‘താലിബാൻ ഇന്ത്യയെ ആക്രമിക്കും, ചൈന – പാകിസ്ഥാൻ – താലിബാൻ സഖ്യം ഉണ്ടാകും’: ട്വീറ്റുമായി സുബ്രഹ്മണ്യന്‍ സ്വാമി

ന്യൂഡൽഹി: അഫ്ഗാനിസ്ഥാൻ്റെ നിയന്ത്രണം താലിബാൻ്റെ കൈകളിൽ എത്തിയതോടെ മുന്നറിയിപ്പുമായി ബിജെപി നേതാവ് സുബ്രഹ്മണ്യന്‍ സ്വാമി. ഒരു വർഷത്തിന് ശേഷം താലിബാൻ ഇന്ത്യയെ ആക്രമിക്കും. ചൈന – പാകിസ്ഥാൻ – താലിബാൻ എന്ന സഖ്യമാകും ഇന്ത്യക്കെതിരായ നീക്കത്തിന് ശ്രമിക്കുകയെന്നും അദ്ദേഹം പറഞ്ഞു.



പെഗാസസ് വാങ്ങിയോ എന്ന് പറയാതെ കേന്ദ്രം; നിലപാട് കടുപ്പിച്ച് സുപ്രിം കോടതി, വിദഗ്ധ സമിതി രൂപീകരിക്കും

ഒരു വർഷത്തിനുള്ളിൽ അഫ്ഗാനിസ്ഥാൻ സുരക്ഷിത താവളമാക്കാൻ ഈ സഖ്യത്തിന് കഴിയും. തുടർന്ന് പാകിസ്ഥാനൊപ്പം താലിബാനും ചൈനയും ഇന്ത്യയെ ആക്രമിക്കുമെന്നും സുബ്രഹ്മണ്യന്‍ സ്വാമി ട്വീറ്റ് ചെയ്തു. അതിനിടെ താലിബാൻ ഭരണകൂടത്തെ അംഗീകരിച്ച ചൈന അവരുമായി സൗഹൃദത്തിന് തയ്യാറെന്ന് ചൈന വ്യക്തമാക്കിയതായി വിദേശ മാധ്യമങ്ങൾ റിപ്പോർട്ട് ചെയ്തു. ഭീകരവാദ പട്ടികയില്‍ നിന്ന് താലിബാനെ നീക്കം ചെയ്യാന്‍ റഷ്യ തീരുമാനിച്ചതായും വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.

അഫ്ഗാനിസ്ഥാൻ്റെ നിയന്ത്രണം താലിബാൻ്റെ കൈകളിലായതോടെ ഇന്ത്യൻ നയതന്ത്ര ഉദ്യോഗസ്ഥരെ ഒഴിപ്പിക്കാൻ കേന്ദ്രസർക്കാരിന് മേൽ സമ്മർദ്ദമുണ്ട്. നിലവിലെ സ്ഥിതിഗതികൾ വിലയിരുത്തി അതിവേഗത്തിൽ തീരുമാനമെടുക്കാനാണ് ഇന്ത്യയുടെ ആലോചന. അഫ്ഗാനിസ്ഥാനിലെ സാഹചര്യങ്ങൾ വിലയിരുത്തുകയാണെന്ന് കേന്ദ്ര സർക്കാർ വ്യക്തമാക്കി. ദേശീയ സുരക്ഷ ഉപദേഷ്ടാവ് അജിത് ഡോവലിൻ്റെ നേതൃത്വത്തിലാണ് ചർച്ചകൾ. അടിയന്തര സാഹചര്യമുണ്ടായാൽ വിമാനങ്ങൾ അയച്ച് ഉദ്യോഗസ്ഥരെ ഒഴിപ്പിക്കാനാനുള്ള പദ്ധതിയാണ് ഇന്ത്യക്കുള്ളതെന്ന് വിവിധ മാധ്യമങ്ങൾ റിപ്പോർട്ട് ചെയ്തു. എംബിസി അടച്ച് പൂട്ടുന്നത് അഫ്ഗാനിസ്ഥാൻ സർക്കാരിനെ കൈവിടുന്നതിന് തുല്യമാകുമെന്ന നിഗമനവും ഇന്ത്യക്കുണ്ട്.

കോൺഗ്രസിൻ്റെ പോക്ക് കണ്ണടച്ച്, അഴിച്ചുപണി ആവശ്യം; നേതൃത്വത്തിനെതിരെ കപിൽ സിബൽ

താലിബാനെ ഭയന്ന് രാജ്യം വിട്ട പ്രസിഡന്റ് അഷ്റഫ് ഗനിക്ക് തജിക്കിസ്ഥാൻ പ്രവേശനാനുമതി നിഷേധിച്ചതായി റിപ്പോർട്ടുകളുണ്ട്. അദ്ദേഹം അമേരിക്കയിലേക്ക് കടക്കുമെന്നും സൂചനകളുണ്ട്. ആഫ്ഗാൻ പിടിച്ചതിന് പിന്നാലെ താലിബാൻ രാജ്യത്തിൻ്റെ പരിഷ്കരിച്ച് താലിബാൻ ഭീകരര്‍. ഇസ്ലാമിക് എമിറേറ്റ് ഓഫ് അഫ്ഗാനിസ്ഥാന്‍ എന്നാക്കി മാറ്റി. പേര് മാറ്റിയത് സംബന്ധിച്ച് താലിബാൻ വക്താവ് സ്ഥിരീകരിച്ചു. രാജ്യം വിടാനുള്ള ശ്രമത്തിനിടെ കാബൂൾ വിമാനത്താവളത്തിലെ തിരക്കിലകപ്പെട്ട് അഞ്ച് പേർ മരിച്ചതായി വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു.