വാരിയംകുന്നൻ ലോകത്തെ ആദ്യ താലിബാൻ നേതാവെന്ന് എ പി അബ്ദുള്ളക്കുട്ടി

കണ്ണൂർ: വാരിയം കുന്നത്ത് കുഞ്ഞഹമ്മദ് ഹാജി ലോകത്തിലെ ആദ്യ താലിബാൻ നേതാവായിരുന്നുവെന്ന് ബിജെപി ദേശീയ ഉപാധ്യക്ഷൻ എ പി അബ്ദുള്ളക്കുട്ടി. വാരിയം കുന്നനെ മഹത്വവത്കരിക്കുന്ന നിലപാടാണ് സിപിഎം സ്വീകരിക്കുന്നത്. ഈ നിലപാട് ചരിത്രപരമായ വിഡ്ഢിത്തമാണെന്നും അദ്ദേഹം പറഞ്ഞു.



ലൈംഗിക തൊഴിലാളിയുടേതെന്ന പേരിൽ വീട്ടമ്മയുടെ നമ്പർ പ്രചരിപ്പിച്ച സംഭവം: കർശന നടപടിയെന്ന് മുഖ്യമന്ത്രി

യുവമോർച്ച കണ്ണൂരിൽ സംഘടിപ്പിച്ച പരിപാടിയിലാണ് അബ്ദുള്ളക്കുട്ടി വിവാദ പ്രസ്താവന നടത്തിയത്. കേരളത്തിൽ ക്രൂരമായ വംശഹത്യയാണ് അന്ന് നടന്നത്. മാപ്പിള ലഹള എന്നത് ഹിന്ദു വേട്ടയാണ്. അതൊരിക്കലും സ്വാതന്ത്ര സമരമല്ലെന്നും അദ്ദേഹം കൂട്ടിച്ചേർത്തു.

മലബാർ കലാപത്തിൻ്റെ പശ്ചാത്തലത്തിൽ സംവിധായകൻ ആഷിഖ് അബു പൃഥ്വി രാജിനെ നായകനാക്കി വാരിയം കുന്നത്ത് കുഞ്ഞഹമ്മദ് ഹാജിയുടെ കഥ സിനിമയാക്കാൻ തീരുമാനിച്ചതോടെയാണ് വിവാദം ആരംഭിച്ചത്. കുഞ്ഞഹമ്മദ് ഹാജിയെ മഹത്വവത്കരിക്കാൻ സിനിമയിലൂടെ ശ്രമം നടക്കുന്നുവെന്ന് ആരോപിച്ച് ഒരു വിഭാഗം രംഗത്തുവന്നതോടെയാണ് വിവാദത്തിന് തുടക്കമായത്.

ഓണക്കാലത്ത് കൂടുതൽ സർവീസുകളുമായി കെഎസ്ആർടിസി; റിസർവേഷൻ സൗകര്യം ലഭ്യമാക്കും

ആഷിഖ് അബുവിനെതിരെയും പൃഥ്വി രാജിനെതിരെയും ആരോപണം ശക്തമായതിന് പിന്നാലെ ബിജെപി അനുഭാവിയും സംവിധായകനുമായ അലി അക്ബർ വാരിയം കുന്നത്ത് കുഞ്ഞഹമ്മദ് ഹാജിയുടെ ജീവിതം അടിസ്ഥാനമാക്കി സിനിമയെടുക്കാൻ ആരംഭിച്ചിരുന്നു. പൃഥ്വി രാജിനും കുടുംബത്തിനുമെതിര മോശം പദപ്രയോഗങ്ങള്‍ ഉപയോഗിച്ചുകൊണ്ടുള്ള പ്രചാരണങ്ങൾ സമൂഹമാധ്യമങ്ങളില്‍ വ്യാപകമായിരുന്നു. വാരിയം കുന്നത്ത് കുഞ്ഞമ്മദ് ഹാജി ഹിന്ദുവിരുദ്ധനാണെന്നും സിനിമ ചരിത്രത്തെ വളച്ചൊടിക്കാൻ ശ്രമിക്കുകയാണെന്നുമാണ് ഇക്കൂട്ടരുടെ ആരോപണം.