ഭരണപക്ഷത്തെ ചില പാര്‍ട്ടികള്‍ പോലും അനുകൂലിച്ച വിഷയങ്ങളിൽ പോലും ചര്‍ച്ച നടത്താൻ തയ്യാറാകാതെ പിടിവാശിയിൽ ഉറച്ചു നിന്ന കേന്ദ്രസര്‍ക്കാരാണ് സഭ ബഹളത്തിൽ മുങ്ങാൻ ഉത്തരവാദി എന്നു എംപിമാര് ആരോപിച്ചു.
വി മുരളീധരനെതിരെ രൂക്ഷവിമർശനവുമായി എംപിമാർ Photo: The Times of India/File
ഹൈലൈറ്റ്:
- വി മുരളീധരൻ്റെ പ്രസ്താവന അൽപ്പത്വമെന്ന് എംപിമാര്
- ഇടതുപക്ഷത്തെ കേന്ദ്രം ഭയപ്പെടുന്നു
- പ്രതിപക്ഷം പ്രതിഷേധിച്ചത് സര്‍ക്കാരിൻ്റെ ജനവിരുദ്ധ നയങ്ങള്‍ക്കെതിരെ
മോദി സര്‍ക്കാരിൻ്റെ ജനവിരുദ്ധ നയങ്ങള്‍ക്കെതിരെയാണ് പ്രതിപക്ഷം പ്രതിഷധിച്ചതെന്ന് എംപിമാര് പ്രസ്താവനയിൽ വിശധീകരിച്ചു. എന്നാൽ പ്രതിപക്ഷവുമായി കൂടിയാലോചിച്ച് സഭാതലം സൗഹാര്‍ദപൂര്‍ണമാക്കാൻ മന്ത്രിമാര്‍ ശ്രമിച്ചില്ലെന്നും ഭരണപക്ഷത്തിന് ഭൂരിപക്ഷമുള്ളതിനാൽ പ്രതിപക്ഷത്തെ ഗൗനിക്കില്ലെന്ന നിലപാടാണ് ഭരണപക്ഷം സ്വീകരിച്ചതെന്നും പ്രസ്താവനയിൽ അവര്‍ ആരോപിച്ചു.
പാര്‍ലമെൻ്റിൻ്റെ പ്രവര്‍ത്തനം സുഗമമാക്കുക എന്നതാണ് പാര്‍ലമെൻ്ററി കാര്യ മന്ത്രിമാരുടെ ചുമതലയെന്നും എന്നാൽ ഈ ചുമതല നിര്‍വഹിക്കാൻ തനിക്ക് കഴിയില്ലെന്ന് വി മുരളീധരൻ തെളിയിച്ചെന്നും പ്രസ്താവനയിൽ പറയുന്നു. ഇത്രയും കഴിവുകെട്ട ഒരു മന്ത്രി കേരളീയനാണെന്നത് മലയാളികള്‍ക്ക് അപമാനമാണ്. പ്രതിപക്ഷം ഉന്നയിച്ച ചില കാര്യങ്ങളെ ഭരണപക്ഷത്തുള്ള ബിജെഡിയും വൈഎസ്ആര്‍ കോൺഗ്രസും പോലും അനുകൂലിച്ചെന്നും എന്നാൽ പിടിവാശി ഉപേക്ഷിച്ച് ചര്‍ച്ച നടത്താൻ കേന്ദ്രസര്‍ക്കാര്‍ തയ്യാറായില്ലെന്നുമാണ് ആരോപണം.
