‘ഹിന്ദി മുസ്ലീമുകളുടെ സല്യൂട്ട്’; അഫ്ഗാനിസ്ഥാന്‍ പിടിച്ചെടുത്തതിന് താലിബാന് പിന്തുണയുമായി മുസ്ലീം ലോ ബോർഡ് അംഗം

ന്യൂഡൽഹി: അഫ്ഗാനിസ്ഥാന്‍ ഭരണം താലിബാൻ പിടിച്ചെടുത്തതോടെ കടുത്ത ആശങ്കയാണ് ഉള്ളത്. ജനങ്ങള്‍ അവിടെ നിന്നും കൂട്ടപ്പലായനം ചെയ്യുകയാണ്. അതേസമയം, ഇന്ത്യയിൽ നിന്നുമടക്കം താലിബാന് പിന്തുണ നൽകുന്ന സംഭവങ്ങളും റിപ്പോര്‍ട്ട് ചെയ്യുന്നുണ്ട്.



Also Read : ആസൂത്രണത്തോടെയുള്ള വേട്ടയാടൽ; കുടുക്കാൻ ശ്രമിക്കുന്നുവെന്ന് ഇ ബുൾജെറ്റ് സഹോദരങ്ങള്‍



ഇന്ത്യയിൽ നിന്നും ഓൾ ഇന്ത്യ മുസ്ലീം പേഴ്സണൽ ലോ ബോര്‍ഡ് അംഗം മൗലാന സജ്ജാദ് നൊമാനിയാണ് താലിബാന് പിന്തുണയുമായി എത്തിയത്. അഫ്ഗാന് ഭരണം പിടിച്ചതിൽ അഭിനന്ദനം അറിയിക്കുകയും ചെയ്തു.

ഈ ഹിന്ദി മുസ്ലീം നിങ്ങളെ അഭിവാദ്യം ചെയ്യുന്നുവെന്നും പറഞ്ഞായിരുന്നു മൗലാന താലിബാനെ പ്രശംസിച്ച് പറഞ്ഞത്.

കഴിഞ്ഞ ദിവസം താലിബാൻ ഭരണം ഏറ്റതിനെ ഇന്ത്യയുടെ സ്വാതന്ത്ര്യ സമരവുമായി താരതമ്യം ചെയ്ത് സമാജ്വാദി പാർട്ടി രംഗത്തു വന്നിരുന്നു ഇതിന് തൊട്ടുപിന്നാലെയാണ് മുസ്ലീം ലോ ബോർഡ് അംഗത്തിന്റെ പ്രസ്താവന വന്നിരിക്കുന്നത്.

ഉത്തർപ്രദേശിലെ സാംബൽ എംപിയായ ഷഫീഖുർ റഹ്മാന്‍ ബാർക്കാണ് താലിബാനെ അനുകൂലിച്ചത്. ഇത് യുപി മുഖ്യമന്ത്രി യോഗി ആദിത്യനാഥിന്റെ ഭാഗത്ത് നിന്നുമടക്കം വ്യാപകമായ വിമർശനം ക്ഷണിച്ചുവരുത്തിയിരുന്നു. തുടര്‍ന്ന് ഇയാൾക്കെതിരെ രാജ്യദ്രോഹ കുറ്റം ചുമത്തി കേസെടുക്കുകയും ചെയ്തു.

തങ്ങളുടെ രാജ്യത്തെ സ്വതന്ത്രമാക്കാനാണ് താലിബാൻ ആഗ്രഹിക്കുന്നതെന്നും ഇത് അഫ്ഗാനിസ്ഥാന്റെ ആഭ്യന്തര കാര്യമാണെന്നും സംഭൽ ലോക്സഭാ എംപി ഷഫീഖുർ റഹ്മാൻ ബാർക്ക് പറഞ്ഞിരുന്നു. തുടര്‍ന്ന് അസംബ്ലിയിൽ വച്ച് മുഖ്യമന്ത്രി യോഗി അദ്ദേഹത്തെ വിമര്‍ശിച്ചിരുന്നു.

Also Read : ഒറ്റ വര്‍ഷം കൊണ്ട് നരേന്ദ്ര മോദിയുടെ ജനപ്രീതി 60% ത്തിൽ നിന്നും 24% ആയി ഇടിഞ്ഞു

അദ്ദേഹം ലജ്ജയില്ലാതെ താലിബാനെ പിന്തുണയ്ക്കുകയാണ്. അവരുടെ പ്രാകൃത പ്രവർത്തനത്തെ പിന്തുണയ്ക്കുക എന്നാണ് ഇതിനർത്ഥം. എന്ന് യുപി മുഖ്യമന്ത്രി യോഗി ആദിത്യനാഥ വിമര്‍ശിച്ചു.