര്‍ന്ന് 1947 ഓഗസ്റ്റ് 15-നു ഇന്ത്യ സ്വതന്ത്രയാകുന്നതിനു കുറച്ചു നാൾ മുൻപ് ഭരണഘടനാസമിതി ഒരു പ്രത്യേക സമ്മേളനം വിളിച്ചു. അന്ന് ഇന്ത്യൻ നാഷണൽ കോൺഗ്രസിന്റെ പതാക എല്ലാ രാഷ്ട്രീയ സംഘടനകളും മതവിഭാഗങ്ങളും ചില മാറ്റങ്ങളോടുക്കൂടി ദേശീയ പതാകയാക്കാന്‍ തീരുമാനിക്കുകയായിരുന്നു. അങ്ങനെ പതാകയുടെ മധ്യത്തിലെ ചർക്കയ്ക്ക് പകരം അശോകചക്രം വെച്ചു.
ദേശീയ പതാകയിലെ വര്‍ണങ്ങള്‍ ഇപ്രകാരമാണ്; ഏറ്റവും മുകളിലായി കുങ്കുമ നിറം, മധ്യഭാഗത്ത് വെള്ള, പച്ച ഏറ്റവും താഴെ എന്നിങ്ങനെയാണ് ക്രമീകരിച്ചിരിക്കുന്നത്. ഒരോ നിറങ്ങളും പ്രതിധിതീകരിക്കുന്ന കാര്യങ്ങള്‍ ഇപ്രകാരമാണ്.
കുങ്കുമം; ഇന്ത്യയുടെ ദേശീയപതാകയിലെ കുങ്കുമം ത്യാഗത്തെയും നിഷ്പക്ഷതയേയും സൂചിപ്പിക്കുന്നു. നമ്മുടെ നേതാക്കന്മാർ സമ്പത്ത് നേടുന്നതിൽ താല്‌പര്യം ഇല്ലാത്തവരാണെന്നും അവർ ചെയ്യുന്ന ജോലിയിൽ പൂർണ്ണമായും മുഴുകിയിരിക്കുന്നവരുമാണെന്നും ഇത് സൂചിപ്പിക്കുന്നു.
വെള്ള നിറം; നമ്മുടെ പ്രവൃത്തിയെ സത്യത്തിന്റെ പാതയിലൂടെ നയിക്കുന്ന വെളിച്ചത്തെ സൂചിപ്പിക്കുന്നു
പച്ച നിറം; നമ്മുടെ ജീവിതം നിലനിര്‍ത്തുന്ന പ്രകൃതിയുമായും ഭൂമിയിലെ സസ്യലതാദികളുമായുള്ള ബന്ധത്തേയും സൂചിപ്പിക്കുന്നു.
അശോകചക്രം; നീല നിറമുള്ള 24 ആരങ്ങളുള്ള അശോകചക്രം ധര്‍മ്മത്തിന്റെ പ്രതീകമാണ്. സത്യം, ധര്‍മ്മം ഇവ ആയിരിക്കും ഈ പതാകയെ അംഗീകരിക്കുന്ന എല്ലാവരുടേയും മാര്‍ഗ്ഗദര്‍ശി. ചക്രം ചലനത്തേയും സൂചിപ്പിക്കുന്നു.
ത്രിവർണ്ണ പതാകയുടെ നിറം, നിർമ്മാണം, പ്രദര്‍ശനം വലിപ്പം, അനുപാതം എന്നിവയില്‍ കര്‍ശന നിയമങ്ങള്‍ ആണ് നിലനില്‍ക്കുന്നത്. പതാകയുടെ കൈകാര്യത്തില്‍ വരുത്തുന്ന വീഴ്ച പിഴവോ തടവോ ലഭിക്കാവുന്ന ഗുരുതരമായ കുറ്റകൃത്യമാണ്. 2002വരെ ത്രിവര്‍ണ പതാക പൊതു ജനങ്ങള്‍ക്ക് നിശ്ചിത ദിവസങ്ങളിലൊഴികെ പ്രദര്‍ശിപ്പിക്കുന്നിത് വിലക്കുണ്ടായിരുന്നു. നവീന്‍ ജിണ്ടാല്‍ എന്ന വ്യവസായി ഇതിനെതിരെ നിയമ പേരാട്ടം നടത്തി. തുടര്‍ന്ന് രാജ്യത്തിന്‍റെ അന്തസ് നഷ്ടപെടാത്ത രീതിയില്‍ ദേശീയ പതാക പ്രദര്‍ശിപ്പിക്കാനുള്ള അനുമതി ലഭിച്ചത്. ദേശീയ പതാക എങ്ങനെ കൈകാര്യം ചെയ്യേണ്ടത് എന്നതിനെ കുറിച്ച് ഇന്ത്യന്‍ പതാക നിയമം എന്ന പേരില്‍ പ്രത്യേക നിയമവും പ്രാബല്യത്തില്‍ വരുത്തിട്ടുണ്ട്
ആരാണ് പിംഗളി വെങ്കയ്യ?
1878 ഓഗസ്റ്റ് 2 ന് ഹനുമന്തറായുഡു-വെങ്കടരത്നമ്മ ദമ്പതികളുടെ മകനായി ആന്ധ്രാ പ്രദേശിലെ ഭട്ട്‌ലപെനുമരുവിൽ ജനിച്ചു. സ്കൂൾ വിദ്യാഭ്യാസത്തിനുശേഷം ലണ്ടനിലെ കേംബ്രിഡ്ജിൽ നിന്ന് ഉന്നത വിദ്യാഭ്യാസം നേടി. ഇന്ത്യയിൽ തിരിച്ചെത്തിയ അദ്ദേഹം റെയിൽവേ ഗാർഡ് ആയി സേവനം അനുഷ്ടിച്ചു. പിന്നീട് ബെല്ലാരിയിൽ പ്ലഗ് ഓഫീസർ ആയി സർക്കാർ സർവീസിൽ പ്രവേശിച്ചു. ഭൂമിശാസ്ത്രം, കൃഷി, വിദ്യാഭ്യാസം, ഭാഷകൾ എന്നിവയിൽ വിശാലമായ അറിവുള്ള വ്യക്തിയായിരുന്നു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : details of indian flag concept and meaning of colors in malayalam
Malayalam News from malayalam.samayam.com, TIL Network
