വിവാഹത്തിനു മുൻപ് ആറുമാസത്തോളം തന്‍റെ വീട്ടിൽ കഴിഞ്ഞ യുവാവുമായി പല വട്ടം ലൈംഗികബന്ധത്തിൽ ഏര്‍പ്പെട്ടെന്നും എന്നാൽ യുവാവ് ബന്ധം അവസാനിപ്പിക്കുകയായിരുന്നുവെന്നുമാണ് പരാതി.
പ്രതീകാത്മക ചിത്രം
ഹൈലൈറ്റ്:
- യുവതി ആത്മഹത്യയ്ക്ക് ശ്രമിച്ചു
- യുവാവിൻ്റെ മാതാപിതാക്കള്‍ക്കെതിരെയും കേസ്
- സംഭവം അഹമ്മദാബാദിനു സമീപം
അഹമ്മദാബാദിനു സമീപമാണ് സംഭവം നടന്നത്. മോറിയാ ഗ്രാമത്തിലുള്ള ഒരു വാഹനനിർമാണ ശാലയിൽ വെച്ചാണ് പ്രതിയായ യുവാവിനെ പരിചയപ്പെട്ടതെന്നാണ് യുവതി പറയുന്നത്. സര്‍ഖേജ് സ്വദേശിയാണ് യുവാവ്. എട്ടു മാസം മുൻപായിരുന്നു യുവാവ് ഇവിടെ ജോലിയ്ക്ക് എത്തിയത്. തുടര്‍ന്ന് ഇരുവരും തമ്മിൽ പ്രണയത്തിലാകുകയായിരുന്നു.
Also Read: ‘രാജ്യം ഫാസിസത്തിൻ്റെ പാതയിൽ’; തൃണമൂലുമായി സഹകരിക്കുമെന്ന് യെച്ചൂരി, ചരിത്രനീക്കത്തിന് സിപിഎം
ഇരുവീട്ടുകാരുടെയും സമ്മതത്തോടെ ഫെബ്രുവരി 2ന് ഇരുവരുടെയും വിവാഹം ഉറപ്പിക്കുകയും ചെയ്തു. തുടര്‍ന്ന് സാനന്ദിലുള്ള യുവതിയുടെ വീട്ടിൽ നിത്യസന്ദര്‍ശകനായിരുന്നു യുവാവ്. ഇതിനിടെ കുടുംബ വഴക്കിനെ തുടര്‍ന്ന് യുവാവ് യുവതിയുടെ വീട്ടിലേയ്ക്ക് താമസം മാറുകയും ചെയ്തു. ഉടൻ വിവാഹം ചെയ്യാനുള്ളവര്‍ എന്ന നിലയ്ക്ക് തങ്ങള്‍ തമ്മിൽ നിരവധി തവണ ലൈംഗികബന്ധത്തിൽ ഏര്‍പ്പെട്ടിട്ടുണ്ടെന്നാണ് യുവതിയുടെ പരാതിയിൽ പറയുന്നത്. ആറു മാസത്തോളം യുവാവ് യുവതിയുടെ വീട്ടിൽ താമസിച്ചിരുന്നു. എന്നാൽ രണ്ടാഴ്ച മുൻപ് വീട്ടിലെ പ്രശ്നങ്ങള്‍ പരിഹരിക്കാൻ എന്ന പേരിൽ യുവാവ് നാട്ടിലേയ്ക്ക് തിരിക്കുകയായിരുന്നുവെന്നാണ് ടൈംസ് ഓഫ് ഇന്ത്യ റിപ്പോര്‍ട്ടിൽ പറയുന്നത്.
Also Read: സദാചാര ആക്രമണത്തിന് ഇരയായ അധ്യാപകൻ തൂങ്ങി മരിച്ചു; സംഭവം മലപ്പുറത്ത്
തിരിച്ചെത്തിയ യുവാവ് താൻ ബന്ധം തുടരാനില്ലെന്നും പിരിയാമെന്നും യുവതിയെ അറിയിക്കുകയായിരുന്നു. ഇതോടെ യുവാവുമായി യുവതി ഇയാളുടെ മാതാപിതാക്കളെ തേടിയെടുത്തുകയായിരുന്നു. എന്നാൽ ഇവരും മകനെ പിന്തുണച്ചതോടെ യുവതി മാനസികമായി തകര്‍ന്നു. യുവതിയോട് യുവാവിൻ്റെ മാതാപിതാക്കള്‍ ആത്മഹത്യ ചെയ്യാനായിരുന്നു ആവശ്യപ്പെട്ടതെന്നാണ് റിപ്പോര്‍ട്ടിൽ പറയുന്നത്.
മാനസികമായി തകര്‍ന്ന യുവതി ഓഗസ്റ്റ് എട്ടിന് വിഷം കഴിച്ച് ആത്മഹത്യയ്ക്ക് ശ്രമിച്ചു. എന്നാൽ ഉടൻ തന്നെ സോല സിവിൽ ആശുപത്രിയിലെത്തിച്ച യുവതി നിലവിൽ ചികിത്സയിലാണ്. ഇവിടെ വെച്ചാണ് പോലീസ് യുവതിയുടെ മൊഴിയെടുത്തത്. യുവാവിനെതിരെ ബലാത്സംഗം, വിശ്വാസവഞ്ചന തുടങ്ങിയ കേസുകളാണ് ചുമത്തിയിട്ടുള്ളത്. കേസിൽ യുവാവിൻ്റെ മാതാപിതാക്കള്‍ക്കെതിരെയും അന്വേഷണം തുടരുകയാണ്.
സംസ്ഥാനത്ത് മൂന്ന് ദിവസം പ്രത്യേക വാക്സിനേഷൻ ദൗത്യം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : fir against gujarat woman as girlfriend complains she was molested by him promising to marry her
Malayalam News from malayalam.samayam.com, TIL Network
