നാരങ്ങാനീര് ഇങ്ങനെ പുരട്ടി ചർമ്മ പ്രശ്നങ്ങളെ അകറ്റി നിർത്താം

​സൗന്ദര്യത്തിന് നാരങ്ങ

നിങ്ങളുടെ സൗന്ദര്യ ആവശ്യകതകൾ നിറവേറ്റുന്നതിനും ഒട്ടുമിക്ക ചർമ പ്രശ്നങ്ങളും പരിഹരിക്കുന്നതിന് സഹായകമായ നിരവധി പ്രകൃതിദത്ത ഉൽപന്നങ്ങൾ നമ്മുടെ അടുക്കളയിൽ തന്നെയുണ്ട്. അതിൽ ഏറ്റവും പ്രധാനപ്പെട്ടതാണ് നാരങ്ങ. വിറ്റാമിൻ സി യുടെ ഉയർന്ന ഉള്ളടക്കം അടങ്ങിയിട്ടുള്ള നാരങ്ങ നിങ്ങളുടെ ചർമ്മത്തെ പരിപോഷിപ്പിക്കാനും ചർമ പ്രശ്നങ്ങൾ പരിഹരിക്കാനുമുള്ള ഗുണങ്ങളെ നൽകും. സ്വാഭാവിക അസിഡിക് ഗുണങ്ങളടങ്ങങ്ങിയ നാരങ്ങ സൗന്ദര്യസംരക്ഷണത്തിനായി ഉപയോഗിച്ചാൽ നിങ്ങൾ പ്രതീക്ഷിക്കുന്ന തരത്തിൽ മികച്ച ഫലങ്ങൾ ലഭിക്കുമെന്ന കാര്യത്തില്‍ സംശയം വേണ്ട. നിങ്ങളുടെ ചർമത്തിൽ നാരങ്ങയുടെ ഉപയോഗം ഏതെല്ലാം വിധത്തിൽ ഗുണം ചെയ്യുമെന്ന് ഇന്നിവിടെ നിന്നും കണ്ടെത്താം.

​കറുത്ത പാടുകൾ അകറ്റാൻ

സിട്രസ് പഴങ്ങൾ പ്രധാനിയായ നാരങ്ങാ നിങ്ങളുടെ ചർമത്തിൽ കറുത്ത പാടുകൾ നീക്കം ചെയ്യുന്നതിന് പേരുകേട്ടതാണ്. പ്രായാധിക്യം മൂലമുണ്ടാവുന്ന ചർമ്മത്തിലെ ചുളിവുകൾ പരിഹരിക്കാനും കറുത്ത പാടുകളെ സുഖപ്പെടുത്തുന്നതിനും ഇത് ഗുണം ചെയ്യും. നിങ്ങൾക്ക് ബ്ലാക്ക്ഹെഡ്ഡുകൾ ഉണ്ടെങ്കിൽ അവ നീക്കം ചെയ്യാനായി ഇത് ഉപയോഗിക്കാം. നാരങ്ങ ഇത്തരം പ്രശ്നങ്ങൾക്കെല്ലാം ഉള്ള ഒരു ഉത്തമ പ്രതിവിധിയാണ്. ഇതിനായി ആകെ നിങ്ങൾ ചെയ്യേണ്ടത് നിങ്ങളുടെ മുഖത്ത് ചെറുനാരങ്ങയുടെ നീര് പിഴിഞ്ഞ് പുരട്ടുക മാത്രമാണ്. രണ്ടോ മൂന്നോ തവണ ഉപയോഗിച്ച് കഴിയുമ്പോൾ തന്നെ പാടുകളും മറ്റും കുറയുന്നത് നിങ്ങൾ തിരിച്ചറിയാം. നാരങ്ങയിൽ അടങ്ങിയിരിക്കുന്ന സിട്രിക് ആസിഡ് ചർമ്മത്തിൻ്റെ സ്വാഭാവിക നിറം തിരികെ കൊണ്ടുവരാൻ സഹായിക്കുന്നതാണ്. നിങ്ങളുടെ ചർമത്തിൽ പ്രത്യക്ഷമാകുന്ന ബ്ലാക്ക്ഹെഡുകളിൽ നാരങ്ങ നീര് നേരിട്ട് പ്രയോഗിക്കുന്നത് വഴി അവയെ ഫലപ്രദമായി നീക്കം ചെയ്യാൻ സാധിക്കും. നാരങ്ങയിലെ സിട്രിക് ഘടകങ്ങൾ നിങ്ങളുടെ ചർമ്മത്തിലെ എണ്ണമയവും അതുമൂലമുണ്ടാകുന്ന പാടുകളും കുറയ്ക്കാൻ സഹായിക്കുന്നു.

