60 വയസുകാരി കൂട്ടബലാത്സംഗത്തിനിരയായി; പ്രതികളിൽ പ്രായപൂർത്തിയാകാത്തവരും

ഭോപ്പാൽ: മധ്യപ്രദേശിൽ 60 വയസുള്ള സ്ത്രീയെ കൂട്ടബലാത്സംഗം ചെയ്തു. അഞ്ച് പ്രതികളിൽ രണ്ട് പേർ പ്രായപൂർത്തിയാകാത്തവരാണ്. മധ്യപ്രദേശിലെ സിംഗൗളി ജില്ലയിലാണ് സംഭവം. പ്രതികൾ പിടിയിലായെന്നും വിശദമായ അന്വേഷണം തുടരുകയാണെന്നും സിംഗൗളിയിലെ അഡീഷണൽ പോലീസ് സൂപ്രണ്ട് അനിൽ സോങ്കർ വ്യക്തമാക്കി.



മൂന്ന് മാസം പ്രായമുള്ള കുട്ടിയെ ബലാത്സംഗം ചെയ്തു; ക്രൂരസംഭവം യുപിയിൽ

ഞായറാഴ്ച രാത്രിയാണ് സ്ത്രീ കൂട്ടബലാത്സംഗത്തിനിരയായത്. സിംഗൗളിയിലെ റെയിൽവേ ക്രോസിങിന് സമീപത്തൂടെ വീട്ടിലേക്ക് മടങ്ങുന്നതിനിടെ വയോധികയെ പ്രതികൾ ആക്രമിക്കുകയായിരുന്നു. മദ്യപിച്ച് എത്തിയ അഞ്ചംഗ സംഘം സ്ത്രീയെ മർദ്ദിച്ചു. അവശയായ ഇവരെ സമീപത്തെ ആളൊഴിഞ്ഞ പ്രദേശത്തെ കുറ്റിക്കാട്ടിലേക്ക് വലിച്ചിഴച്ച് കൊണ്ടു പോയി ബലാത്സംഗം ചെയ്യുകയായിരുന്നു.

പ്രതികൾ രക്ഷപ്പെട്ടതിന് പിന്നാലെ വയോധിക നേരിട്ട് പോലീസ് സ്റ്റേഷനിലെത്തി പീഡനവിവരം അറിയിച്ചു. കേസെടുത്ത പോലീസ് ഉടൻ തന്നെ പ്രതികളെ പിടികൂടി. ഇവരുടെ അറസ്റ്റ് രേഖപ്പെടുത്തിയതായും ചോദ്യം ചെയ്യൽ തുടരുകയാണെന്നും പോലീസ് സൂപ്രണ്ട് അനിൽ സോങ്കർ പറഞ്ഞു.

യുപിയിൽ 16 കാരിയായ ദളിത് പെണ്‍കുട്ടിയെ ഭാര്യയുടെ മുന്നിൽ വച്ച് ബലാത്സംഗം ചെയ്തു

പീഡനത്തിനിരയായ സ്ത്രീയുടെ ആരോഗ്യനില സംബന്ധിച്ച വിവരങ്ങൾ പുറത്തുവന്നിട്ടില്ല. ഈ മാസം ആദ്യം ഇൻഡോർ ജില്ലയിലെ ഒരു സർക്കാർ ആശുപത്രിയിൽ 50 വയസുള്ള സ്ത്രീയെ രോഗിയെ വാർഡ് ബോയ് ബലാത്സംഗം ചെയ്തിരുന്നു. മധ്യപ്രദേശിൽ 2017 ജനുവരി മുതൽ 2021 ജൂൺ വരെ 26,708 ബലാത്സംഗ കേസുൾ റിപ്പോർട്ട് ചെയ്തു. 37 കൂട്ടബലാത്സഗ കേസുകളും പെൺകുട്ടികളെ തട്ടിക്കൊണ്ടുപോയ 27,827 സംഭവങ്ങളും സംസ്ഥാനത്തെ വിവിധ പോലീസ് സ്റ്റേഷനുകളിലായി റിപ്പോർട്ട് ചെയ്തു.