Also Read: രാജ്യം വിട്ടത് രക്തച്ചൊരിച്ചിൽ ഒഴിവാക്കാനെന്ന് അഷ്റഫ് ഗനി; കൊട്ടാരത്തിൽ പതാക നാട്ടി താലിബാൻ
കര്‍ഷക സമരത്തിന് ഇടയാക്കിയ വിവാദമായ മൂന്ന് കാര്‍ഷിക നിയമങ്ങള്‍ ചര്‍ച്ച ചെയ്യണമെന്ന് പ്രതിപക്ഷം ആവശ്യപ്പെട്ടെങ്കിലും അനുവദിച്ചില്ല. പെഗാസസ് ഫോൺ ചോര്‍ത്തലും ചര്‍ച്ച ചെയ്യാൻ കേന്ദ്രം തയ്യാറായില്ല. തൊഴിലാളികളുടെ പണിമുടക്ക് നിരോധനം, കോടികളുടെ കിട്ടാക്കടമുള്ള കോര്‍പ്പറേറ്റുകളെ സഹായിക്കൽ, ജനറൽ ഇൻഷ്വറൻസ് കോര്‍പ്പറേഷൻ സ്വകാര്യവത്കരണം തുടങ്ങിയവയാണ് പാര്‍ലമെൻ്റിൽ ചര്‍ച്ചയായത്. എന്നാൽ ഇതൊനനും ചര്‍ച്ച ചെയ്യാൻ കേന്ദ്രം തയ്യാറായില്ല. അംഗങ്ങളുടെ ചോദ്യങ്ങള്‍ക്ക് മറുപടി നല്‍കാൻ പ്രധാനമന്ത്രിയോ ആഭ്യന്തര മന്ത്രിയോ രാജ്യസഭയിൽ എത്തിയതു പോലുമില്ലെന്നും എളമരം കരീമും ബിനോയ് വിശ്വവും കുറ്റപ്പെടുത്തി.
Also Read: സംസ്ഥാനത്ത് ഒരാഴ്ചകൊണ്ട് 24 ലക്ഷം പേർക്ക് വാക്സിൻ നൽകിയെന്ന് ആരോഗ്യ വകുപ്പ്
എൻഡിഎ സഖ്യകക്ഷികള്‍ പോലും പ്രതിപക്ഷത്തിനൊപ്പം നിന്ന വിഷയങ്ങളിൽ പോലും ചര്‍ച്ച നടത്താൻ തയ്യാറാകാതിരുന്ന കേന്ദ്രസര്‍ക്കാരാണ് പാര്‍ലമെൻ്റ് വര്‍ഷകാല സമ്മേളനം ബഹളത്തിൽ മുഹ്ങാൻ കാരണമെന്ന് എംപിമാര് പറഞ്ഞു. സര്‍ക്കാര്‍ എല്ലാ ജനാധിപത്യ മര്യാദകളും പാര്‍ലമെൻ്റ് നടപടി ചട്ടങ്ങളും കാറ്റിൽ പറത്തി. യുപിഎ സര്‍ക്കാരിൻ്റെ കാലത്ത് പാര്‍ലമെൻ്റിൽ പാസാകുന്ന 71 ശതമാനം നിയമങ്ങളും ചര്‍ച്ച ചെയ്യപ്പെട്ടിരുന്നുവെന്നും എന്നാൽ എൻഡിഎ കാലത്ത് ഇത് 10 ശതമാനമായി കുറഞ്ഞെന്നും ചൂണ്ടിക്കാട്ടിയ എംപിമാര് ഇതിൽ സര്‍ക്കാരിന് അഭിമാനിക്കാമോ എന്നും ചോദിച്ചു.
പതിനാല് പ്രതിപക്, പാര്‍ട്ടികളിലെ എംപിമാര് ഒരുമിച്ച് നിന്ന് പ്രതിഷേധിച്ചിട്ടിട്ടും മൂന്ന് ഇടതുപക്ഷ എംപിമാരെ മാത്രമാണ് വി മുരളീധരൻ കണ്ടതെന്നും ഇത് ഇടതുപക്ഷത്തെ കേന്ദ്രസര്‍ക്കാര്‍ ഭയപ്പെടുന്നതു കൊണ്ടാണെന്നും എംപിമാര് പ്രസ്താവനയിൽ വ്യക്തമാക്കി. കേരളത്തെ അപമാനിക്കാൻ കിട്ടുന്ന ഒരവസരവും പാഴാക്കാത്ത വി മുരളീധരൻ സംസ്ഥാനത്തിനു വേണ്ടി ഒന്നും ചെയ്യുന്നില്ലെന്നും എംപിമാര് ആരോപിച്ചു.
സ്വാതന്ത്ര്യദിനാഘോഷം ബഹിഷ്‌കരിച്ച് മൂവാറ്റുപുഴ പോലീസ്; പരാതിയുമായി നഗരസഭ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : binoy viswam and elamaram kareem against union minister v muraleedharan in parliament ruckus
Malayalam News from malayalam.samayam.com, TIL Network
