കോൺഗ്രസ് വിട്ട സുഷ്മിത തൃണമൂല്‍ പാളയത്തിൽ; നേതൃത്വത്തിനെതിരെ വിമര്‍ശനവുമായി കപിൽ സിബൽ

രാജി സംബന്ധിച്ച് സോണിയാ ഗാന്ധിക്ക് കത്തയച്ചതായി ദേശീയ മാധ്യമങ്ങള്‍ റിപ്പോർട്ട് ചെയ്യുന്നു. ഇനി പൊതു സേവനത്തിന്റെ ഒരു പുതിയ അധ്യായം ആരംഭിക്കുന്നുവെന്ന് കത്തിൽ കുറിക്കുന്നു.

അതേസമയം, കോൺഗ്രസ് നേതൃത്വത്തിനെതിരെ വിമര്‍ശനവുമായി മുതിർന്ന നേതാവ് കപിൽ സിബൽ രംഗത്തുവന്നു. കോൺഗ്രസിൽ അഴിച്ചുപണി ആവശ്യമാണ്. കണ്ണടച്ചാണ് പാർട്ടിയുടെ പോക്ക്. പല കാര്യങ്ങളും കണ്ടില്ലെന്ന് നടിച്ചാണ് പാർട്ടി മുന്നോട്ട് പോകുന്നതെന്നും അദ്ദേഹം വിമർശിച്ചു.

യുവനേതാക്കളുടെ കൊഴിഞ്ഞുപോക്കില്‍ പലപ്പോഴും പഴി കേള്‍ക്കുന്നത് മുതിര്‍ന്ന നേതാക്കളാണെന്നും ട്വിറ്ററിലൂടെ നടത്തിയ വിമർശനത്തിൽ കപിൽ സിബൽ പറഞ്ഞു. ഒരു ഇടവെളയ്ക്ക് ശേഷമാണ് കോൺഗ്രസ് ദേശീയ നേതൃത്വത്തിനെതിരെ കപിൽ സിബൽ രംഗത്തുവന്നത്. നേരത്തെ, പാർട്ടിയിൽ അഴിച്ചുപണി ആവശ്യമാണെന്ന് വ്യക്തമാക്കി കപിൽ സിബൽ അടക്കം 23 മുതിർന്ന നേതാക്കൾ സോണിയ ഗാന്ധിക്ക് കത്ത് നൽകിയത് വിവാദമായിരുന്നു.

ഏഴ് തവണ പാർലമെന്റേറിയനായ സന്തോഷ് മോഹൻ ദേവിന്റെ മകളായ സുസ്മിത ദേവ്. അസമിലെ ബംഗാളി സംസാരിക്കുന്ന ബരാക് താഴ്വരയിൽ കോൺഗ്രസിന്റെ മുഖമായാണ് കണക്കാക്കിയിരുന്നത്.

Also Read : പൊരുതി ജയിച്ച സബ്രീന ‘ഓട്ടം പൂർത്തിയാക്കി’; ജെസീക്ക ലാലിൻ്റെ സഹോദരി അന്തരിച്ചു



ശനിയാഴ്ച ഇവര്‍ അസം കോൺഗ്രസ് നേതാക്കളുമായി കൂടിക്കാഴ്ച നടത്തിയിരുന്നു. ഡൽഹിയിൽ ബലാത്സംഗത്തിനും കൊലപാതകത്തിനും ഇരയായ ഒൻപത് വയസ്സുകാരിയുടെ മാതാപിതാക്കളോടൊപ്പം രാഹുൽ ഗാന്ധിയുടെ ചിത്രം പങ്കുവെച്ചതിന് കഴിഞ്ഞയാഴ്ച അവളുടെ ട്വിറ്റർ അക്കൗണ്ട് താൽക്കാലികമായി തടഞ്ഞിരുന്നു.