സൗന്ദര്യ സംരക്ഷണ വഴികളില്‍ മികച്ചതാണ് വെള്ളരിക്ക. നമ്മുടെ അടുക്കളയിലെ കറികളിലെ അംഗമായ ഇത് സൗന്ദര്യ സംരക്ഷണത്തിന് ഏറെ ഗുണം നല്‍കുന്ന ഒന്നാണ്.
നല്ലൊരു ക്ലെന്‍സറാണ്
വെള്ളരിക്ക കറിയ്ക്കരിയുമ്പോള്‍ നടുവിലെ കുരുവുള്ള ഭാഗത്തോടു കൂടിയ പള്‍പ്പ് നാം കളയാറാമ് പതിവ്. ഇതു പിഴി്ഞ്ഞ് ഈ ചാറെടുത്താല്‍ മതിയാകും. ഈ ചാറ് ഫ്രിഡ്ജില്‍ വച്ചു തണുപ്പിയ്ക്കുക. നല്ലൊരു ക്ലെന്‍സറാണ് വെള്ളരിക്കാ നീര്. ചര്‍മത്തിലെ അഴുക്കാണ് മുഖക്കുരു, ബ്ലാക് ഹെഡ്‌സ് പോലുളളവയ്ക്ക് കാരണം. ഇതിനു പരിഹാരമാണ് വെള്ളരിക്ക. ചര്‍മ്മത്തിലെ അഴുക്കുനീക്കി തിളക്കം നല്‍കാന്‍ വെള്ളരിക്കാ നീര് പുരട്ടാവുന്നതാണ്. 30 മിനുട്ട് കഴിഞ്ഞ് തണുത്ത വെള്ളത്തിൽ കഴുകി കളയുക.
കണ്ണിനടിയിലെ കറുപ്പൊഴിവാക്കാന്‍
കരിമാംഗല്യം അഥവാ കണ്ണിനടിയിലെ കറുപ്പൊഴിവാക്കാന്‍ ഏറ്റവും മികച്ച വഴിയാണിത്. ഇതു പുരട്ടി പതുക്കെ മസാജ് ചെയ്യണം. രക്തയോട്ടം ര്‍ദ്ധിപ്പിയ്ക്കാനും കണ്ണിനു കുളിര്‍മ നല്‍കാനുമെല്ലാം ഇതേറെ മികച്ചതാണ്. കണ്ണിനു മുകളില്‍ വെള്ളരിക്കാ വട്ടത്തില്‍ മുറിച്ചത് ഫ്രിഡ്ജില്‍ വച്ചു തണുപ്പിച്ച ശേഷം വയ്ക്കുന്നതും ഏറെ നല്ലതാണ്.ചര്‍മത്തിന് നല്ല തിളക്കം നല്‍കാനുളള വഴി കൂടിയാണ് വെള്ളരിക്കാ നീരു മുഖത്തു പുരട്ടുന്നത്. ഈ നീര് ചര്‍മ കോശങ്ങള്‍ ആഗിരണം ചെയ്ത് ഇതിലൂടെ കോശങ്ങളെ പുനരുജ്ജീവിപ്പിയ്ക്കുന്നു. ഇത് ചര്‍മങ്ങള്‍ക്കു പുതു ജീവന്‍ നല്‍കുന്നു. മുഖത്തിന് തിളക്കവും മൃദുത്വവും നല്‍കാനുള്ള പ്രധാനപ്പെട്ടൊരു വഴിയാണിത്.
മുഖത്തെ കരുവാളിപ്പ്
മുഖത്തെ കരുവാളിപ്പ് പലരേയും അലട്ടുന്ന ഒന്നാണ്.കരുവാളിപ്പ് മാറ്റാൻ പാലും വെള്ളരിക്കാനീരും ചേര്‍ത്തു പുരട്ടുക. കരുവാളിപ്പ് മാറ്റി മുഖം തിളക്കമുള്ളതാക്കാൻ ഈ പായ്ക്ക്‌ സഹായിക്കും. എണ്ണമയമുള്ള ചര്‍മ്മത്തിന് പയറുപൊടിയുംവെള്ളരിക്ക നീരും ചന്ദനം പൊടിച്ചതും രണ്ടു ടീസ്പൂൺ നാരങ്ങാനീരും ചേ‍ർത്ത് പുരട്ടുക. വെയിലില്‍ കരുവാളിച്ചാല്‍ മാറാനുള്ള നല്ലൊരു വഴി കൂടിയാണിത്.
വരണ്ട മുഖത്തിനുള്ള നല്ലൊരു പരിഹാരം
വരണ്ട മുഖത്തിനുള്ള നല്ലൊരു പരിഹാരം കൂടിയാണിത്.ഇതിന് പരിഹാരമായി വെള്ളരിക്കാ നീരും അല്‍പം തൈരും ചേര്‍ത്ത് പുരട്ടുക. നല്ല പോലെ ഉണങ്ങിയതിന് ശേഷം തണുത്ത വെള്ളത്തിൽ കഴുകികളയുക. മുഖത്തിന് സ്വാഭാവിക ഈര്‍പ്പം നല്‍കുന്ന ഒന്നാണ് തൈരും വെള്ളരിക്കയും. ഒരു ടീസ്പൂണ്‍ ക്യാരറ്റ് ജ്യൂസും വെള്ളരിക്ക ജ്യൂസും യോജിപ്പിച്ച് മുഖത്ത് പുരട്ടുന്നത് വരണ്ട ച‍ർമ്മം അകറ്റാൻ നല്ലതാണ്. ആഴ്ചയിൽ രണ്ടോ മൂന്നോ തവണ ഇത് ഉപയോഗിക്കാവുന്നതാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : indian cucumber beauty tips
Malayalam News from malayalam.samayam.com, TIL Network
