വാഹന പരിശോധനയ്ക്കിടെ പോലീസുകാരനെ ഇടിച്ച് തെറിപ്പിച്ച് കാര്‍: വീഡിയോ

പാട്യാല: വാഹന പരിശോധനയ്ക്കിടെ പോലീസുകാരനെ ഇടിച്ചിട്ട് കാർ ഡ്രൈവർ. പഞ്ചാബിലെ പാട്യാല ജില്ലയിലാണ് ഞെട്ടിക്കുന്ന സംഭവം നടന്നത്. വാഹന പരിശോധനയിൽ നിന്നും രക്ഷപ്പെടാനാണ് കാർ ഡ്രൈവർ പോലീസുകാരനെ ഇടിച്ചിട്ട് മുന്നോട്ട് പോയത്. ക്യാമറയിൽ പതിഞ്ഞ സംഭവത്തിന്‍റെ ദൃശ്യങ്ങൾ ഇതിനോടകം തന്നെ വൈറലായിട്ടുണ്ട്.



75ാം സ്വാതന്ത്ര്യ ദിനത്തോടനുബന്ധിച്ച് പോലീസ് പാട്യാലയിൽ വാഹന പരിശോധന ശക്തമാക്കിയിരുന്നു. ഇതിനിടെയാണ് ഞെട്ടിക്കുന്ന സംഭവം അരങ്ങേറിയത്. വേഗതയിലെത്തിയ കാർ നിർത്താൻ പോലീസുകാരൻ സിഗ്നൽ കാണിച്ചെങ്കിലും ഇതിന് തയ്യാറാകാതെ ഡ്രൈവർ വണ്ടി മുന്നോട്ട് എടുക്കുകയായിരുന്നു.

രാജിക്കൊരുങ്ങി അഫ്ഗാൻ ഭരണകൂടം; ഇടക്കാല സർക്കാരിന് സാധ്യത, കാബൂളിൻ്റെ നിയന്ത്രണം ഏറ്റെടുത്ത് താലിബാൻ

വാഹനം നിർത്താൻ ആവശ്യപ്പെട്ട പോലീസുകാരനെ ഇടിച്ച് തെറിപ്പിച്ച് കാർ മുന്നോട്ട് പോവുകയും ചെയ്തു. വേഗതയിലെത്തിയ കാർ പോലീസുകാരനെ ഇടിക്കുന്നതും അദ്ദേഹം നിലത്ത് വീഴുന്നതും ദൃശ്യങ്ങളിൽ വ്യക്തമാണ്. സംഭവത്തിൽ പോലീസ് അന്വേഷണം പ്രഖ്യാപിച്ചിട്ടുണ്ട്. കാർ നമ്പർ അടിസ്ഥാനമാക്കിയുള്ള അന്വേഷണം പുരോഗമിക്കുകയാണെന്നും ഡ്രൈവറെ കണ്ടെത്താനുള്ള ശ്രമം ഊർജ്ജിതപ്പെടുത്തിയെന്നും പോലീസ് പറഞ്ഞു.

ബലാത്സംഗത്തിന് ഇരയായ പെൺകുട്ടി പ്രതിയായ ഹെഡ്മാസറ്റര്‍ക്കും മകള്‍ക്കുമൊപ്പം സുഖമായി കഴിയുന്നുവെന്ന് പോലീസ്

പാട്യാല പോലീസിലെ എഎസ്ഐയ്ക്കാണ് വാഹന പരിശോധനയ്ക്കിടെ കാർ ഇടിച്ച് പരിക്കേറ്റത്. നേരത്തെയും സമാനമായ നിരവധി സംഭവങ്ങൾ റിപ്പോർട്ട് ചെയ്തിട്ടുണ്ട്. കഴിഞ്ഞവർഷം മെയ് മാസത്തിൽ ജലന്ദറിൽ ഒരു യുവാവ് പോലീസുകാരനെ കാർ ബോണറ്റിലേക്ക് ഇടിച്ചിട്ട് ഓടിച്ച് പോവുകയായിരുന്നു. കൊവിഡ് നിയന്ത്രണങ്ങളെത്തുടർന്ന് ഏർപ്പെടുത്തിയ വാഹന പരിശോധനയ്ക്കിടെയായിരുന്നു ഈ സംഭവം.