അഫ്ഗാനിസ്ഥാനിലെ സ്ഥിതി ആശങ്കപ്പെടുത്തുന്നത്; യുഎൻ രക്ഷാ സമിതിയിൽ ജയശങ്കർ

ന്യൂഡൽഹി: അഫ്ഗാൻ വിഷയത്തിൽ യുഎൻ രക്ഷാസമിതിയിൽ ശക്തമായ നിലപാടറിയിച്ച് ഇന്ത്യ. ഭീകരവാദത്തിന്റെ കാര്യത്തിൽ ഇരട്ടത്താപ്പ് പാടില്ലെന്നും ഐഎസ് ഇന്ത്യയുടെ അയൽപ്പക്കത്ത് വരെ എത്തിയെന്നും ഇന്ത്യൻ വിദേശകാര്യ മന്ത്രി എസ് ജയശങ്കർ പറഞ്ഞു. ഭീകരതയ്ക്ക് താവളമൊരുക്കുന്ന രാജ്യങ്ങൾക്കെതിരെ നടപടി വേണമെന്ന് അദ്ദേഹം ആവശ്യപ്പെട്ടു.



കേരളത്തിന് ഭീഷണിയായി കൊവിഡ് ‘ബ്രേക് ത്രൂ’ കേസ്; രാജ്യത്തെ 46 ശതമാനവും സംസ്ഥാനത്ത്

ആഗോള സമാധാനത്തിനും സുരക്ഷയ്ക്കുമുള്ള ഭീഷണി എന്ന വിഷയത്തിൽ യുഎൻ രക്ഷാ സമിതിയിൽ സംഘടിപ്പിച്ച ചർച്ചയിലാണ് അദ്ദേഹം ഇക്കാര്യം ഉന്നയിച്ചത്.

ജയ്ഷെ ഇ മുഹമ്മദും ലക്ഷ്കർ ഇ ത്വയിബയും അഫ്ഗാനിസ്ഥാനിൽ സജീവമാണെന്ന് അദ്ദേഹം പറഞ്ഞു. ഭീകരവാദത്തെ ന്യായീകരിക്കരുത്. കൊവിഡ് പോലെ എല്ലാവരേയും ഭീകരവാദം ബാധിക്കുന്നതാണെന്നും ജയശങ്കർ പറഞ്ഞു.

‘ടാഗോറിന് കറുത്ത നിറമായിരുന്നു, അമ്മ എടുക്കാൻ മടിച്ചു’; വിവാദ പ്രസ്താവനയുമായി കേന്ദ്ര മന്ത്രി

എന്നാൽ ചില രാജ്യങ്ങളുടെ നിലപാട് ഭീകരതയെ പ്രോത്സാഹിപ്പിക്കുന്നതാണെന്നും അദ്ദേഹം പറഞ്ഞു. ഐഎസ് ഭീകരരുടെ ശൃംഖല വ്യാപിക്കുകയാണ്. പാക്കിസ്ഥാൻ ഭീകരർക്ക് സുരക്ഷിത താവളം ഒരുക്കുകയാണെന്നും ഇന്ത്യ വ്യക്തമാക്കി. അതേസമയം താലിബാനെ പേരെടുത്ത് കുറ്റപ്പെടുത്താൻ ജയശങ്കർ തയ്യാറായില്ല.