തിരുവനന്തപുരം ലോ അക്കാദമി അധ്യാപകൻ കോളജ് ഗ്രൗണ്ടിൽ ആത്മഹത്യ ചെയ്ത നിലയിൽ

തിരുവനന്തപുരം: തിരുവനന്തപുരം ലോ അക്കാദമിയിലെ അധ്യാപകൻ കോളജ് ഗ്രൗണ്ടിൽ തീ കൊളുത്തി ആത്മഹത്യചെയ്ത നിലയില്‍. സുനിൽകുമാർ എന്ന അധ്യാപകനാണ് മരിച്ചത്. പൊള്ളലേറ്റ അധ്യാപകനെ ആശുപത്രിയിലേക്ക് മാറ്റിയിരുന്നെങ്കിലും ജീവൻ രക്ഷിക്കാനായില്ല.



ഉച്ചയോടെയാണ് അധ്യാപകനെ തീ കൊളുത്തിയ നിലയിൽ കണ്ടെത്തിയത്. കോളേജിൽ ജോലിക്കെത്തിയ ഇതര സംസ്ഥാന തൊഴിലാളികൾ തീ നാളങ്ങൾ ഉയരുന്നത് കണ്ടതോടെയാണ് സംഭവം പുറത്തറിയുന്നത്. 10 വർഷത്തോളമായി അധ്യാപകൻ ഇവിടെ ജോലി ചെയ്യുന്നുണ്ടെന്നാണ് പ്രാഥമിക വിവരം. ഗ്രൗണ്ടിന് സമീപത്ത് നിന്ന് പെട്രോള്‍ കുപ്പി കണ്ടെടുത്തതായി മാതൃഭൂമി ന്യൂസ് റിപ്പോർട്ട് ചെയ്തു.

Also Read : ആസൂത്രണത്തോടെയുള്ള വേട്ടയാടൽ; കുടുക്കാൻ ശ്രമിക്കുന്നുവെന്ന് ഇ ബുൾജെറ്റ് സഹോദരങ്ങള്‍



ക്ലാസിലുണ്ടായിരുന്ന വിദ്യാർഥികളുമായി സംസാരിച്ച ശേഷമാണ് അധ്യാപകൻ ഗ്രൗണ്ടിലേക്ക് പോയതെന്നാണ് റിപ്പോർട്ട്. കോളേജിലെ പരിപാടികളിൽ അദ്ദേഹം സജീവമായിരുന്നു. ആത്മഹത്യയുടെ കാരണം വ്യക്തമല്ല. അതേസമയം മരണത്തെ സൂചിപ്പിച്ചുകൊണ്ടുള്ള പോസ്റ്റ് ഇദ്ദേഹം കഴിഞ്ഞദിവസം ഇൻസ്റ്റാഗ്രാമിൽ ഇട്ടിരുന്നെന്നാണ് റിപ്പോർട്ട്.

ബൈക്ക് യാത്രയ്ക്കിടെ കാട്ടുപന്നിയിടിച്ച് ഗുരുതര പരിക്ക്; അബോധാവസ്ഥായിലായ ഉദ്യോഗസ്ഥന്‍റെ അഞ്ചര പവന്‍റെ സ്വര്‍ണമാലയും കാണാനില്ല

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ: ദിശ ഹെല്‍പ്പ്‍ലൈന്‍ – 1056 (ടോള്‍ ഫ്രീ)