”കുട്ടിക്കുരങ്ങൻമാരെ” ഇറക്കി കളിക്കുന്ന കുഞ്ഞാപ്പയുടെ അതിബുദ്ധി കയ്യിലിരിക്കട്ടെ; വിമർശനവുമായി കെടി ജലീൽ

തിരുവനന്തപുരം: എംഎസ്എഫ് സംസ്ഥാന നേതൃത്വത്തിന്‍റെ സ്ത്രീവിരുദ്ധ പരാമര്‍ശത്തിനെതിരെ പരാതി ഉന്നയിച്ച ഹരിതയ്ക്കെതിരായ നടപടിക്ക് പിന്നാലെ മുസ്ലിം ലീഗിലുണ്ടായ സംഭവ വികാസങ്ങളിൽ പ്രതികരണവുമായി കെടി ജലീൽ. നേതാക്കൾക്കെതിരെ നടപടിയുണ്ടാകാത്ത സാഹചര്യത്തിൽ വിദ്യാർഥികളെ നേരിടുന്നതിൽ ബുദ്ധിമുട്ട് നേരിടുന്നുണ്ടെന്ന് വ്യക്തമാക്കി എംഎസ്എഫ് കാലിക്കറ്റ് സർവകലാശാല ക്യാംപസ് കമ്മിറ്റി രാജിവെച്ചതിന്‍റെ കത്തിനൊപ്പമാണ് ലീഗിനെതിരെ ജലീൽ വിമർശനം ഉന്നയിച്ചത്.



ലീഗ് നേതാക്കളുടെ വിവേക ശൂന്യമായ നടപടി പാര്‍ട്ടിയെ എവിടെയെത്തിക്കുമെന്ന് കണ്ടറിയണമെന്ന് കെടി ജലീല്‍ പറഞ്ഞു. എആര്‍ ബാങ്കിലെ കള്ളപ്പണ ഇടപാട് മറക്കാന്‍ ലീഗ് നേതൃത്വം നടത്തുന്ന നാടകമാണ് ഹരിതയുമായി ബന്ധപ്പെട്ട വിവാദമെന്നും ആ അതിബുദ്ധി കൈയ്യിലിരിക്കട്ടെയെന്നും കെടി ജലീലിൽ ഫേസ്ബുക്കിലൂടെ പറഞ്ഞു.

Also Read : കൊവിഡാനന്തര ചികിത്സയ്ക്ക് സര്‍ക്കാര്‍ അശുപത്രികളിൽ പണം നൽകണം; ഉത്തരവ് പുറത്തിറങ്ങി



രണ്ടും രണ്ട് കാര്യമാണെന്നും എന്നാൽ രണ്ടും ഒരേസമയം പത്തിവിടർത്തി സമുദായത്തിന്‍റെ പേരിൽ നടക്കുന്ന “കള്ളപ്പണ-പലിശാ-കച്ചവട-സ്ത്രീവിരുദ്ധ രാഷ്ട്രീയ”ത്തിന്‍റെ കഥ കഴിക്കുമെന്നും ജലീൽ പറയുന്നു.

കെടി ജലീലിന്‍റെ ഫേസ്ബുക്ക് പോസ്റ്റിന്‍റെ പൂർണ്ണരൂപം

എന്താണീ സംഭവിക്കുന്നത്? ലീഗ് നേതൃത്വത്തിന്‍റെ വിവേകശൂന്യമായ തീരുമാനങ്ങൾ പാർട്ടിയെ എവിടെയെത്തിക്കുമെന്ന് കണ്ടറിയണം. മോന്തായം വളഞ്ഞാൽ ആകെ വളയുമെന്ന് പഴമക്കാർ പറയുന്നത് വെറുതെയല്ല. ഹരിതയുടെ മറവിൽ AR നഗർ ബാങ്കിലെ കള്ളപ്പണ ഇടപാട് മുക്കാമെന്ന ധാരണയിൽ ”കുട്ടിക്കുരങ്ങൻമാരെ” ഇറക്കി കളിക്കുന്ന കുഞ്ഞാപ്പയുടെ അതിബുദ്ധി കയ്യിലിരിക്കട്ടെ. “അത് വേ, ഇത് റേ”. രണ്ടും ഒരേസമയം പത്തിവിടർത്തി സമുദായത്തിന്‍റെ പേരിൽ നടക്കുന്ന “കള്ളപ്പണ-പലിശാ-കച്ചവട-സ്ത്രീവിരുദ്ധ രാഷ്ട്രീയ”ത്തിന്‍റെ കഥ കഴിക്കും.

ലോക്നാഥ് ബെഹ്റ കൊച്ചി മെട്രോ എംഡി