മൂന്ന് മാസം പ്രായമുള്ള കുട്ടിയെ ബലാത്സംഗം ചെയ്തു; ക്രൂരസംഭവം യുപിയിൽ

ഇതാഹ് (ഉത്തർപ്രദേശ്) : മൂന്ന് മാസം പ്രായമുള്ള കുട്ടിയെ പതിനേഴുകാരൻ ബലാത്സംഗം ചെയ്തു. ഉത്തര്‍പ്രദേശിലെ ഇതാഹ് ജില്ലയിലാണ് ക്രൂര സംഭവം നടന്നത്. കുട്ടിയുടെ കരച്ചിൽ കേട്ട് അമ്മ ഓടിയെത്തിയപ്പോൾ സ്വകാര്യഭാഗങ്ങളിൽ നിന്ന് ചോരയൊലിക്കുന്ന രീതിയിലാണ് കുട്ടിയെ കണ്ടത്.



ഉടൻ തന്നെ കുട്ടിയെ ജില്ലാ ആശുപത്രിയിലേക്ക് കൊണ്ടുപോയെങ്കിലും ഡോക്ടർമാരുടെ നിർദേശത്തെ തുടർന്ന് വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്ക് മാറ്റുകയായിരുന്നു. കുട്ടിയുടെ ആരോഗ്യ നില ഗുരുതരമായി തുടരുകയാണെന്നാണ് റിപ്പോർട്ടുകൾ. കുടുംബത്തിന്‍റെ പരാതിയില്‍ ബഗ്‌വാല പോലീസ് കേസ് രജിസ്റ്റര്‍ ചെയ്തിട്ടുണ്ട്.

Also Read : കേരള കോൺഗ്രസിനെ കയ്യിൽനിന്നു കളഞ്ഞത് ഹിമാലയൻ അബദ്ധം: യുഡിഎഫ് ഘടകകക്ഷി നേതാവ്



കുട്ടിയെ പീഡനത്തിനിരയാക്കിയ പതിനേഴുകാരൻ ഒളിവിലാണ്. ഇയാൾക്കായി തിരച്ചിൽ ഊര്‍ജ്ജിതമാക്കിയതായും നാല് സംഘങ്ങളെ നിയോഗിച്ചിട്ടുണ്ടെന്നും പോലീസ് പറഞ്ഞു.

Also Read : ‘താലിബാൻ ഇന്ത്യയെ ആക്രമിക്കും, ചൈന – പാകിസ്ഥാൻ – താലിബാൻ സഖ്യം ഉണ്ടാകും’: ട്വീറ്റുമായി സുബ്രഹ്മണ്യന്‍ സ്വാമി



‘കുട്ടിയുടെ ബന്ധുക്കളുടെ പരാതി ലഭിച്ചതിന് പിന്നാലെ തന്നെ പ്രതിയ്ക്കെതിരെ എഫ്ഐആർ രജിസ്റ്റർ ചെയ്തിട്ടുണ്ട്. പ്രതി ഇപ്പോഴും ഒളിവിലാണ്, ഇയാളെ പിടികൂടാന്‍ നാല് ടീമുകള്‍ രൂപീകരിച്ചിട്ടുണ്ട്,’ ഇതാഹ് അസിസ്റ്റന്റ് പോലീസ് സൂപ്രണ്ട് ഉദയ് ശങ്കർ സിങ് പറഞ്ഞു. അന്വേഷണം പുരോഗമിക്കുകയാണെന്നും ഉദ്യോഗസ്ഥൻ വ്യക്തമാക്കി.