അന്ന് റോഡിനു സൗജന്യമായി ഭൂമി നല്‍കി; പാലാ ബൈപ്പാസിനു കെഎം മാണിയുടെ പേര്

തിരുവനന്തപുരം: കെഎം മാണിയുടെ സ്വപ്നപദ്ധതിയായ പാലാ ബൈപ്പാസിനു അദ്ദേഹത്തിൻ്റെ പേരു നല്‍കാൻ തീരുമാനിച്ച് സംസ്ഥാന സര്‍ക്കാര്‍. ഇതു സംബന്ധിച്ച സര്‍ക്കാര്‍ ഉത്തരവും പുറത്തിറങ്ങി. കെഎം മാണിയുടെ വീടിനു മുന്നിലൂടെയാണ് ബൈപ്പാസും കടന്നു പോകുന്നത്.



Also Read: ചൊവ്വാഴ്ച മുതൽ മദ്യത്തിന് ഓൺലൈൻ പേമെന്റ്; തിരക്ക് നിയന്ത്രിക്കാൻ ബെവ്കോ

സിവിൽ സ്റ്റേഷൻ മുതൽ വൈക്കം റോഡ് വരെയാണ് ബൈപ്പാസിൻ്റെ ഒന്നാം റീച്ച്. വര്‍ഷങ്ങളായി മുടങ്ങിക്കിടക്കുന്ന റോഡിൻ്റെ നിര്‍മാണത്തിനായി കഴിഞ്ഞ വര്‍ഷം സര്‍ക്കാര്‍ പത്ത് കോടി പത്ത് ലക്ഷം രൂപ അനുവദിച്ചിരുന്നു. കെഎം മാണിയായിരുന്നു പാലാ ബൈപ്പാസ് പദ്ധതിയ്ക്ക് രൂപം നല്‍കിയത്. റോഡിനു വേണ്ടി അദ്ദേഹം സൗജന്യമായി സ്ഥലം വിട്ടു നൽകുകയും ചെയ്തിരുന്നു. പാലാ പുലിയന്നൂര്‍ ജംഗ്ഷൻ മുതൽ കിഴതടിയൂര്‍ ജംഗ്ഷൻ വരെയുള്ള റോഡിനാണ് കെഎം മാണിയുടെ പേര് നല്‍കുകയെന്നാണ് വിവരം.

Also Read: ‘സേനയുടെ പിന്മാറ്റത്തിൽ കുറ്റബോധമില്ല’; അഫ്ഗാനിസ്ഥാൻ്റെ പുനർനിർമ്മാണം അമേരിക്കയുടെ ലക്ഷ്യമല്ലെന്ന് ബൈഡൻ

കെഎം മാണി മന്ത്രിയായിരുന്ന കാലത്ത് ബൈപ്പാസ് നിര്‍മാണം ആരംഭിച്ചിരുന്നെങ്കിലും സ്ഥലം ഏറ്റെടുക്കൽ ഉള്‍പ്പെടെ പ്രതിസന്ധിയായതോടെ പദ്ധതി പൂര്‍ത്തിയാക്കുന്നതു വൈകുകയായിരുന്നു. നഗരത്തിൻ്റെ ഹൃദയഭാഗത്ത് അടക്കം സ്ഥലമേറ്റെടുക്കേണ്ടതായിരുന്നു നിര്‍മാണത്തിലെ പ്രധാന പ്രതിസന്ധി. ഭൂമിയേറ്റെടുക്കലിനെതിരെ ചിലര്‍ കോടതിയെ സമീപിക്കുകയും ചെയ്തിരുന്നു.