നിരോധിക്കപ്പെട്ട മരുന്നുകള്‍ ഖത്തറിലേക്ക് കൊണ്ട് വരുന്നത് അറസ്റ്റ് ചെയ്യപ്പെടാനും ജയിലില്‍ അടയ്ക്കപ്പെടാനും ഇടയാക്കിയേക്കാമെന്നും എംബസി മുന്നറിയിപ്പ് നല്‍കി.
നിരോധിക്കപ്പെട്ട മരുന്നുകള്‍ ഏതൊക്കെ?
ലഹരിക്ക് കാരണമാവുന്നതോ, മാനസിക നിലയെ ബാധിക്കുന്നതോ (സൈക്കോട്രോപ്പിക്) ആയ ചേരുവകള്‍ അടങ്ങിയ മരുന്നുകള്‍ രാജ്യത്തേക്ക് കൊണ്ടുവരുന്നത് ഖത്തര്‍ അധികൃതര്‍ നിരോധിച്ചിട്ടുണ്ടെന്ന് എംബസി വെബ്‌സൈറ്റില്‍ പ്രസിദ്ധീകരിച്ച കുറിപ്പില്‍ വ്യക്തമാക്കി. ലിറിക്ക, ട്രാമഡോള്‍, ആല്‍പ്രസൊലാം(Xanax), ഡയാസെപം (Valium), സൊലാം, ക്ലോണസെപാം, സോല്‍പിഡെം, കോഡീന്‍, മെതഡോണ്‍, പ്രെഗബാലിന്‍ തുടങ്ങിയ മരുന്നുകള്‍ നിരോധിക്കപ്പെട്ടവയില്‍ ഉള്‍പ്പെടുന്നവയാണ്. ഖത്തറില്‍ നിരോധിക്കപ്പെട്ട മരുന്നുകളുടെ പൂര്‍ണ പട്ടിക എംബസി വെബ്സൈറ്റിലെ https://www.indianembassyqatar.gov.in/users/assets/pdf/innerpages/Substances-in-schedule.pdf എന്ന ലിങ്കില്‍ ലഭ്യമാണ്.
മരുന്നുകള്‍ പരമാവധി 30 ദിവസത്തേക്കുള്ളത് മാത്രം
നിരോധിക്കപ്പെട്ട മരുന്നുകള്‍ ഖത്തറിലേക്ക് കൊണ്ട് വരുന്നത് അറസ്റ്റ് ചെയ്യപ്പെടാനും ജയിലില്‍ അടയ്ക്കപ്പെടാനും ഇടയാക്കിയേക്കാമെന്നും എംബസി മുന്നറിയിപ്പ് നല്‍കി. സുഹൃത്തുക്കള്‍ക്കോ കുടുംബക്കാര്‍ക്കോ വേണ്ടി കൊണ്ട് വരുന്ന മരുന്നുകളുടെ കാര്യത്തില്‍ പ്രത്യേക ജാഗ്രത വേണമെന്നും എംബസി അറിയിച്ചു.
അതേസമയം, വ്യക്തിപരമായ ഉപയോഗത്തിനുള്ള നിരോധിക്കപ്പെടാത്ത മരുന്നുകള്‍ കൊണ്ടു വരുന്നവരും ചില കാര്യങ്ങള്‍ ശ്രദ്ധിക്കേണ്ടതുണ്ട്. മരുന്ന് വാങ്ങുന്നതിനായി ഡോക്ടര്‍ നല്‍കിയ പ്രിസ്‌ക്രിപ്ഷന്‍ കൈയില്‍ കരുതണം. അതാവട്ടെ, അംഗീകൃത ആശുപത്രിയില്‍ നിന്നോ ഡോക്ടറില്‍ നിന്നോ ഉള്ളതായിരിക്കണം. 30 ദിവത്തേക്കുള്ളതിനെക്കാള്‍ കൂടുതല്‍ മരുന്ന് കൊണ്ടുവരാന്‍ അനുവാദമില്ലെന്നും എംബസി അറിയിപ്പില്‍ വ്യക്തമാക്കി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : travellers advised caution on carrying medicines to qatar indian embassy
Malayalam News from malayalam.samayam.com, TIL Network
