അഫ്ഗാനിസ്ഥാനിൽ നിന്ന് ഇന്ത്യൻ നയതന്ത്ര ഉദ്യോഗസ്ഥർ ഇന്ത്യയിലെത്തി; കാബൂളിലെ എംബസി അടച്ചു, രഹസ്യ രേഖകൾ മടക്കിക്കൊണ്ടുവന്നു?

ന്യൂഡൽഹി: താലിബാൻ്റെ നിയന്ത്രണത്തിൽ രാജ്യം എത്തിയതോടെ അഫ്ഗാനിസ്ഥാനിൽ നിന്ന് ഇന്ത്യൻ നയതന്ത്ര ഉദ്യോഗസ്ഥരെ ഒഴിപ്പിക്കാൻ കേന്ദ്ര സർക്കാർ നീക്കം ആരംഭിച്ചു. കാബൂളിൽ നിന്ന് ഇന്ത്യൻ ഉദ്യോഗസ്ഥരുമായി പറന്നുയർന്ന ഇന്ത്യൻ വ്യോമസേനയുടെ സി -17 വിമാനം ഗുജറാത്തിലെ ജാംനഗറിൽ ഇറങ്ങി. കാബൂളിലെ എംബസി അടച്ചാണ് ഇന്ത്യ ഒഴിപ്പിക്കൽ നടപടി വേഗത്തിലാക്കുന്നത്. കാബൂളിലെ എംബസി അടച്ചതിനൊപ്പം രാജ്യത്തെ എല്ലാ നയതന്ത്ര ഓഫീസുകളും പൂട്ടി.



അഫ്ഗാൻ ജയിലിൽ നിന്ന് നിമിഷയെ താലിബാൻ മോചിപ്പിച്ചോ? പ്രതികരിച്ച് മാതാവ് ബിന്ദു

കൂടുതൽ വിമാനങ്ങൾ കാബൂളിലേക്ക് അയച്ച് നയതന്ത്ര ഉദ്യോഗസ്ഥരെയും പൗരന്മാരെയും തിരിച്ചെത്തിക്കാനാണ് ഇന്ത്യയുടെ ശ്രമം. കാബൂളിലെ ഹമീദ് കർസായ് അന്താരാഷ്ട്ര വിമാനത്താവളം മുഖേനെയാണ് നിന്നാണ് നയതന്ത്ര ഉദ്യോഗസ്ഥരെ മടക്കി എത്തിക്കുന്നത്. കാബൂൾ വിമാനത്താവളത്തിൽ അഫ്ഗാൻ ജനങ്ങൾ കൂട്ടമായി എത്തിയതോടെ ഇന്ത്യൻ നയതന്ത്ര ഉദ്യോഗസ്ഥരെയും പൗരന്മാരെയും തിരികെ എത്തിക്കാൻ ഇന്ത്യ അമേരിക്കയുടെ സഹായം തേടിയിരുന്നുവെന്ന വാർത്തകളും പുറത്തുവരുന്നുണ്ട്.

‘താലിബാൻ ഇന്ത്യയെ ആക്രമിക്കും, ചൈന – പാകിസ്ഥാൻ – താലിബാൻ സഖ്യം ഉണ്ടാകും’: ട്വീറ്റുമായി സുബ്രഹ്മണ്യന്‍ സ്വാമി

എംബസിയിൽ സൂക്ഷിച്ചിരുന്ന നിർണായക രേഖകൾ വിമാനത്തിൽ നയതന്ത്ര ഉദ്യോഗസ്ഥർ തിരികെ എത്തിക്കുന്നുണ്ടെന്ന റിപ്പോർട്ടുകളുമുണ്ട്. നിർണായക രേഖകൾ, തന്ത്രപ്രധാനമായ ഫയലുകൾ എന്നിവയാണ് എംബസിയിൽ നിന്നും തിരികെ എത്തിക്കുന്നത്. കാബൂളിലെ എംബസിയിൽ നിന്നുള്ള എല്ലാ ജീവനക്കാരും പുറപ്പെട്ടതായാണ് വിവരം. മറ്റ് പൗരന്മാരെ മടക്കിയെത്തിക്കാനുള്ള നടപടികൾ അതിവേഗത്തിൽ പുരോഗമിക്കുകയാണ്. ഇന്ത്യയിലേക്ക് എത്താൻ അനുവാദം നൽകണമെന്ന് ആയിരക്കണക്കിന് അഫ്ഗാൻ പൗരന്മാർ ആവശ്യപ്പെട്ടിട്ടുണ്ട്.

അഫ്ഗാനിസ്ഥാനിൽ നിന്നുള്ള ഇന്ത്യൻ പൗരന്മാരുമായി ഇറാൻ വ്യോമപാതയിലൂടെയാണ് വ്യോമസേനാ വിമാനം ഇന്ത്യയിലേക്ക് എത്തുന്നത്. അഫ്ഗാനിസ്ഥാനിലെ സ്ഥിതിഗതികൾ തുടർച്ചയായി നിരീക്ഷിച്ച് വരികയാണെന്ന് കേന്ദ്ര സർക്കാർ വ്യക്തമാക്കുന്നുണ്ട്. നിലവിലെ സ്ഥിതിഗതികൾ വിലയിരുത്തി അതിവേഗത്തിൽ തീരുമാനമെടുക്കാനാണ് ഇന്ത്യയുടെ ആലോചന. അഫ്ഗാനിസ്ഥാനിലെ സാഹചര്യങ്ങൾ വിലയിരുത്തുകയാണെന്ന് കേന്ദ്ര സർക്കാർ വ്യക്തമാക്കി.

യുപിഎ സർക്കാരിന്റെ കടം വീട്ടിക്കൊണ്ടിരിക്കുകയാണ്; ഇന്ധന വില വർദ്ധനവിൽ പ്രതികരണവുമായി നിർമ്മല

എംബിസി അടച്ച് പൂട്ടുന്നത് അഫ്ഗാനിസ്ഥാൻ സർക്കാരിനെ കൈവിടുന്നതിന് തുല്യമാകുമെന്ന വിലയിരുത്തലായിരുന്നു കേന്ദ്ര സർക്കാരിനുണ്ടായിരുന്നത്. എന്നാൽ താലിബാൻ ഭരണം ഏറ്റെടുത്തതോടെ അത്തരത്തിലുള്ള വാദങ്ങൾ അപ്രസക്തമായതോടെയാണ് കൂടുതൽ പേരെ അഫ്ഗാനിസ്ഥാനിൽ നിന്ന് തിരികെ എത്തിക്കാൻ ഇന്ത്യ നീക്കം ആരംഭിച്ചത്. ദേശീയ സുരക്ഷ ഉപദേഷ്ടാവ് അജിത് ഡോവലിൻ്റെ നേതൃത്വത്തിലാണ് സാഹചര്യങ്ങൾ വിലയിരുത്തുന്നത്.