ബന്ധത്തിന് തടസമാകുമെന്ന് സംശയം; കാമുകന്‍റെ സഹായത്തോടെ അമ്മ മൂന്നു വയസുകാരനെ പാലിൽ വിഷം കൊടുത്ത് കൊന്നു

അഹമ്മദാബാദ്: ബന്ധത്തിന് തടസമാകാതിരിക്കാൻ യുവതിയും കാമുകനും ചേർന്ന് മൂന്നു വയസുകാരനെ വിഷം കൊടുത്തു കൊന്നു. സിവിൽ ഹോസ്പിറ്റലിന് സമീപത്തെ ഗസ്റ്റ് ഹൗസിൽവെച്ചാണ് ഞെട്ടിക്കുന്ന സംഭവം നടന്നത്. കുട്ടി വിഷം അകത്ത് ചെന്നാണ് മരിച്ചതെന്ന മെഡിക്കൽ റിപ്പോർട്ടിന്‍റെ അടിസ്ഥാനത്തിൽ നടത്തിയ വിശദമായ അന്വേഷണത്തിലാണ് കൊലപാതക വിവരം പുറത്തറിയുന്നത്. കേസുമായി ബന്ധപ്പെട്ട് ഇരുവരെയും പോലീസ് കസ്റ്റഡിയിലെടുത്തിട്ടുണ്ട്.



നരോദ സ്വദേശിനിയായ ജ്യോതി പർമാർ എന്ന 26കാരിയാണ് സുഹൃത്തിനൊപ്പം ചേർന്ന് കുട്ടിയെ കൊലപ്പെടുത്തിയത്. പലൻപൂർ സ്വദേശിയും സ്ഥലത്തെ സിവിൽ ഹോസ്പിറ്റലിലെ ശൂചികരണ തൊഴിലാളിയുമായ ഭൂപേന്ദ്ര പർമാറുമായി ജ്യോതി സ്നേഹത്തിലായിരുന്നു. തങ്ങളുടെ ബന്ധത്തിന് കുട്ടി തടസമാകുമെന്ന് കരുതിയാണ് ഇരുവരും ചേർന്ന് ജ്യോതിയുടെ മകനായ യുവാനെ കൊലപ്പെടുത്തുന്നത്. ഓഗസ്റ്റ് 5ന് കുട്ടിയ്ക്ക് കടുത്ത പനി ബാധിച്ചിരുന്നു. ഈ സമയത്താണ് ഇവർ പദ്ധതി ആസൂത്രണം ചെയ്യുന്നത്.

ഫേസ്ബുക്കിൽ പരിചയപ്പെട്ടയാൾക്കൊപ്പം നാടുവിട്ട മലയാളി യുവതിയുടെ മൃതദേഹം കത്തിക്കരിഞ്ഞ നിലയിൽ

“സുഖമില്ലാതിരിക്കുന്ന സമയത്ത് യുവിയെ കൊലപ്പെടുത്തിയാൽ തന്നെയോ, കാമുകനെയോ ആരും സംശയിക്കില്ലെന്ന ആശയം ജ്യോതിയാണ് ഭൂപേന്ദ്രയോട് പറയുന്നത്” പോലീസ് ഉദ്യോഗസ്ഥൻ പറഞ്ഞതായി ടൈംസ് ഓഫ് ഇന്ത്യ റിപ്പോർട്ട് ചെയ്തു. തുടർന്ന് സിവിൽ ഹോസ്പിറ്റലിന് സമീപത്തെ ഗസ്റ്റ് ഹൗസിലേക്ക് കുട്ടിയെ കൊണ്ടുപോയിട്ടായിരുന്നു ഇവർ വിഷം നൽകുന്നത്.

ഓഗസ്റ്റ് 6ന് രാത്രിയോടെ ഭർത്താവിന്‍റെ അച്ഛനോട് മകന് പനി കൂടിയതിനാൽ സിവിൽ ആശുപത്രിയിലേക്ക് കൊണ്ടുപോകുമെന്ന് പറഞ്ഞാണ് ജ്യോതി മകനുമായി വീട്ടിൽ നിന്ന് ഇറങ്ങിയത്. ഗസ്റ്റ് ഹൗസിലേക്കാണ് ഇവർ പോയത്. തുടർന്ന് ഭൂപേന്ദ്ര പാലും ഗ്ലൂക്കോസ് ബിസ്ക്കറ്റുകളും കീടനാശിനിയും കലർത്തി കുട്ടിക്ക് നൽകുകയായിരുന്നു. കുട്ടി അബോധാവസ്ഥയിലായതോടെ വീട്ടിലേക്ക് തിരികെ പോയ ജ്യോതി അമ്മായി അച്ഛനോട് മകൻ ഉറങ്ങിയെന്ന് പറയുകയും ചെയ്തു.

പ്രതിശ്രുതവരൻ പീഡിപ്പിച്ചെന്ന പരാതിയുമായി യുവതി; ആരോപണം യുവാവിൻ്റെ മാതാപിതാക്കൾക്കെതിരെയും

കുറച്ച് കഴിഞ്ഞ് കുട്ടിയെ ഉണർത്താൻ നോക്കിയ മുത്തച്ഛൻ പനി കൂടുതലാണെന്ന് മനസിലാക്കിയതോടെ ശാരദാബെൻ ആശുപത്രിയിലേക്ക് കൊണ്ടുപോവുകയായിരുന്നു. തുടർന്ന് ഐസിയുവിൽ പ്രവേശിപ്പിച്ചെങ്കിലും ചികിത്സയിലിരിക്കെ ഓഗസ്റ്റ് 8ന് കുട്ടി മരിച്ചു. പിന്നീട് മകന്‍റെ മൃതദേഹം തങ്ങൾ പലൻപൂരിൽ സംസ്കരിക്കുകയായിരുന്നെന്നാണ് കുട്ടിയുടെ അച്ഛൻ അജയ് പർമാർ പറയുന്നത്. പിറ്റേദിവസം അജയിയുടെ ബന്ധുവാണ് കുട്ടി മരിച്ചത് വിഷബാധയെത്തുടർന്നാണെന്ന റിപ്പോർട്ടുമായി വരുന്നത്. പിന്നാലെ ജ്യോതിയെ ചോദ്യം ചെയ്തപ്പോൾ അവർ കുറ്റം സമ്മതിക്കുകയും ചെയ്തു.