ബലാത്സംഗത്തിന് ഇരയായ പെൺകുട്ടി പ്രതിയായ ഹെഡ്മാസറ്റര്‍ക്കും മകള്‍ക്കുമൊപ്പം സുഖമായി കഴിയുന്നുവെന്ന് പോലീസ്

ഭുവനേശ്വര്‍: ബലാത്സംഗത്തിന് ഇരയായ പെൺകുട്ടി പ്രതിക്കൊപ്പം സുഖമായി ജീവിക്കുന്നുവെന്ന് പോലീസ്. ഒഡീഷ പോലീസാണ് ഇത്തരത്തിൽ ഒരു റിപ്പോര്‍ട്ട് കേന്ദ്ര മനുഷ്യാവകാശ കമ്മീഷന് നൽകിയത്.



കേസിൽ കുറ്റാരോപിതനായ സർക്കാർ ഗേൾസ് സ്കൂൾ ഹെഡ്മാസ്റ്ററും അവരുടെ മകളും രക്ഷപ്പെട്ട പെൺകുട്ടിയും ഒരേ മേൽക്കൂരയിലാണ് താമസിക്കുന്നതെന്ന് സംസ്ഥാന പോലീസ് വ്യക്തമാക്കി.

കാബൂളിൽ പ്രവേശിച്ച് താലിബാൻ; പ്രധാന നഗരങ്ങളെല്ലാം പിടിച്ചെടുത്തു, സൈന്യം പിന്മാറി

പ്രായപൂർത്തിയാകാത്ത ആദിവാസി വിദ്യാർത്ഥികളെ ബലാത്സംഗം ചെയ്തുവെന്നാരോപിച്ച് ഹെഡ്മാസ്റ്റര്‍ക്കെതിരെ ആരോപണം ഉയര്‍ന്നിരുന്നു. പിന്നീട് ഇയാളെ പോക്സോ നിയമപ്രകാരം അറസ്റ്റ് ചെയ്തിരുന്നു. ആക്ടിവിസ്റ്റ് രാധാകാന്ത ത്രിപാഠി നൽകിയ പരാതിയിൽ മനുഷ്യാവകാശ സംഘടന പ്രതികരണം തേടിയ ശേഷമാണ് മൊഴി കൈമാറിയത്.

2020ലാണ് കേസിലാസ്പദമായ സംഭവമുണ്ടായത്. ഒഡിഷയിലെ കോരാപുട്ടിലെ ഒരു സർക്കാർ സ്കൂളിൽ ഒരു ആദിവാസി വിദ്യാർത്ഥിനിയെ ബലാത്സംഗം ചെയ്തുവെന്ന ആരോപണവുമായി ബന്ധപ്പെട്ടതാണ് ഒഡിഷ പോലീസ് റിപ്പോര്‍ട്ട് സമര്‍പ്പിച്ചത്.

ഓൾ-ഗേൾസ് സ്കൂളിലെ ഹെഡ്മാസ്റ്റർ തന്നെ പെൺകുട്ടിയെ ബലാത്സംഗം ചെയ്യുകയും ഗർഭം ധരിക്കുകയും ചെയ്തുവെന്നാണ് ആദ്യം പുറത്തുവന്ന റിപ്പോർട്ട്. പ്രതിയെ അറസ്റ്റ് ചെയ്യുകയും 2020 നവംബർ 16 വരെ കസ്റ്റഡിയിൽ തുടരുകയും ചെയ്തതായി ടൈംസ് ഓഫ് ഇന്ത്യ റിപ്പോർട്ട് ചെയ്തു.

ആദിവാസി പെൺകുട്ടികൾ സ്കൂളിൽ ലൈംഗികാതിക്രമത്തിന് ഇരയാകുന്നുവെന്ന് ത്രിപാഠി പരാതിയിൽ ആരോപിക്കുകയായിരുന്നു. പീഡനങ്ങളില്‍ അതിജീവിച്ചവർക്കുള്ള പുനരധിവാസ നടപടികളോടൊപ്പം ഇത്തരം കേസുകളിൽ എടുക്കുന്ന പോലീസ് നടപടികളെ കുറിച്ചുള്ള വിവരങ്ങൾ ആവശ്യപ്പെടുകയും ചെയ്തു.

അതേസമയം, പെൺകുട്ടി ഒരു പെൺകുഞ്ഞിന് ജന്മം നൽകിയതായാണ് ദേശീയമാധ്യമങ്ങള്‍ റിപ്പോര്‍ട്ട് ചെയ്തത്. ജില്ലാ ലീഗൽ സർവീസസ് അതോറിറ്റി (ഡിഎൽഎസ്എ) പെൺകുട്ടിക്ക് 1.5 ലക്ഷം രൂപ നഷ്ടപരിഹാരം നൽകിയതായും ഇന്ത്യൻ റെഡ് ക്രോസ് സൊസൈറ്റി 10,000 രൂപ നൽകിയെന്നും പോലീസ് പറഞ്ഞു. സംസ്ഥാന മനുഷ്യാവകാശ കമ്മീഷന്റെ ഉത്തരവ് പ്രകാരം ഇരയ്ക്ക് 3.75 ലക്ഷം രൂപ നൽകിയതായും പോലീസ് കൂട്ടിച്ചേർത്തു.

‘തലതിരിഞ്ഞ് പതാക ഉയര്‍ത്തി കെ. സുരേന്ദ്രൻ’, ‘സിപിഎം ഫ്ലാഗ് കോഡ് ലംഘിച്ചു’; ദേശീയ പതാക ഉയര്‍ത്തിയതിൽ വിമര്‍ശനങ്ങള്‍

പെൺകുട്ടി 2020 നവംബര്‍ വരെ ശിശു സംരക്ഷണ കേന്ദ്രത്തിന്റെ സംരക്ഷണത്തിലായിരുന്നു. ജാമ്യം ലഭിച്ച ശേഷം പ്രതി വിദ്യാർത്ഥിയുടെ ഗ്രാമത്തിൽ പോയി അവളെ കൂട്ടിക്കൊണ്ടുവരികയും ചെയ്തു.

പിന്നീട്, പ്രതിക്കൊപ്പം ജീവിക്കാൻ പെൺകുട്ടി സമ്മതിച്ചതായും അദ്ദേഹം കൂട്ടിച്ചേർത്തു. കോരപുട്ടിലെ ബോറിഗുമ്മയിലെ ഒരു വാടകവീട്ടിൽ ഇരുവരും ഒരുമിച്ച് താമസിക്കാൻ തുടങ്ങിയെന്ന് കോരാപുട്ട് എസ്‌പി പറഞ്ഞു.