​മുഖക്കുരു സുഖപ്പെടുത്തുന്നു

പ്രായഭേദമന്യേ എല്ലാവരും പരാതി പറയുന്ന ഒന്നാണ് മുഖക്കുരുവിൻ്റെ പ്രശ്നങ്ങൾ. പ്രകൃതിദത്തമായ ആൻറി ബാക്ടീരിയൽ ഗുണങ്ങൾ അടങ്ങിയ ഒരു ഘടകമാണ് നാരങ്ങ. ഇവ മുഖക്കുരുവിനെതിരേ പോരാടാനും അതിൻറെ ലക്ഷണങ്ങളെ സ്വാഭാവികമായി ചികിത്സിക്കാനും ഗുണം ചെയ്യും. കുറച്ച് പുതിയ നാരങ്ങ നീര് പിഴിഞ്ഞ് കുറച്ച് വെള്ളത്തിൽ ലയിപ്പിക്കുക. ഒരു കോട്ടൺ പാഡിന്റെ സഹായത്തോടെ ബാധിത പ്രദേശത്ത് ഇത് പ്രയോഗിക്കുക. ഏകദേശം പതിനഞ്ച് മിനിറ്റ് ഇത് വെറുതെ വിടാം. തുടർന്ന് ശുദ്ധമായ തണുത്ത വെള്ളത്തിൽ ഇത് കഴുകിക്കളയാം. നാരങ്ങ നീര് പതിവായി ചർമത്തിൽ പ്രയോഗിക്കുന്നത് വഴി മുഖക്കുരുവിനെ വേഗത്തിൽ സുഖപ്പെടുത്താൻ കഴിയും. മുഖക്കുരു വരുത്തിവയ്ക്കുന്ന പാടുകളെയും ലഘൂകരിക്കാനുള്ള ഏറ്റവും പ്രശസ്തമായ പ്രതിവിധി കൂടിയാണ് നാരങ്ങകൾ. നാരങ്ങയുടെ തൊലി നിങ്ങളുടെ മുഖക്കുരുവിൻ്റെ പാടുകൾ ഉള്ള ഭാഗത്ത് ഉരച്ച് ഏകദേശം പത്ത് മിനിറ്റ് സൂക്ഷിക്കുക. അതിനെ തുടർന്ന് തണുത്ത വെള്ളത്തിൽ കഴുകുക.

​നാരങ്ങാനീര് വെള്ളത്തിൽ ലയിപ്പിച്ച്

നാരങ്ങയിലെ സിട്രസ് ഗുണങ്ങൾ നിങ്ങളെ ചർമ്മത്തിൽ സ്വാഭാവിക ബ്ലീച്ചിംഗ് ഘടകമായി പ്രവർത്തിക്കുന്നു. ഇതിലെ ബ്ലീച്ചിംഗ് ഗുണങ്ങൾ നിങ്ങളുടെ ചർമ്മത്തിന് നിറം നൽകാനും തിളങ്ങുന്നതാക്കി മാറ്റാനും സഹായിക്കുന്നു. 2 ടീസ്പൂൺ നാരങ്ങ നീര് 3 ടീസ്പൂൺ വെള്ളത്തോടൊപ്പം ചേർത്ത് മിക്സ് ചെയ്യുക. ഇത് നന്നായി കലർത്തി നിങ്ങളുടെ മുഖത്തും കഴുത്തിലും മുഴുവൻ പുരട്ടുക. നന്നായി സ്ക്രബ്ബ് ചെയ്തതിനെത്തുടർന്ന് 30 മിനിറ്റ് വിടുക. അതിനുശേഷം തണുത്ത വെള്ളത്തിൽ കഴുകുക. ചുരുങ്ങിയ സമയത്തിനുള്ളിൽ തൽക്ഷണം മികച്ച ഫലങ്ങൾ നേടുന്നതിനായി ഈ നടപടിക്രമം ദിവസവും ആവർത്തിക്കുക. നിങ്ങളുടെ ചർമ്മത്തിൽ ഉപയോഗിക്കുന്നതിനായി വിപണികളിൽ നിന്ന് ലഭിക്കുന്ന ഏതൊരു ഫെയർ‌നെസ് ക്രീമിനേക്കാളും മികച്ചതും, തൽക്ഷണ ഫലങ്ങൾ നൽകുന്നതും, പാർശ്വഫലങ്ങൾ ഉണ്ടാക്കാൻ സാധ്യത ഇല്ലാത്തതുമായ ഒരു പ്രതിവിധി ആണിത് എന്നറിഞ്ഞോളൂ.

Also read: മുടിയഴകിന് ചെമ്പരത്തിയോടൊപ്പം ഇവ ചേർത്ത് അരച്ചിട്ടാൽ ഫലം ഇരട്ടി!

