സൗന്ദര്യത്തിന് സഹായിക്കുന്നതില്‍ ഫേസ് പായ്ക്കുകള്‍ക്ക് പ്രധാനപ്പെട്ട സ്ഥാനമുണ്ട്. പല തരത്തിലെ ഫേസ്പായ്ക്കുകള്‍ ഉപയോഗിയ്ക്കാം. വീട്ടില്‍ തന്നെ തയ്യാറാക്കാവുന്നവയാണ് പലതും. ഇത്തരം ചില ഫേസ്പായ്ക്കുകളെ കുറിച്ചറിയൂ.

ഓറഞ്ച്

മൂന്ന് ടീസ്പൂൺ തേൻ, രണ്ട് ടേബിൾസ്പൂൺ അപ്പോൾ പിഴിഞ്ഞെടുത്ത ഓറഞ്ച് ജ്യൂസുമായി ചേർത്ത് യോജിപ്പിക്കുക. ഇത് മുഖത്ത് പുരട്ടി 30 മിനിറ്റ് നേരം വയ്ക്കുക. ശേഷം, തണുത്ത വെള്ളത്തിൽ കഴുകുക. ഈർപ്പം, വിറ്റാമിൻ സി എന്നിവ പകരുന്ന ചേരുവകളുപയോഗിച്ച് തിളങ്ങുന്ന ചർമ്മത്തിന് ഇത് വേഗത്തിൽ ഉത്തേജനം നൽകുന്നതാണ്. ആഴ്ചയിൽ ഒന്നോ രണ്ടോ തവണ ഈ ഫേസ് പാക്ക് ഉപയോഗിക്കുന്നത് നിങ്ങളുടെ മുഖം കൂടുതൽ തിളങ്ങാൻ സഹായിക്കും.

ബദാം

4-5 ബദാം വെള്ളത്തിൽ മുക്കിവയ്ക്കുക. രാവിലെ ബദാം പേസ്റ്റാക്കി ചതച്ചെടുക്കുക. ഇതിലേക്ക് 2 കുങ്കുമപ്പൂവും 3-4 ടേബിൾസ്പൂൺ തണുത്ത പാലും ചേർത്ത് യോജിപ്പിക്കുക. ഈ മിശ്രിതം ചർമ്മത്തിൽ പുരട്ടി കഴുകുന്നതിനുമുമ്പ് ഒരു മണിക്കൂർ നേരം വയ്ക്കുക. കുങ്കുമവും ബദാമും അവയുടെ തിളക്കമാർന്ന സ്വഭാവത്തിന് പേരുകേട്ടതാണ്, മാത്രമല്ല ഇത് ചർമ്മത്തിലെ വെയില് കൊണ്ടത് മൂലമുള്ള കരുവാളിപ്പ് നീക്കം ചെയ്യുവാനും ഉപയോഗിക്കാം.

തേനും വാഴപ്പഴവും

ഒരു പരന്ന പാത്രത്തിൽ ഒരു പഴുത്ത വാഴപ്പഴം ഉടച്ചെടുത്തതിനോടൊപ്പം രണ്ട് ടേബിൾസ്പൂൺ തേനും മൂന്ന് ടേബിൾസ്പൂൺ പാലും ചേർത്ത് ഒരു മിശ്രിതം തയ്യാറാക്കുക. ഇത് നന്നായി ഇളക്കി മുഖത്തും കഴുത്തിലും പുരട്ടുക. ഇത് 40 മിനിറ്റ് നേരം വയ്ക്കുക, എന്നിട്ട് ചെറുചൂടുള്ള വെള്ളത്തിൽ കഴുകുക. ചർമ്മത്തിന് നല്ല ജലാംശം പകരുന്ന തേനും വാഴപ്പഴവും ചർമ്മം ഈർപ്പമുള്ളതാക്കുകയും പാൽ സൗമ്യമായി നിർജ്ജീവ ചർമ്മത്തെ പുറംതള്ളുകയും ചെയ്യും.

തൈരും തേനും

ചർമ്മ സംരക്ഷണത്തിന് പേര് കേട്ടതാണ് തൈരും തേനും മഞ്ഞളുമെല്ലാം. ഇവ ഉപയോഗിച്ച് ഒരു ഫേസ് മാസ്ക് തയ്യാറാക്കാം. ഒരു പാത്രത്തിൽ മൂന്ന് ടേബിൾസ്പൂൺ തൈര് ഒരു ടേബിൾ സ്പൂൺ തേനും ഒരു ടീസ്പൂൺ മഞ്ഞൾപ്പൊടിയും ചേർത്ത് യോജിപ്പിക്കുക. ഈ കട്ടിയുള്ള മിശ്രിതം മുഖത്തും കഴുത്തിലും പുരട്ടുക. ഒരു മണിക്കൂർ നേരം വയ്ക്കുക, എന്നിട്ട് ചെറുചൂടുള്ള വെള്ളത്തിൽ കഴുകുക. ചർമ്മത്തിന് തിളക്കം വേഗത്തിൽ നൽകാനും പോഷണമേകുവാനും ഇത് വളരെ അനുയോജ്യമാണ്.