മിയ സ്റ്റുള്‍മാന്‍ സ്റ്ററോസ്റ്റ- യുഎഇയില്‍ പിറന്ന് ആദ്യ ഇസ്രായേലി കുരുന്ന്

Sumayya P | Lipi | Updated: Aug 16, 2021, 10:28 AM

ദുബായിലെ മെഡിക്ലിനിക്ക് സിറ്റി ആശുപത്രിയില്‍ ആഗസ്ത് 14ന് ഉച്ചയ്ക്ക് രണ്ടു മണിയോടെയായിരുന്നു മിയ പിറന്നത്.

ദുബായ്: ജന്‍മം കൊണ്ട് തന്നെ ചരിത്രത്തില്‍ ഇടം നേടിയിരിക്കുകയാണ് മിയ സ്റ്റുള്‍മാന്‍ സ്റ്ററോസ്റ്റ എന്ന ഇസ്രായേലി കുരുന്ന്. കാര്യം മറ്റൊന്നുമല്ല; യുഎഇയില്‍ ജനിക്കുന്ന ആദ്യ ഇസ്രായേലി കുട്ടിയാണ് മിയ. ദുബായിലെ മെഡിക്ലിനിക്ക് സിറ്റി ആശുപത്രിയില്‍ ആഗസ്ത് 14ന് ഉച്ചയ്ക്ക് രണ്ടു മണിയോടെയായിരുന്നു മിയ പിറന്നത്. 900 ഗ്രാം മാത്രം തൂക്കമുള്ള കുട്ടി ഇന്ന് യുഎഇയുടെ മനം കവര്‍ന്നതായാണ് റിപ്പോര്‍ട്ടുകള്‍.യുഎഇയില്‍ പിറന്ന ആദ്യ ഇസ്രായേലി കുഞ്ഞിനുള്ള പാസ്‌പോര്‍ട്ട് ദുബായിലെ ഇസ്രായേല്‍ കോണ്‍സുലേണ് നല്‍കുക. ഇതില്‍ ഏറ്റവും രസകരമായ കാര്യം ദുബായിലെ ഇസ്രായേല്‍ കോണ്‍സുലേറ്റ് തലവനാണ് മിയയുടെ അച്ചന്‍ ഇലാന്‍ സ്റ്റുള്‍മാന്‍ സ്റ്ററോസ്റ്റ ലെംബേര്‍ട്ട് എന്നതാണ്. ചരിത്രത്തിന്റെ ഭാഗമാവാനുള്ള ഒരു നിയോഗം പോലെയാണ് താന്‍ കോണ്‍സുലേറ്റ് തലവനായി എത്തിയതെന്ന് അദ്ദേഹം പറഞ്ഞു.

Also Read:

സഹായം 24X7; ഖത്തറില്‍ പ്രവാസി ഭാരതീയ സഹായതാ കേന്ദ്രം തുടങ്ങി

ഏതാനും മാസമായി ഭാര്യ ജാക്വിലിന്‍ സ്റ്ററോസ്റ്റ ലെംബേര്‍ട്ടും ദുബായില്‍ തന്നോടൊപ്പമായിരുന്നു താമസമെന്നും അദ്ദേഹം പറഞ്ഞു. ഇവരാവട്ടെ കോണ്‍സുലേറ്റിലെ ഇക്കണോമിക് അഡൈ്വസറാണ്. അമ്മയും ചരിത്രത്തിന്റെ ഭാഗമായത് അറിയാതെ മകളും സുഖമായിരിക്കുന്നതായും അദ്ദേഹം പറഞ്ഞു. ദമ്പതികള്‍ക്ക് മിയയെ കൂടാതെ നാലു മക്കള്‍ കൂടിയുണ്ട്.

റെയിൽവേ സ്റ്റേഷനിൽ വരൂ … ഖാദിയെ അടുത്തറിയാം

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : first israeli baby to be born in dubai

Malayalam News from malayalam.samayam.com, TIL Network