അപകീർത്തികരമായ പരാമർശം; എംബി രാജേഷിന്‍റെ പരാതിയിൽ ജയശങ്കറിനെതിരെ കേസ്

പാലക്കാട്: ചാനൽ ചർച്ചയിൽ അപകീർത്തികരമായ പരാമർശം നടത്തിയെന്ന പരാതിയിൽ അഡ്വ. ജയശങ്കറിനെതിരെ കേസെടുത്തു. കേരള നിയമസഭ സ്പീക്കർ എംബി രാജേഷിന്‍റെ പരാതിയിൽ ഒറ്റപ്പാലം ജ്യുഡീഷ്യൽ ഫസ്റ്റ് ക്ലാസ് മജിസ്ടേറ്റ് കോടതിയാണ് കേസെടുത്തത്.

നിയമസഭ തെരഞ്ഞെടുപ്പ് വേളയിൽ ചാനൽ ചർച്ചയിൽ വാളയാർ കുട്ടികളുടെ മരണവുമായി ബന്ധപ്പെട്ട് നടത്തിയ പരാമർശത്തിനെതിരെയായിരുന്നു എംബി രാജേഷ് പരാതി നൽകിയത്. നവംബർ 20ന് നേരിട്ട് ഹാജരാകാൻ അഡ്വ. ജയശങ്കറിനോട് കോടതി ആവശ്യപ്പെട്ടെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു.

Also Read : കേരള കോൺഗ്രസിനെ കയ്യിൽനിന്നു കളഞ്ഞത് ഹിമാലയൻ അബദ്ധം: യുഡിഎഫ് ഘടകകക്ഷി നേതാവ്



വാളയാർ കേസുമായി ബന്ധപ്പെട്ട് എംബി രാജേഷിനും അദ്ദേഹത്തിന്‍റെ ഭാര്യയുടെ സഹോദരൻ നിതിൽ കണിച്ചേരിക്കെതിരെയുമായിരുന്നു പരാമർശമെന്നാണ് റിപ്പോർട്ട്. അപകീർത്തികരമായ പരാമർശത്തിനെതിരെ മാനനഷ്ടക്കേസാണ് എംബി രാജേഷ് ഫയൽ ചെയ്തത്.