​വെളിച്ചെണ്ണയിൽ നാരങ്ങാനീര് ചേർത്ത്

നിങ്ങളുടെ ചർമ്മത്തിന് പുതുമ നൽകിക്കൊണ്ട് ശുദ്ധീകരിക്കാനായി നാരങ്ങയുടെ ഉപയോഗം സഹായിക്കും. പ്രത്യേകിച്ചും ചർമത്തിന് ആവശ്യമായ അളവിൽ ഈർപ്പം നിലനിർത്താനും ചർമത്തിൽ അടിഞ്ഞുകൂടുന്ന അഴുക്കും നിർജ്ജീവ കോശങ്ങളും പുറന്തള്ളാനും ഇതിൻറെ ഉപയോഗം സഹായിക്കുന്നു. രണ്ട് രീതിയിൽ നിങ്ങൾക്കിത് ചെയ്യാം. ദിവസത്തിൽ ഉടനീളം ഈർപ്പം നിലനിൽക്കുന്ന ചർമ്മം ലഭിക്കുന്നതിനായി കുറച്ച് തുള്ളി നാരങ്ങാനീര് കുറച്ച് വെളിച്ചെണ്ണയുമായി കലർത്തുക. ഈ മിശ്രിതം പുരട്ടുന്നത് നിങ്ങളുടെ ചർമ്മത്തിൽ ദിവസം മുഴുവനും ആവശ്യമായ ജലാംശം പകർന്ന് നൽകപ്പെടും. നാരങ്ങയിലെ ഗുണങ്ങൾ ചർമത്തിന് മൃദുത്വവും തിളക്കവും നൽകുകയും ചെയ്യും. അതു കൂടാതെ ചർമ്മത്തെ ശുദ്ധീകരിക്കാനുള്ള ഒരു ഫേഷ്യൽ മാസ്ക് തയ്യാറാക്കാനായി നിങ്ങൾ ചെയ്യേണ്ടത്, രണ്ട് തുള്ളി നാരങ്ങ നീരും റ്റീ ട്രീ ഓയിലും അല്പം വെള്ളത്തിൽ കലർത്തി ചർമ്മത്തിലെ അഴുക്ക് വൃത്തിയാക്കാൻ ഉപയോഗിക്കാം. ഏതുതരം ചർമ്മസ്ഥിതി ഉള്ളവർക്കും പരീക്ഷിക്കാൻ കഴിയുന്ന മാർഗങ്ങളിൽ ഒന്നാണിത്. ആഴ്ചയിൽ രണ്ടു തവണ വരെ ഈ രീതിയിൽ നാരങ്ങാ ഉപയോഗിച്ചാൽ നിങ്ങളുടെ ചർമ്മത്തിന് ശുദ്ധിയെക്കുറിച്ച് പിന്നെ പേടിക്കേണ്ടി വരില്ല.

Also read: കൈമുട്ടും കാൽമുട്ടും ഇരുണ്ട നിറത്തിലാണോ? ഈ സ്‌ക്രബുകൾ പരീക്ഷിക്കാം

​ചുണ്ടുകളുടെ സൗന്ദര്യത്തിന്

ചുണ്ടുകളുടെ സൗന്ദര്യപ്രശ്നങ്ങൾ നിങ്ങളെയും അലട്ടുന്നുണ്ടെങ്കിൽ ഇതിനുള്ള പരിഹാരം നാരങ്ങയിൽ ഉണ്ടെന്ന് അറിഞ്ഞോളൂ. ചുണ്ടുകളുടെ നിറം നഷ്ടപ്പെടുന്നതും വരണ്ടു പോകുന്നതുമായ പ്രശ്നങ്ങൾ നേരിടുന്നുണ്ടെങ്കിൽ കുറച്ചു ദിവസം പതിവായി ഉറങ്ങുന്നതിനു മുമ്പ് ചുണ്ടിൽ കുറച്ച് നാരങ്ങ നീര് പുരട്ടിയാൽ മതി. രാത്രി മുഴുവൻ സൂക്ഷിച്ച ശേഷം രാവിലെ ഉണർന്നെണീറ്റു കഴിയുമ്പോൾ തന്നെ ഇത് കഴുകിക്കളയാം. ഇത് ചുണ്ടുകളിലെ വരണ്ട ചർമ്മത്തെയും നിർജ്ജീവ കോശങ്ങളെയും എളുപ്പത്തിൽ നീക്കം ചെയ്തു കൊണ്ട് പ്രശ്നങ്ങൾ പരിഹരിക്കാൻ സഹായിക്കും. ഇങ്ങനെയൊക്കെയാണെങ്കിലും നിങ്ങളുടെ ചുണ്ടുകളിൽ വിണ്ടുകീറലുകളും മുറിവിൻ്റെ ലക്ഷണങ്ങളും ഉണ്ടെങ്കിൽ പരീക്ഷിക്കാൻ കഴിയുന്ന ഒരു പ്രതിവിധി അല്ല ഇതെന്നും ഓർമിക്കുക.