പുനഃസംഘടനയുമായി ബന്ധപ്പെട്ട് തന്നെ ഒരു കോൺഗ്രസ് നേതാവും അസംതൃപ്തി അറിയിച്ചിട്ടില്ലെന്ന് വിഡി സതീശൻ. മുതിർന്ന നേതാക്കൾ അതൃപ്തിയിലാണെന്ന റിപ്പോർട്ടുകൾക്കിടെയാണ് സതീശന്‍റെ പ്രതികരണം
വിഡി സതീശൻ. Photo: Facebook
ഹൈലൈറ്റ്:
- ആര്‍ക്കും അസംതൃപ്തിയുള്ളതായി അറിയിച്ചില്ല
- ഒരു കോൺഗ്രസ് നേതാവും തന്നെ അസംതൃപ്തി അറിയിച്ചിട്ടില്ല
- പ്രതികരണവുമായി വിഡി സതീശൻ
തിരുവനന്തപുരം: ഡിസിസി പ്രസിഡന്റ് പട്ടികയില്‍ ആര്‍ക്കും അതൃപ്തിയുള്ളതായി അറിയില്ലെന്ന് പ്രതിപക്ഷ നേതാവ് വിഡി സതീശന്‍. എല്ലാവരുമായും ചര്‍ച്ച നടത്തിയാണ് പട്ടിക തയാറാക്കിയതെന്നും അദ്ദേഹം പറഞ്ഞു. പട്ടികയിൽ എതിർപ്പറിയിച്ച് വിവിധ നേതാക്കൾ രംഗത്തെത്തിയെന്ന റിപ്പോർട്ടുകൾക്കിടെയാണ് വിഡി സതീശന്‍റെ പ്രതികരണം.
മുതിർന്ന നേതാക്കളായ വിഎം സുധീരനും മുല്ലപ്പള്ളി രാമചന്ദ്രനും പരാതിപ്പെട്ടെങ്കില്‍ ഗൗരവമായി കാണണമെന്നും വിഡി സതീശൻ പറഞ്ഞതായി മലയാള മനോരമ റിപ്പോർട്ട് ചെയ്തു. എല്ലാവരുമായും ചര്‍ച്ച നടത്തിയാണ് പട്ടിക തയാറാക്കിയത്. ഇനി കാര്യങ്ങള്‍ തീരുമാനിക്കേണ്ടത് ഹൈക്കമാന്‍ഡാണെന്നും അദ്ദേഹം പറഞ്ഞു.
Also Read : കണക്കുകൂട്ടലുകള്‍ തെറ്റുന്നു, കോൺഗ്രസ് പുനസംഘടനയിലും അവഗണന; അമർഷത്തിൽ എ, ഐ ഗ്രൂപ്പുകൾ
പുനഃസംഘടനയുമായി ബന്ധപ്പെട്ട് തന്നെ ഒരു കോൺഗ്രസ് നേതാവും അസംതൃപ്തി അറിയിച്ചിട്ടില്ലെന്നും വിഡി സതീശൻ പ്രതികരിച്ചു. അതേസമയം പുനഃസംഘടനയുമായി ബന്ധപ്പെട്ട തർക്കത്തിൽ സോണിയ ഗാന്ധിയുടെ ഇടപെടലിനായുള്ള ശ്രമത്തിലാണു ഗ്രൂപ്പുകൾ എന്നാണ് റിപ്പോർട്ട്. ഉമ്മൻ ചാണ്ടിയും രമേശ് ചെന്നിത്തലയും നല്‍കിയ പേരുകള്‍ക്കു പുറമെ കൂടുതൽ നേതാക്കളുടെ പേരുകള്‍ പട്ടികയിൽ ഉള്‍പ്പെടുത്തിയതാണ് നേതാക്കളുടെ എതിര്‍പ്പിനു കാരണമെന്നാണ് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നത്.
കെപിസിസിയിൽ അടക്കമുള്ള പുതിയ മാറ്റങ്ങള്‍ക്കു ശേഷം പാര്‍ട്ടിയിൽ തങ്ങള്‍ ഒതുക്കപ്പെടുകയാണെന്ന തോന്നൽ നേതാക്കള്‍ക്കുണ്ട്. ഇതിനു പുറമെയാണ് സാധാരണ ഡിസിസി പുനഃസംഘടനയിൽ ഗ്രൂപ്പുകള്‍ക്ക് ലഭിക്കുന്ന പരിഗണന ഇക്കുറി ഇല്ലാത്തത്. സ്വന്തം ജില്ലകളിലെ ഡിസിസി അധ്യക്ഷന്മാരുടെ കാര്യത്തിലും നേതാക്കള്‍ക്ക് മേൽക്കൈ നഷ്ടപ്പെട്ടെന്നാണ് വിലയിരുത്തപ്പെടുന്നത്.
അപകീർത്തികരമായ പരാമർശം; എംബി രാജേഷിന്‍റെ പരാതിയിൽ ജയശങ്കറിനെതിരെ കേസ്
ആലപ്പുഴ ജില്ലയിൽ ബാബുപ്രസാദിന്‍റെ പേരായിരുന്നു രമേശ് ചെന്നിത്തല മുന്നോട്ടു വെച്ചത്. എന്നാൽ ഇതോടൊപ്പം എംജെ ജോബിന്‍റെ പേരു കൂടി കെ സി വേണുഗോപാലിന്‍റെ നോമിനിയായി ചേര്‍ക്കുകയായിരുന്നു. കോട്ടയം ജില്ലയിൽ ഉമ്മൻ ചാണ്ടി മൂന്നിലധികം പേരുകള്‍ മുന്നോട്ടു വെച്ചിരുന്നു. എന്നാൽ ഹൈക്കമാൻഡിനു പട്ടിക സമര്‍പ്പിക്കുന്നതിനു മുൻപ് തന്നോടു കൂടിയാലോചിച്ചില്ലെന്നാണ് ഉമ്മൻ ചാണ്ടിയുടെ പരാതിയെന്നാണ് റിപ്പോർട്ട്.
കാബൂൾ കൊട്ടാരത്തിൽ പതാക ഉയർത്തി താലിബാൻ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kerala inc leader vd satheesan on dcc reorganisation
Malayalam News from malayalam.samayam.com, TIL Network
