ശീതളപാനീയത്തിൽ മയക്കുമരുന്ന് നൽകി യുവതിയെ കൂട്ടബലാത്സംഗത്തിനിരയാക്കി

മീററ്റ്: ശീതളപാനീയത്തിൽ മയക്കുമരുന്ന് കലക്കി നൽകി യുവതിയെ കൂട്ടബലാത്സംഗത്തിനിരയാക്കി. ഉത്തർപ്രദേശിലെ മീററ്റിലാണ് ക്രൂരസംഭവം നടന്നത്. റോഹ്ത പ്രദേശത്തെ ഒരു ഹോട്ടലിൽ വെച്ചാണ് ജിം ഉടമയും കൂട്ടാളികളും ചേർന്ന് യുവതിയെ പീഡനത്തിനിരയാക്കിയതെന്ന് ഇംഗ്ലീഷ് വാർത്താ ചാനലായ ടൈംസ് നൗവാണ് റിപ്പോർട്ട് ചെയ്തത്.

പീഡന പരാതിയിൽ കേസ് രജിസ്റ്റർ ചെയ്ത പോലീസ് ജിം ഉടമ ഉൾപ്പെടെ രണ്ട് പേരെഅറസ്റ്റ് ചെയ്തു. കേസിൽ പ്രതിയായ മൂന്നാമത്തെയാൾ ഒളിവിലാണ്. ഹോട്ടലിലേക്ക് യുവതിയെ കൊണ്ടുവന്ന സംഘം ശീതളപാനീയത്തിൽ മയക്കുമരുന്ന് കലക്കി കൊടുത്തശേഷമാണ് യുവതിയെ കൂട്ടബലാത്സംഗത്തിനിരയാക്കിയത്.

Also Read : വിവാഹ നിശ്ചയത്തിന് പിറ്റേന്ന് വീട്ടിലെത്തി പീഡിപ്പിക്കാൻ ശ്രമം; പ്രതിശ്രുത വധുവിന്റെ പരാതിയിൽ യുവാവിനെതിരെ കേസ്



ഉജ്ജ്വൽ എന്ന ജിം ഉടമയും സുഹൃത്തുക്കളുമാണ് കേസിലെ പ്രതികൾ. ഇയാളുടെ അച്ഛന്‍റെ ഉടമസ്ഥതയിലുള്ള ഹോട്ടലിൽവെച്ചാണ് കൃത്യം നടന്നത്. സുഹൃത്തുക്കൾക്കൊപ്പം യുവതിയെ ഹോട്ടലിലേക്ക് കൊണ്ടുവന്ന പ്രതി, ഇവർക്ക് മയക്കുമരുന്ന് വെള്ളത്തിൽ കലർത്തി നൽകുകയായിരുന്നു. തുടർന്ന് മൂന്നുപേരും ചേർന്ന് യുവതിയെ പീഡിപ്പിക്കുകയും ചെയ്തു. ബോധം വന്നയുടൻ യുവതി ഒരു ബന്ധുവിനെ വിളിച്ചാണ് പീഡനവിവരം പറയുന്നത്.

സ്ത്രീധനം ആവശ്യപ്പെട്ട് ക്രൂര മർദ്ദനം, നിലത്തിട്ട് ചവിട്ടി; യുവതിയ്ക്ക് ദാരുണാന്ത്യം

യുവതിയുടെ ബന്ധു വിവരം അറിയിച്ചതിനെത്തുടർന്ന് സ്ഥലത്തേക്ക് പോലീസ് കുതിച്ചെത്തുകയും രണ്ട് പ്രതികളെ അറസ്റ്റ് ചെയ്യുകയുമായിരുന്നു. ജിം ഉടമയായ ഉജ്ജ്വൽ, സൗരഭ് എന്നിവരാണ് അറസ്റ്റിലായത്. എന്നാൽ പോലീസ് എത്തിയപ്പോഴേക്ക് സംഘത്തിലെ മൂന്നാമനായ മോനു സ്ഥലം വിട്ടിരുന്നു. യുവതിയെ വൈദ്യപരിശോധനയ്ക്ക് വിധേയയാക്കിയെന്നും മൊഴി രേഖപ്പെടുത്തിയെന്നും പോലീസ് പറഞ്ഞു.