കാമുകിക്കൊപ്പമുള്ള ലൈംഗിക വിഡിയോ പുറത്തുവിടുമെന്ന​ ഭീഷണി; യുവാവ് ജീവനൊടുക്കി

ബെംഗളൂരു: കാമുകിക്കൊപ്പമുള്ള ദൃശ്യങ്ങൾ മൊബൈൽ ഫോണിൽ പകർത്തി ഭീഷണിപ്പെടുത്തിയതിനെ തുടർന്ന് യുവാവ് ജീവനൊടുക്കി. ബെംഗളൂരു ചാമുണ്ഡേശ്വരി ഇലക്ട്രിസിറ്റി സപ്ലൈ കോർപറേഷനിലെ കരാർ തൊഴിലാളിയായ ജൂനിയർ അസിസ്റ്റന്റ് സുപ്രീത് (32) അണ് ജീവനൊടുക്കിയത്.



ബലാത്സംഗത്തിന് ഇരയായ പെൺകുട്ടി പ്രതിയായ ഹെഡ്മാസറ്റര്‍ക്കും മകള്‍ക്കുമൊപ്പം സുഖമായി കഴിയുന്നുവെന്ന് പോലീസ്

യുവാവിൻ്റെ മരണത്തിൽ കേസെടുത്ത് അന്വേഷണം ആരംഭിച്ച പോലീസ് പ്രായപൂർത്തിയാകാത്ത നാല് ആൺകുട്ടികളെ പിടികൂടി. യുവാവിൻ്റെ പക്കൽ നിന്നും ലഭിച്ച ആത്മഹത്യാ കുറിപ്പിൽ ഇവരുടെ വിവരങ്ങൾ ഉണ്ടായിരുന്നതായി പോലീസ് പറഞ്ഞു. സുപ്രീതും കാമുകിയും തമ്മിലുള്ള സ്വകാര്യ ദൃശ്യങ്ങൾ ഫോണിൽ പകർത്തി ഇവർ പണം ആവശ്യപ്പെട്ട് ഭീഷണിപ്പെടുത്തിയിരുന്നുവെന്ന് പോലീസ് പറഞ്ഞു.

യുവതിയെ കാണാൻ സുപ്രീത് അർസികോരയിലെ താമസസ്ഥലത്ത് എത്തിയിരുന്നു. യുവതിയുടെ സമീപവാസികളായ കൗമാരക്കാർ ഇവരുടെ സ്വകാര്യ ദൃശ്യങ്ങൾ ഫോണിൽ പകർത്തി. വീഡിയോ പുറത്തുവിടുമെന്ന് ഭീഷണിപ്പെടുത്തി പണം ആവശ്യപ്പെടുകയും ചെയ്തു. ഭീഷണി ഭയന്ന് 5000 രൂപ സുപ്രീത് നൽകി. എന്നാൽ കൂടുതൽ പണം ആവശ്യപ്പെട്ട് ഇവർ ഭീഷണി ആരംഭിച്ചതോടെ യുവാവ് ജീവനൊടുക്കാൻ തീരുമാനിക്കുകയായിരുന്നു.

വിവാഹത്തിന് സമ്മതിച്ചില്ല; യുവതിയെ കാറിനുള്ളിൽ തീകൊളുത്തി കൊന്നു, യുവാവും മരിച്ചു

നഗരത്തിലെ ഒരു ഹോട്ടലിൽ മുറിയെടുത്ത ശേഷം സുപ്രീത് വിഷം കഴിച്ച് മരിക്കുകയായിരുന്നു. രാത്രി ഏറെ വൈകി മുറിയിൽ നിന്നും വെള്ളം പുറത്തേക്ക് ഒഴുകിയതൊടെ ഹോട്ടൽ ജീവനക്കാർ നടത്തിയ പരിശോധനയിലാണ് യുവാവിനെ മരിച്ച നിലയിൽ കണ്ടെത്തിയത്. ഹോട്ടൽ ജീവനക്കാർ വിവരമറിയിച്ചതിനെ തുടർന്ന് പോലീസെത്തി നടത്തിയ പരിശോധനയിൽ ആത്മഹത്യാ കുറിപ്പ് കണ്ടെടുത്തു. പണം നൽകിയില്ലെങ്കിൽ കാമുകിയുമായുള്ള ലൈംഗിക വിഡിയോകൾ പുറത്തുവിടുമെന്ന് പ്രായപൂർത്തിയാകാത്ത നാലുപേർ തുടർച്ചയായി ഭീഷണിപ്പെടുത്തിയിരുന്നതായി കുറിപ്പിൽ വ്യക്തമാക്കുന്നുണ്ട്.