കണ്ണിനടിയിലെ കറുപ്പ് പലരേയും അലട്ടുന്ന ഒന്നാണ്. ചിലര്‍ക്കാകട്ടെ, തടിപ്പുമുണ്ടാകും. ഐ ബാഗ് എന്നു പറയാം. ഇതിന് കാരണങ്ങള്‍ പലതുണ്ട്. ഉറക്കക്കുറവാണ് പ്രധാനം. കണ്ണിന് സ്‌ട്രെയിന്‍ വരുന്നതും കണ്ണിന്റെ ഇത്തരം പ്രശ്‌നങ്ങള്‍ക്ക് കാരണമാകുന്നു. സ്‌ട്രെസ് പോലുള്ള പ്രശ്‌നങ്ങളാണ് മറ്റൊരു കാരണം. കണ്ണിനടിയിലെ കറുപ്പും ഇതുപോലെയുള്ള തടിപ്പും മാറാന്‍ സഹായിക്കുന്ന ചില പ്രത്യേക വഴികളുണ്ട്. ഇത് നമുക്ക് വീട്ടില്‍ തന്നെ എളുപ്പത്തില്‍ ചെയ്യാം.

കംപ്രഷനില്‍

ഒരു വഴിയെന്നത് കോള്‍ഡ്, ഹോട്ട് കംപ്രഷനാണ്. കോള്‍ഡ് കംപ്രഷനില്‍ ഐസ് വാട്ടറാണ് വേണ്ടത്. ഐസ് വെള്ളത്തില്‍ പഞ്ഞി മുക്കി കണ്ണിനു മുകളില്‍ വയ്ക്കാം. പതുക്കെ മസാജ് ചെയ്യുകയും ചെയ്യാം. ഇത് കണ്ണിന്റെ ഭാഗത്തെ ചുളിവ് നീക്കാനും ഏറെ നല്ലതാണ്. വളരെ എളുപ്പം എത്ര തവണ വേണമെങ്കിലും ചെയ്യാവുന്ന ഒന്നാണിത്. ഇതുപോലെ ചെറുചൂടുള്ള ഉപ്പിട്ട വെള്ളത്തില്‍ പഞ്ഞി മുക്കി കണ്ണിന് മുകളില്‍ ഇതേ പോലെ വയ്ക്കുന്നതും നല്ലതാണ്.

നൈറ്റ് പായ്ക്കായി

ഇതല്ലാതെ മറ്റൊരു ഐ പായ്ക്ക് തയ്യാറാക്കാം. നൈറ്റ് പായ്ക്കായി ഉപയോഗിയ്ക്കാവുന്ന ഒന്നാണിത്. രാത്രി കിടക്കാന്‍ നേരത്ത് കണ്ണിനു താഴെ പുരട്ടാവുന്ന ഒന്നാണ്. ഇതിനായി വേണ്ടത് വെള്ളരിക്ക അല്ലെങ്കില്‍ കുക്കുമ്പര്‍, കറ്റാര്‍വാഴ എന്നിവയാണ്. രക്തയോട്ടം ര്‍ദ്ധിപ്പിയ്ക്കാനും കണ്ണിനു കുളിര്‍മ നല്‍കാനുമെല്ലാം ഇതേറെ മികച്ചതാണ്. കണ്ണിനു മുകളില്‍ വെള്ളരിക്കാ അല്ലെങ്കില്‍ കുക്കുമ്പര്‍ അല്ലെങ്കില്‍ കുക്കുമ്പര്‍വട്ടത്തില്‍ മുറിച്ചത് ഫ്രിഡ്ജില്‍ വച്ചു തണുപ്പിച്ച ശേഷം വയ്ക്കുന്നതും ഏറെ നല്ലതാണ്. കണ്ണിന് ഇതു നല്‍കുന്ന ഈ ഗുണമാണ് കണ്ണിന്റെ പ്രശ്‌നങ്ങള്‍ക്കായി ഇതുപയോഗിയ്ക്കാന്‍ പ്രധാനമാക്കുന്നത്.

കറ്റാര്‍ വാഴ

സൗന്ദര്യ പ്രശ്‌നങ്ങള്‍ക്ക് കറ്റാര്‍ വാഴയും മികച്ചതാണ്. ഇതിലെ വൈറ്റമിന്‍ ഇ ആണ് ഈ ഗുണം നല്‍കുന്നത്. കരുവാളിപ്പ് മാറാനും ചര്‍മത്തിന്റെ ചുളിവ് മാറാനുമെല്ലാം ഇതേറെ മികച്ചതാണ്. കറ്റാര്‍ വാഴയ ചര്‍മ പ്രശ്‌നങ്ങള്‍ക്കും കണ്ണിനടയിലെ കറുപ്പിനും കണ്ണിന്റെ ക്ഷീണത്തിനുമെല്ലാം മികച്ചൊരു മരുന്നാണ്. ഇതും വൈറ്റമിന്‍ ഇ സമ്പുഷ്ടമാണ്. യാതൊരു ദോഷവും വരുത്താത്താണ് ഇത്. കറ്റാര്‍ വാഴയുടെ ജെല്‍ ഉപയോഗിയ്ക്കാം. വാങ്ങുന്ന ജെല്‍ ആണെങ്കില്‍ മിശ്രിതം അല്‍പം കട്ടിയായി ഇരിയ്ക്കും വീട്ടിലെ കറ്റാര്‍ വാഴയെങ്കില്‍ ഈ കട്ടി ലഭിച്ചെന്നു വരില്ല.

കണ്ണിന്

ഇതിനായി വെള്ളരിക്കാ ജ്യൂസ് തയ്യാറാക്കുക. ഇതിലേയ്ക്ക് കറ്റാര്‍ വാഴ ജെല്‍ ചേര്‍ത്തിളക്കാം. ഇത് ജെല്‍ പോലെയാക്കുക. ഇത് ഫ്രിഡ്ജില്‍ വച്ച് ഉപയോഗിക്കാം. രാത്രി കിടക്കാന്‍ നേരത്ത് ഇത് പുരട്ടാം. ഇത് ചര്‍മത്തിനും നല്ലതാണ്. മുഖത്തെ ചുളിവിനും നല്ലതാണ്. ചര്‍മത്തിന് പുത്തനുണര്‍വ് ഇത് നല്‍കുന്നു. ഒരു പത്തു മിനിറ്റു നേരം വീതം ദിവസവും രണ്ടു തവണ ഇതു ചെയ്യാം. അല്‍പനാള്‍ അടുപ്പിച്ചു ചെയ്താല്‍ കണ്‍തടത്തിലെ വീര്‍പ്പ് മാറും. കണ്ണിന് ക്ഷീണം മാറി തിളക്കമുണ്ടാകും.